Ibadah

UMUM:
1. Jam 7.30 (Bahasa Indonesia)
2. Jam 10.00 (Bahasa Simalungun)
3. Jam 18.00 (Bahasa Indonesia/Eng)

SEKOLAH MINGGU:
1. Remaja : 8.00-10.00
2. Kelas Kecil & Tanggung : 10.00 - 12.00

Jl. Terompet No 64 Pasar I, Padang Bulan, Medan.

LANG SOYA ULIHTA NA PORSAYA

Ambilan 23 Juni 2019

Pangungkabon 22 : 12 – 17 

1. Buku Pangukabon marisi aha na iidah si Johanes sanggah tarbuang ia i Pulau Patmos. Pangidahan ai aima pasal na masa sonari age na sihol masa na isuratkon hubani na pitu kuria panorang ijia (Efesus, Smirna, Pergamus, Tiatira, Sardis, Filadelfia dan Laodikia). Ipatugah do bani pangukabon ai pasal hamonangan ni Tuhan Jesus manaluhon haganup kuasa na i dunia on janah harajaon-Ni meliputi nagori atas (1:11). Harajaon-Ni ai isobut do homa Jerusalem na baru. 

PUJI MA JAHOWA, PITAH IA DO SIPALUAH !

Sibasaon 23 Juni 2019

2 Musa 15 : 12 – 18

1. Sejarah ni bangsa Israel merupakan cara na ibahen Naibata patandahon diri-Ni bani dunia on. Marhitei kehadiran ampa horja-Ni bani bangsa ai gabe boi ma itanda dunia on ise do Naibata. Pamilihon ni Naibata bani bangsa Israel ipungkah humbani pandiloon ni Abraham. Marhitei Abraham ijanjihon Naibata do jumpahan pasu-pasu ganup bangsa. Humbani si Abraham, tubuh ma si Isak janah humbani si Isak tubuh si Jakob. Josep, sada humbani anak ni Jakob tarjual do hu Masir, tapi justru aima ibahen Naibata dalan manggargar halak Israel i tanoh Masir marhitei na ipasu-pasu Naibata si Josep gabe na terhormat i Masir. Idilo si Josep do saninani haganup hu tanoh Masir janah ijai ma sidea ipasu-pasu Naibata lambin bueini. Tapi sadalan bani pardalanan ni panorang iarsik halak Masir do Israel halani mabiar sidea gabe halak Israel use na markuasa i tanoh ni sidea. On ma mungkahni iparjabolon halak Masir sidea. Ternyata janji ni Naibata bani si Abraham mambahen ginomparni gabe sada bangsa na banggal lang boi ibatalhon atap ise pe termasuk halak Masir na mangarsik sidea. Aha na ibagahkon Naibata bani Abraham maningon do saud. Rencana ampa hata ni Naibata lang boi tarolati age ise pe. Marhitei kuasa ni Naibata na marhagogohon, ipaluah do halak Israel hun tanoh Masir.

HAPORSAYAON NA TERUJI PAROH MALAS NI UHUR

Ambilan 16 Juni 2019

1 Musa 22 : 1 – 12 

 

1. Dob melalui proses na dokah ampa melalui bagei ujian haporsayaon, gabe ilayak-layakkon Naibata do anak bani Abraham aima si Isak humbani  parinangonni si Sara domu hubani padan ni Naibata. Naibata mansuhuni padan-Ni pori pe domma matua Abraham pakon parinangonni si Sara.

LANG TARBADOR HALAK NA PORSAYA BANI NAIBATA

Sibasaon 16 Juni 2019

Heber 11 : 7 – 12 

1. Panurat Heber patorangkon bahwa relasi antara jolma pakon Naibata ibangun marhitei haporsayaon. Hal on domma talar age humbani Padan Nabasaia. Anggo isobut haporsayaon mararti do ai yakin atau porsaya bani hata atau janji ni Naibata na marisi pasu-pasu na sihol ipatalar bani halak na porsaya. Memang bani mungkahni boi do ponop janji ai bahkan bertentangan humbani logika berfikir ni jolma. Tapi pori pe lang tarpingkiri atau ponop ope, ningon porsaya bahwa  haganup na ijanjihon Naibata pasti do saud. On sihol mangajarhon bahwa kuasa ni Naibata lang boi ibatasi oleh logika berfikir ni jolma tapi markuasa do Ia pasaudkon haganup age na lang terjangkau pingkiran ni jolma. 

MANGGOLUH IBAGAS PAMBOBAI NI TONDUY

Ambilan 09 Juni 2019

Rom 8 : 9 – 11 

1. Bagei do ukuran ibahen jolma manontuhon aha do na pintor atap na sintong. Buei do jolma mamakei ukuran pingkiran ampa rosuhni sandiri manontuhon aha do na sintong ampa na lang sintong. Ambilan on patugahkon bahwa ukuran na sintong lang roh humbani dirini jolma halani lang mampu jolma na dob madabuh hubagas dosa manontuhon aha do na sintong ampa na salah. Domu hujin ma Paulus paingatkon kuria Roma halani panorang ai halak Jahudi na adong i Roma manganggap bahwa sidea domma sintong i lobei ni Naibata halani adong bani sidea titah. Anggapan ni sidea, hasintongan terjadi marhitei usaha ni sidea mangkorjahon titah. Halani ai Paulus menegashon: jangankan mambahen dirini sintong i lobei ni Naibata, sedangkan manontuhon aha na sintong pe lang mampu jolma in anggo humbani dirini. Paulus menegashon bahwa jolma in boi sintong pitah halani idop ni uhur ni Naibata na sirsir pasintongkon sidea i lobei-Ni marhitei Tuhan Jesus.

NA UBAH MA PARLAHOU ULANG SONGON SAPARI

Sibasaon 09 Juni 2019

Kolose 3 : 5 – 11      

1. Manggoluh ope hita i dunia on tapi statusta lang be warga dunia tumang tapi domma homa warga harajaon ni Naibata ibagas Kristus (ay.11). Goluhta domma imerdekahon Tuhan Jesus humbani biak dunia (dosa) janah domma ipauli use gabe rupa ni Naibata songon mulani panompaon (ay.10). Artini, goluh ni na porsaya domma iubah gabe marbiak na baru na margoluh hapansingon pori pe marianan ope i dunia on. 

BALOSAN BANI NAIBATA DARI PADA BANI JOLMA

Ambilan 02 Juni 2019

Daniel 3 : 21 – 29 

1. Marhitei na ibere Naibata habotohon bani Daniel patugahkon isi ni nipi raja Nebukadnesar, raja Babel gabe iangakat Nebukadnesar do si Daniel sipanrajai i Babel (2:48),  janah sadalan hubani pangindoan ni Daniel hubani Nebukadnesar, ipabangkit do homa si Sadrak, Mesak pakon Abednego gabe wakil ni Daniel manggomgomi propinsi Babel (2:49). Pori pe sebagai halak na tarbuang do sidea i Babel ternyata tong do isarihon Naibata. Ternyata homa, pori pe sidea marianan i Babel na maanombah naibata-naibata ni Babel tapi sidea Daniel pakon hasomaanni na tolu on totap do marsombah hubani Naibata.

MANGKAHOLONGI TUHAN MARHITEI PAMBAHENAN

Sibasaon 02 Juni 2019

Johanes 14 : 15 – 26 

 

1. Ambilan on aima bahagian hata partadingan ni Tuhan Jesus bani susian. Isobut hata partadingan halani sihol ma Tuhan Jesus mandompakkon silang janah mulak hubani Bapa-Ni. Adong 2 hal na ipatangkas ijon aima:

a. Pori pe misir Tuhan Jesus tapi hadir do tongtong Ia rap pakon susian-Ni marhitei Tonduy Sipangapiti aima Tonduy Napansing.

b. Paingatkon susian ase hata atap pangajaran ni Tuhan Jesus na domma ijalo sidea sadokah on poltik ijolom janah ihagoluhkon.

Na dua hal on lang boi tarsirang halani Tonduy ai do mangajari ampa mangkasomani sidea ase margogoh manramotkon pakon mandalankon hata ai. Bani panorangni iondoskon Tuhan Jesus Tonduy ai hubani susian gabe ibotoh sidea ma na sada do Bapa pakon Anak (Tuhan Jesus) sehingga na marholong ni uhur bani Tuhan Jesus domma sada homa hubani Bapa na i nagori atas ai (ay.20). Artini, lang hape na soya habujuron ni sidea mangirikkon Tuhan Jesus. On ma na mendorong susian lambin pokkut mandalankon titah ni Kristus. Ibotoh sidea ma banggal do upahni na mambalosi hata ni Tuhan.

GABE JOLMA SIPARTONGGO MA HITA

Ambilan 26 Mei 2019

Lukas 11 : 1 – 13 

1. Tonggo aima buah ni haporsayaon, artini: haporsayaon do na mendorong jolma ase martonggo hubani Naibata. Martonggo aima padaskon isi ni uhur ibagas haporsayaon hubani Naibata. Halani ai iajari Tuhan Jesus do susian-Ni martonggo. Martonggo aima membangun relasi hubani Naibata ibagas haporsayaon.

ROH MA BANI NAIBATA, SIPALUAH DO IA BANI NA DOYUK

Sibasaon 26 Mei 20119

Psalmen 102 : 2-3, 13-23

1. Ambilan on aima tonggo ni parpsalmen hubani Naibata sanggah ibagas hasosakan. Isadari bahwa tanpa campur tangan ni Naibata tarbador bahkan matei mando ia halani lang margogoh ia paluahkon dirini humbani hasosakan ai. Halani ai na ipangindo ase itangihon Naibata ia halani ihaporsayai gogohan do Naibata marimbang haganup kuasa na mambahen tarsosak ia. Ihaporsayai do homa bahwa marsundut-sundut do holong pakon kuasa ni Naibata, sadokah ni dokahni do Ia marparatas (13). I tongah-tongah ni panorang ampa na masa na marubah-ubah i tanoh on tapi kuasa ni Naibata lang ongga mubah. Ihaporsayai parpsalmen bahwa pori pe keadaanni gok ibagas hadoyukon tapi adong do Naibata na gogoh laho paluahkonsi. Bani na roh ia martonggo hubani Naibata, ia lang ragu bani kuasa ampa holong ni Naibata tapi domma itanda janah ihaporsayai bahwa sirsir do Naibata marpanatap (ay.20). Bahkan idingat do janji ni Naibata bahwa marpanatap do use Naibata bani bangsa-Ni (14, bd.Pslm 14:7). Parpsalmen lang ragu mangondoskon goluhni ampa sitarononni hubani Naibata tapi roh do ia ibagas na mardingat ampa mangkaporsayai janji atap hata ni Naibata. 

Kegiatan & Pemakaian Gereja

Kalender

Untuk menampilkan jadwal/kalender ini, silakan klik +GoogleKalender diatas,dan login ke email gmail.com anda. Kami approve 1 x 24 jam.<Full View>

Ambilan & Sibasaon

Go to top