SINJATA PARTONDUYON (Sibasaon 28 Juli 2019 Efesus 6 : 10 – 20)

SINJATA PARTONDUYON

Sibasaon 28 Juli 2019

Efesus 6 : 10 – 20 

 

1. Porang ampa sinjata merupakan dua hal na selalu terkait. Tanpa perlengkapan sinjata maka kemungkinan monang bani parporangan semakin kecil. Halani ai mutlak do jolma memperlangkapi diri bani sinjata ase ulang talu sanggah roh munsuh. Berbicara tentang porang gati do mintor tertuju pingkiranta hubani perang fisik na iperlengkapi sinjata bodil, meriam, bom, pnl. Banta halak na porsaya adong ope bentuk parporangan aima porang partonduyon aima marporang manlawan kuasa-kuasa ni dunia atau sibolis na sihol parsedahon goluhta. Sibolis selalu berusaha ase itundalhon hita haluahon na dob ipasirsir Tuhan Jesus ; Ase itadingkon hita hata ni Tuhan janah ase mardalan hita bani rosuh ni sibolis ; Ase itundalhon hita Tuhan bani na mamparayak sura-sura janah ase galek janah mandolei hita sanggah roh sitaronon. Sibolis selalu berupaya dengan tipu daya manirang hita humbani Naibata. Umumni sibolis selalu menawarhon rosuh pardagingon songon na ongga homa ibahen sibolis laho manlajou Tuhan Jesus marhitei tawaran sipanganon ampa kuasa (Mat. 4:1-11).

2. Ase margogoh hita manaluhon sibolis iporluhon perlengkapan sinjata na humbani Naibata. Selama hita mamakei sinjata ai, sadokah ijai ma lang markuasa sibolis mangagou goluhta. Sinjata perlengkapan ai aima:

a. Gondit hasintongan (ay.14). Somalni tentera Romawi paima marporang maningon isangkut/igondithon poltik jubahni ase ulang targanggu marporang. Margondit hasintongan maksudni manggoluh ibagas hasintongan, ulang Kristen na berpura-pura. Ulang marponop ibalikni kedok tohonan/ jubah.

b. Baju bosi hapintoron (ay.14). Baju/rompi aima peralatan melindungi bagian fital (hati, jantung,pnl.). Halak Kristen ningon memperlengkapi diri laho manjaga hati/uhur halani humbani uhur do sumber ni ganup sikap. Humbani uhur do tubuh na madear ampa hajahaton (bd. Podah 4:23). Sadalan hujin bani 1 Tes. 5:8 ‘ase pakei hita ma baju bosi haporsayaon ampa haholongan’. Haporsayaon bertumbuh halani adong holong (Gal. 5:6). Ijin adong uhur holong, ijai ma hita terhindar  humbani serangan ni sibolis na mambobai uhurta hubani domdom, ketidak-adilan, ketidak-pedulian, pnl., tapi totap manggoluh ibagas hapintoron (1 Kor. 13:4-8).          

c. Sipatu ringgas ni uhur mangambilankon Ambilan Na Madear (ay.15). Sipatu aima alat na ibutuhkon tentera ase nyaman mardalan age menempuh jarak na daoh. Sipatu menggambarhon mobilitas. Anggo sanggah i parporangan, biasani tentera lang mambuka sipatuni age borngin halani bisa saja musuh tiba-tiba roh menyerang. Perlengkapan na imaksud ijon aima kesiapan, totap siap sedia mambaritahon Ambilan Namadear bani ganup panorang. Haganup do kuria idilo marugas manaksihon hata ni Tuhan.

d. Gantar haporsayaon (ay.16). Gantar (perisai) aima peralatan na ipakei melindungi angkula humbani anak panah ni musuh. Sibolis selalu berusaha mencari titik lemahta. Anggo urah ganggu uhurta sanggah adong paruntolon misalni, ijai ma sibolis berusaha menggoda hita ase madabuh hita hubani biar ampa pandoleian. Halani ai iporluhon membentengi uhur marhitei haporsayaon ase totap porsaya bani pansarihonon ni Naibata. 

e. Tangkuluk bosi haluahon (ay.17). Tangkuluk ipakei melindungi bahagian ulu. Martangkuluk bosi haluahon maksudni manjaga otak /pingkiranta ase ulang irajai dunia on. Medan pertempuran na gati ipakei sibolis aima pingkiranta. Ia selalu berusaha mengacauhon pingkiranta marhitei na membahen rumusan/konsep na lang sadalan bani hatani Naibata. Na gagal manjaga pingkiran boi madabuh hubani depresi, serakah, pnl. Na boi manjaga pingkiran do na totap martenger ni uhur bani haluahon na humbani Naibata (Yes.61:3 ; 1 Tes 5:8). 

f. Podang ni tonduy aima hata ni Naibata (ay.17). Podang aima perlengkapan na mutlak menyerang musuh. Jadi hita lang pitah bertahan tapi ningon homa menyerang musuh. Podang aima hata ni Naibata. Marhagogohon do hata ni Naibata (Heber 4:12). Tuhan Jesus sandiri pe sanggah ilajou sibolis, sinjata na ipakei aima hata ni Naibata (Mat. 4:1-11). Ibere do kehormatan banta mamakei sinjata ai. Tapi porlu pangkei halani sibolis pe ahli do bani hata ni Naibata hanya lang ra porsaya bani hata ai bahkan selalu menyalah gunahon hata ai (bd. mengutip/memperalat ayat Alkitab tapi mambahen arti ampa tujuan na keliru). 

 

3. Selanjutni ipaingat do ase golgol martonggo (ay.18-20). Marhitei tonggo do terbangun janah terawat haganupan perlengkapan senjata ai ase totap marot. Marhitei tonggo do homa hita idorong ase torus sirsir mamakeihon haganup sinjata ai. Sibolis selalu menggoda hita ase ipaluah hita sinjata ai gabe talu hita bani akal-akalni. Halani aima ase porlu martonggo. Sitonggohonon do hasoman na legan ase riap mamakeihon sinjata ai. Saling menopang ibagas tonggo merupakan tugas ni na porsaya ase riap marbanggal ibagas hasintongan, hapintoron, ringgas ni uhur mangambilankon Ambilan Na Madear, bertumbuh ibagas haporsayaon, ase berfikir secara positif janah totap manggoluh ibagas hata ni Tuhan.

 

4. Refleksi

a. Nini Marthin Luther,  ‘lintun do sibolis manangar doding ni na porsaya’. Mandoding artini  mandompakkon uhur hubani Tuhan. On ma cara ase monang hita manaluhon husip ni sibolis bani ganup na masa.

b. Ulang marpangunsandeian bani kuasa ni sibolis tapi hubani Naibata ma. Hasedaon do isurahon sibolis banta halani ai posisihon hita ma ia sebagai musuh, ulang homa ‘marbaju dua lapis’, maragu haporsayaonta. 

c. Na sintong monang aima anggo lang madabuh hubagas dosa atap halani aha pe. Hamonangan gabe milikta anggo sirsir hita mamakei sinjata partonduyon na humbani Naibata. Naibata domma pasirsirhon hamonangan banta gabe dihut hita parrupei bani hamonangan ampa hagoluhan na sadokah ni dokahni ai.

d. Haleluya No. 138 : 1, 3 

Read 534 times

Leave a comment

Make sure you enter all the required information, indicated by an asterisk (*). HTML code is not allowed.

Go to top