Ibadah

UMUM:
1. Jam 7.30 (Bahasa Indonesia)
2. Jam 10.00 (Bahasa Simalungun)
3. Jam 18.00 (Bahasa Indonesia/Eng)

SEKOLAH MINGGU:
1. Remaja : 8.00-10.00
2. Kelas Kecil & Tanggung : 10.00 - 12.00

Jl. Terompet No 64 Pasar I, Padang Bulan, Medan.

HOLONG NI NAIBATA PABAYUHON

Sibasaon 31 Maret 2018

Jesaya 65 : 17 – 25 

1. Bani ambilan on nabi Jesaya padaskon bagah-bagah ni Naibata pasal tanoh na baru. Tanoh na baru meliputi pembaharuan secara holistik baik keadaan ampa suasana goluh ni jolma na gok malas ni uhur (17-19). Malas ni uhur ai ipatugah marhitei keadaan na baru: seng tarbogei be ijai sora na tangis-tangis atap doruh-doruh, seng dong be ijai anak siotik umur, pajongjongon ma rumah untuk  iiankon, panganon ma buah ni anggur na isuan, panganon do na hinalojahon ni sidea, seng sisoya-soya sidea marhorja, sorigala pakon anak ni biri-biri rap manampal, singa manggagat na sinabi songon lombu, ulog mangankon orbuk, seng dong be na manjahati atap parsedahon. Haganup keadaan na isobut ijon sangat kontras hubani aha na gati masa i tanoh on. On sihol patugahkon bahwa tanoh sisonari na gok masalah pakon paruntolon akan dirobah gabe suasana na gok malas ni uhur. Haganup keadaan on patugahkon bahwa tanoh sisonari on akan dipulihkan kembali gabe usih ma use hubani Pohon Eden paima madabuh jolma hubagas dosa. 

MAMBAHEN TUHAN JESUS GABE ARTA SIHARGANAN

Ambilan 17 Maret 2019

Heber 4 : 14 – 16 

 

1. Surat Heber patorangkon hubungan  ni horja ni Naibata na bani Padan Na Basaia (PL) pakon Padan Na Baru (PB). Artini, aha na isuratkon bani PL martuduh-tuduh janah igoki bani PB marhitei Tuhan Jesus. Horja ni Naibata lang terputus antara PL pakon PB. PL mambere gambaran pasal haluahon na ibahen Naibata marhitei Tuhan Jesus. Tuhan Jesus merupakan penggenapan ni haganup holong ni Naibata na isuratkon bani PL. Halani ai bani surat Heber adong do 11 hali isuratkon bahwa Tuhan Jesus lobihan, dearan, sangapan’ marimbang na legan, misalni: Ia lobihan humbani malekat (1:4), sidearan na mamboan haluahon (6:9), sisangapan (7:7) ; 7:19 ; 7:22 ;  8:6 ; 9:23 ; 10:34 ; 11:16 ; 11:35 ; 11:40.

SAGURU BANI NAIBATA DO GOLUHTA

Sibasaon 17 Maret 2019

Job 42 : 1 – 6

 

1. Buku Job ituliskon ibagas tujuan pataridahkon hasintongan ni Naaibata bahwa paridop ni uhur do Ia bani halak parpintor, ketatan akan mendatangkan berkat (1:1-3). Naibata mampu mambere jawaban bani sitaronon ni Job age pe prosesni lang boi ijangkau pingkiran ni jolma. On ma na pataridahkon habanggalon ni Naibata.

GOLUH  NA  MARPANIMBANGION  (BIJAKSANA)

Ambilan 10 Maret 2019

Podah 4 : 18 – 27

 

1. Buku Podah aima podah na isuratkon raja Salomo na idasarhon hubani habotohon na humbani Naibata. Sanggah isukkun Naibata aha na sihol bereon-Ni, Salomo lang mangindo arta tapi hapentaron do. Bani ambilan on ipatugah adong dua na selalu kontras dalan na ipilih jolma bani goluhni aima rosuh atau pingkiranni sandiri ampa rosuh atau pingkiran ni Naibata (Psalmen 1). Dampak ni goluh ni sidea pe pasti do berbeda ; Halani aha na sosok manurut pingkiran lape tontu mamboan hadearon bahkan boi do gabe hasedaon, tapi na sadalan bani rosuh ni Naibata pasti do marbuahkon pasu-pasu ampa hadearon.

IUBAH MARHITEI HATA NI TUHAN

Sibasaon 10 Maret 2019

Galatia 1 : 11 – 18 

 

1. Adong do ijia i kuria Galatia na meragukan haapostelan ni Paulus mardingat latar belakangni Paulus hinan sebagai siparburu halak Kristen. Legan ni ai, adong do homa ajaran na pakahouhon na mangkatahon bahwa haluahon jumpah halani na mangkorjahon titah sedo halani idop ni uhur. Domu bani keadaan in ma Paulus manongoskon suratni ibagas tujuan ase ulang ragu kuria ai bani Ambilan Na Madear na ipadas Paulus, janah ase ulang maseda haporsayaaon ni kuria halani pangajar na kahou.

PORSAYA JANAH SAKSIHON MA TUHAN JESUS !

Ambilan 03 Maret 2019

Matius 16 : 13 – 20

1. Dob piga-piga dokah Tuhan Jesus rap pakon susian-Ni janah ipatalar horja-Ni marhitei pangajaran ampa bagei ni tanda halongangan, isungkun Tuhan Jesus do susian pasal panandaion ni simbuei pakon panandaion ni sidea pasal Ia. Susian patugahkon bahwa manurut simbuei Ia aima sahalak humbani nabi. Ketika Tuhan Jesus manungkun ise Ia manurut sidea, ibalosi si Simon: ‘Ham do Kristus, Anak ni Naibata na manggoluh in!’ (ay.16). Ternyata balos on sedo halani hasil berfikir atau analisa ni Petrus tapi halani Naibata do na patalarhon bani (ay.17). Halani Naibata do patalarhon, sintong do pangakuan ai bahwa Jesus aima Kristus / Sipaluah na iutus Naibata hu dunia on. Simon na sehari-hari dohor janah aktif mangirikkon Tuhan Jesus mengalami pertumbuhan rohani. Ia lang pitah bertumbuh secara ilmu dan pengalaman tapi bertumbuh homa bani haporsayaon. Naibata hadir ibagas uhurni sehingga boi mananda Tuhan Jesus ibagas na sintong. Pengakuanni ai lang homa ikut-ikutan bani simbuei ; Lang homa jawaban na mardasarhon habotohonni tapi jawaban marhitei haporsayaonni do.

GOGOHAN DO NAIBTA MARIMBANG HAGANUP, TANGIHON MA IA !

Sibasaon 03 Maret 2019

Josua 5 : 13 – 15

1. Josua sebagai pengganti kepemimpinan humbani Musa memiliki pribadi na marhabiaran bani Naibata. Pengalamanni sanggah juak-juak ni si Musa dihut membangun haporsayaonni bani Naibata. Josua mewarisi kepemimpinan ni Musa na marhabiaran bani Naibata. Paima ambilan on Josua memimpin pesta paskah i Gilgal mardingat holong ni Naibata na paluahkon sidea hun Masir janah isunat do ganup bangsa na tubuh i pardalanan sadalan hubani parentah ni Naibata. Parsunaton memiliki arti paborsihkon, papansingkon. On ma mambahen Josua berhasil mambobai Israel masuk hu tanoh Kanaan.

MARTUAH MA HALAK PARPINTOR

Ambilan 24 Pebruari 2019

Maleaki 3 : 13 – 18 

1. Sepintas boi do idahon lang adong beda ni parjahat pakon parpintor, bahkan boi parjahat songon na lobih mardohar marimbang parpintor. Bahkan gati do tubuh anggapan ni deba jolma, mangirikkon hata ni Naibata lang adong ulih sehingga rosuhan sidea mangkorjahon hajahaton. Adong do homa age halak Kristen hanya sebagai symbol tapi bani fakta hidup daoh humbani hata ni Tuhan. Lang otik halak Kristen memiliki kekaburan identitas bahkan songon na lang adong bedani humbani halak na lape porsaya. Usih hubani omei pakon simaromei-omei, idahon songon na sarupa hape jauh berbeda, sonai ma gati goluh ni jolma i dunia on, idahon songon na bujur tapi lape tontu haganup talup i lobei ni Naibata.

ULANG HALANI MAMPARAYAK NA HARGA TADING SIHARGANAN!

Sibasaon 24 Pebruari 2019

Lukas 10 : 38 – 42 

1. Sanggah roh Tuhan Jesus hu rumah ni si Marta pakon Si Maria isambut sidea do Ia ibagas malas ni uhur. Penyambutan ai taridah melalui kesibukan: Marta hosei tumang marugas mamparsiapkon na porlu bani Tuhan Jesus janah Maria serius manangar hata ni Tuhan Jesus. Tapi selanjutni Marta merasa kecewa halani ipaturut si Maria sahalaksi marugas. Kekecewaan ai iungkapkon i lobei ni Tuhan Jesus ‘Tuhan, ai lang iidah Ham, na ipaturut anggingkin do sahalak ahu marugas? Hatahon Ham ma ia mangurupi ahu!’ (ay.40). Oleh Marta, sikap ni Maria ai domma salah janah iarapkon do ase ipaingat Tuhan Jesus anggini ai. Tapi balos ni Tuhan Jesus justru lang mansalahkon Maria, tapi nini: ‘Marta!, Marta! Buei do isarihon anjaha isunsahkon uhurmu! Sada do na porlu! Ipilih si Maria do rupei sidearan, seng sibuaton ai hun bani’ (ay.41-42).

BANI SILANG NI KRISTUS DO IPAMATEI DOSANTA

Ambilan 17 Pebruari 2019

1 Korintus 1  : 18 – 25

1. Korintus aima sada kota perdagangan na bersifat majemuk. Ragam do suku bangsa na roh janah marianan ijai. Pangkorhonni, buei do cara berfikir pakon cara hidup jumpah ijai janah lang haganupan ai sadalan bani rosuhni Naibata. Itongah-tongah ni situasi na sonai ai ma jongjong kuria ni Tuhan i Korintus. Ajaran hakristenon patugahkon bahwa Jesus aima Tuhan na matei tarsilang. Mambogei ai tubuh do penolakan humbani buei masyarakat Korintus terutama ma ai humbani halak parugama Jahudi pakon halak non-Jahudi (Junani). Mase? Halani panorang ai anggo adong halak na iparsilangkon igolongkon do ai hubani halak parjahat. Halani ai lang tarjalo janah tararusi sidea bahwa Jesus na tarsilang ai sebagai Tuhan. Bani halak Jahudi ianggap do ai sebagai partolsuan artini sesuatu berita yang mengada-ada janah kebohongan. Bani halak Junani na mengandalhon pingkiran atap pambotoh, barita ai ianggap do homa sebagai ajaran haotoon. 

Kegiatan & Pemakaian Gereja

Kalender

Untuk menampilkan jadwal/kalender ini, silakan klik +GoogleKalender diatas,dan login ke email gmail.com anda. Kami approve 1 x 24 jam.<Full View>

Ambilan & Sibasaon

Go to top