PUJI MA JAHOWA, PITAH IA DO SIPALUAH ! (Sibasaon 23 Juni 2019 2 Musa 15 : 12 – 18)

PUJI MA JAHOWA, PITAH IA DO SIPALUAH !

Sibasaon 23 Juni 2019

2 Musa 15 : 12 – 18

1. Sejarah ni bangsa Israel merupakan cara na ibahen Naibata patandahon diri-Ni bani dunia on. Marhitei kehadiran ampa horja-Ni bani bangsa ai gabe boi ma itanda dunia on ise do Naibata. Pamilihon ni Naibata bani bangsa Israel ipungkah humbani pandiloon ni Abraham. Marhitei Abraham ijanjihon Naibata do jumpahan pasu-pasu ganup bangsa. Humbani si Abraham, tubuh ma si Isak janah humbani si Isak tubuh si Jakob. Josep, sada humbani anak ni Jakob tarjual do hu Masir, tapi justru aima ibahen Naibata dalan manggargar halak Israel i tanoh Masir marhitei na ipasu-pasu Naibata si Josep gabe na terhormat i Masir. Idilo si Josep do saninani haganup hu tanoh Masir janah ijai ma sidea ipasu-pasu Naibata lambin bueini. Tapi sadalan bani pardalanan ni panorang iarsik halak Masir do Israel halani mabiar sidea gabe halak Israel use na markuasa i tanoh ni sidea. On ma mungkahni iparjabolon halak Masir sidea. Ternyata janji ni Naibata bani si Abraham mambahen ginomparni gabe sada bangsa na banggal lang boi ibatalhon atap ise pe termasuk halak Masir na mangarsik sidea. Aha na ibagahkon Naibata bani Abraham maningon do saud. Rencana ampa hata ni Naibata lang boi tarolati age ise pe. Marhitei kuasa ni Naibata na marhagogohon, ipaluah do halak Israel hun tanoh Masir.

2. Ternyata dob kaluar sidea iayak tentera ni Masir do sidea laho mamorang sidea use. Kondisi na ialami bangsa Israel panorang ai,  hun pudi roh halak Masir mangayak janah i lobei adong laut Merah sehingga lang memungkinhon melarikan diri. Secara keadaan sidea dalam keadaan tersosak janah lang adong dalan laho maluah. Ternyata bani Naibata lang adong jalan buntu. Naibata manirang laut Merah sehingga boi sidea mandipari laut ai sementara halak Masir na mangayak-ayak sidea gabe munop ma bani laut ai (ay.12-13). Ambilanta on aima doding puji-pujian ni bangsa ai mamuji Naibata halani haganup pambahenan-Ni na ijalo sidea. Iakuhon sidea bahasa Naibata aima na markuasa paluahkon ampa na manogu-nogu bangsa-Ni. 

3. Panandaion ampa haporsayaon ni sidea bertumbuh sadalan hubani holong ni Naibata na ijalo sidea. Bangsa na galek do sidea tapi boi maluah. Artini, haluahon ai murni halani horja ni Naibata. Haluahon na ijalo sidea ternyata irespon marhitei na sirsir mamuji ampa pasangapkon Naibata. Bertumbuh do pamujion bani Naibata sadalan hubani holong ampa kuasa-Ni na ijalo sidea. Na ipuji sedo diri ni sidea tapi Naibata do. Bahkan iakuhon bahwa ‘Jahowa do na manrajai ronsi sadokah ni dokahni’ (ay.18). On marisi pangakuan bahwa kuasa ni Naibata lang ibatasi keadaan ampa panorang. Pengakuan on mambobai uhur ni sidea totap marhatengeran hubani Naibata janah sirsir mardalan bani pambobai-Ni. Marhitei na sonai cara hidup ni sidea lang be sarupa pakon bangsa-bangsa na legan. Pargoluhon ni sidea selalu mencerminhon rosuh ni Naibata, janah sonin ma sidea mamuji Naibata.

4. Bani na manoruskon pardalanan tubuh do keyakinan bahwa Naibata do na mardalan i lobei ni sidea sehingga lang mabiar pori pe buei ope musuh na sihol idompakkon. Ihaporsayai sidea do bahwa gogohan do Naibata marimbang siparkuasa na i tanoh on. Haganup bangsa-bangsa gobir, godor, hitir, mabiar janah jonong do songon batu i lobei ni Naibata (ay.14-16). Halani ai gabe kredo atau pengakuan do bani sidea bahwa pitah Naibata do na talup sisombahon. Halani Naibata domma sirsir mengangkat sidea gabe bangsa Bani, maka sidea pe ningon sirsir mambahen Naibata gabe sipujion. Ipahami, mangajamhon Naibata jumpahan hamonangan, tapi manundalhon Naibata mambahen sidea maseda janah talu. Haluahon ai bergantung do hubani ise sidea marhatengeran. Sadokah marhatengeran hubani Naibata, lang adong age sada munsuh na  boi bertahan i lobeini sidea. 

5. Haluahon hun Masir aima titik awal manuju tanoh bagah-bagah. Naibata sihol mamboan janah mamberehon ianan na gok pasu-pasu aima tanoh Kanaan songon na dob ibagahkon Naibata hubani si Abraham ompung ni sidea. Tujuan akhir ni sidea sedo pitah ase kaluar hun Masir tapi adong ope na sihol siondoskonon ni Naibata aima huta na sangap, aima dolog ianan parbagianan ni Jahowa ampa pinauli ni Jahowa (ay.17). Pangarapan bani huta na sangap ai mambere semangat bani sidea untuk totap sirsir mardalan bani pambobai ni Naibata. Proses pardalanan aima kesempatan laho patoraskon haporsayaon ampa panandaion bani Naibata. Pori pe daoh ope sidalanan janah bagei ope na masa idompakkon manuju tanoh bagah-bagah ai, tapi semangat iman ni sidea lang boi kendor tapi tetap terbangun halani Naibata do homa hasoman ni sidea age sanggah i pardalanan.

 

6. Refleksi     

a. Sebagai kuria ni Tuhan, domma ipatalup Naibata hita sebagai bangsa-Ni. Holong ni Naibata do haluahonta janah igoki do ai marhitei Tuhan Jesus Kristus. Gabe sipartarimakasih ma hubani Naibata. Haluahon ai ningon irespon marhitei na mambere goluhta gabe galangan ampa bahen hasangapon ampa puji-pujiaan bani Naibata. 

b. Pitah Ia ma sibalosan ampa pangajamanta mandalani ari-arini goluhta. Panotap banta, gogohan do Ia marimbang haganup siparkuasa na adong i tanoh on. Halani ai dalani hita ma goluh on ibagas semangat iman bahwa aha pe na sihol masa gok bani holong ni Naibata do goluhta. Ia do Naibata ampa Raja na markuasa manjaga ampa mamasu-masu hita. Ulang ma iparnaibata hita na adong i dunia on ase ulang tarbador hita.

c. Sebagai bangsa ni Naibata, pakei hita ma homa hata-Ni gabe sijoloman ampa na mambobai goluhta. Hatengerhon hita ma hata ni Naibata halani sintong janah markuasa botul do Hata ai mambobai hita hubani haluahon ampa malas ni uhur. Ulang ma terlena hita bani bueini sora i dunia on tapi pakei hita ma totap hata ni Naibata gabe pandu ampa pangguruanta.

d. Haleluya No. 201 : 1 – 5   

Read 519 times

Leave a comment

Make sure you enter all the required information, indicated by an asterisk (*). HTML code is not allowed.

Go to top