PORSAYA MA, ISARIHON NAIBATA DO HITA! (Ambilan 04 Agustus 2019 Habakuk 3 : 14 – 19)

PORSAYA MA, ISARIHON NAIBATA DO HITA!

Ambilan 04 Agustus 2019

Habakuk 3 : 14 – 19 

 

1. Sanggah ibagas hasosakan do bangsa ni Naibata panorang ni nabi Habakuk halani bangsa sipajuh begu-begu na mangodoh-odoh sidea. Pala do tubuh anggapan ni sidea na lang peduli be Naibata halani borat ni sitaronon (Hab.1:2-3). Domma homa tubuh kesimpulan bani sidea bahwa pitah paima-imahon hamagouan mando halani lang  mampu be bertahan janah lang adong be sipangurupi (ay.14-16). Bani ambilan on Habakuk mambere jawaban bani bangsa ai bahwa Naibata pasti do bertindak, lang ipaturut Naibata sidea torus marsitaronon. 

2. Domu hujin ipatugah Habakuk do tujuan ampa makna ni sitaronon. Sitaronon ai lang berarti Naibata lang peduli tapi bertujuan laho patoraskon haporsayaon, atau sada kesempatan ase lambin marhatengeran hubani Naibata do. Banggalan do kuasa ni Naibata marimbang sitaronon ai. Sekaligus mangajarhon ase sidea ulang bergantung hubani na masa tapi pitah bergantung hubani Naibata do. Ningon ihatengerhon i balik ni sitaronon adong do haluahon. Halani ai pori pe sanggah marsitaronon maningon totap idompakkon sidea uhurni hubani Naibata. Ulang pitah fokus mangidah sitaronon tapi ningon lebih fokus mangidah atau porsaya hubani Naibata. 

3. Ipatugah Habakuk do sada kondisi na tang paling sulit nini, ‘Age pe seng marbunga ijai hayu ara, anjaha seng marbuah hayu anggur, lambang ia hayu jetun anjaha seng mabere gogoh age juma, rasei biribiri humbani iananni, anjaha seng dong be lombu ibagas harang,’ ‘marolob-olob do ahu ibagas Jahowa, anjaha malas do uhurhu ibagas Naibata ni haluahonku’ (ay.18). Hayu ara ijon manggambarhon kebutuhan hidup sehari-hari, hayu anggur manggambarhon kemakmuran, hayu jetun manggambarhon hal-hal na menarik atau dibanggakan, biribiri pakon lombu manggambarhon habayakon. Habakuk manaksihon, pori pe lang imiliki haganupan ai tapi tongtong do ia marolob-olob. Prinsip na sonin boi tubuh halani malas ni uhurni lang bergantung hubani keadan tapi domma hubani Naibata. Haporsayaonni bani pansarihonon ni Naibata sanggah marsitaronon ampa rencanani Naibata na jenges i balik ni sitaronon ai patubuhkon ketenangan ampa malas ni uhur. Bangsa ni Naibata lang boi mambahen kesimpulan humbani pingkiranni sandiri tapi marhitei haporsayaon bani pansarihonon ni Naibata do. Haporsayaonni bani Naibata mambahen etek iidah age sitaronon na borat. Kata kunci ase boi marmalas ni uhur bani ganup keadaan  aima: ulang lingot panonggor ampa haporsayaon bani Naibata. Masalah utama sedo sitaronon tapi anggo bermasalah haporsayaon do. 

4. Bahkan iakuhon bahwa ‘ibagas Naibata do haluahonku’ (ay.18b). Artini, Habakuk lang ra marhatengeran bani na i dunia on pori pe aha na masa tapi pitah marhatengeran hubani Naibata do. Aha pe na adong tanpa kehadiran ni Naibata soya do haganupan ai. Marhatengeran bani Naibata jauh lebih nyaman dari pada pitah memiliki arta age hasangapon na i dunia on. Isadari bahwa haganup na adong i dunia on lang mampu paluahkonsi, pitah Naibata do na markuasa paluahkon. Halani ai porlunan do bani manjaga parsaoran hubani Naibata marimbang haganup na harga na adong i tanoh on. Lang pala etek uhur pori pe sipata bangsa sipajuh begu-begu atau partajahat idahon songon na mardohar halani lang na manongtong ai.

5. Selanjutni isaksihon do bahwa ‘Naibata Jahowa do hagogohon bangku, ibahen do naheihu usih songon nahei ni ursa’ (ay.19). Songon nahei ni ursa artini imampuhon atau ipargogohi Naibata mardalan bani sagala rute jalan (hanopan age buntu-buntu). Halani ai lang ra ia mandolei pori pe mahol sidalanan halani porsaya do ia ipasirsir Naibata do homa gogoh. Lang isolsoli dalan na mahol tapi inunut do torus mardalan marhitei gogoh na humbani Naibata. Bahkan iakuhon ibobai Naibata do goluhni hubani na gijang, artini: manuju hu haluahon ampa hamonangan. Pori pe sipata idompakkon dalan na mahol tapi ihaporsayai adong do tujuan na pasti aima haluahon na humbani Naibata. Malasan do uhurni age mardalan bani dalan na mahol asal ma rap pakon Naibata daripada idahon marsonang-sonang tapi ibagas hajahaton halani hu hasedaon do ujungni dalan ni parjahat.

6. Refleksi

a. Keadaan ni goluhta selalu do mubah-ubah, sipata adong suka janah sipata adong duka. I tongah-tongah ni berbagai perobahan ai ulang ma dihut mubah haporsayaonta hubani Naibata. Pori pe sipata jumpah hita sitaronon ampa hamaholon gabe dalan ma banta ai laho patoraskon haporsayaonta. 

b. Gabe tantangan do nuan tarlobih bani hamajuon ni zaman on halani buei ma jolma na lebih yakin hubani arta pakon kuasa na i dunia on marimbang hubani Naibata. Bahkan malas ni uhurni domma bergantung hubani arta lang be hubani Naibata. Halani ai pangkei ma hita ase ulang pitah bani na i dunia on hansa tertuju pingkiranta tapi hubani Naibata ma. 

c. Dompakkon janah dalani hita ma goluh on pori pe sipata ibolus hita paruntolon ampa sitaronon mangajamhon gogoh na humbani Naibata. Yakin ma hita lang ipaturut hita tarbador asal ma tongtong marpangajaman hu-Bani. Ningon tenger uhurta isarihon Naibata do goluhta asal ma  ihatengerhon hita Ia. Banggaalan do kuasa ni Naibata marimbang haganup hamaholon na idompaakkon hita.

d. Ningon ihaporsayai hita do homa i balik ni haganup na masa termasuk paruntolon adong do rencana ni Naibata na madear. Halani ai ulang ma moru semangat ampa malas ni uhurta bani ganup na masa tapi tongtong ma dompakkon hita goluh on dengan optimisme ibagas haporsayaon.

e. Haleluya No. 118 : 1 – 2     

Read 469 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top