PORSAYA JANAH DALANKON MA HATA NI TUHAN! (Sibasaon 11 Agustus 2019 2 Raja-raja 5: 8 – 14)

PORSAYA JANAH DALANKON MA HATA NI TUHAN!

Sibasaon 11 Agustus 2019

2 Raja-raja 5: 8 – 14 

1. Naeman aima sahalak bala tentera ni halak Aram na ihaholongi tuanni halani marhiteihonsi marhamonangan do halak Aram manaluhon musuh. Tapi i balikni kesuksesan pakon kehormaton na imiliki Naeman ternyata adong do pergumulanni na borat halani sogop do naborit gadam bani angkulani. Gadam ianggap do panorang ai naboritni halak pardosa sehingga maruntol tumang do Naeman halani naboritni ai. Hunjon gabe tangkas banta bahwa haganup jolma adong bei do hape paruntolonni. Lang adong jolma na terlepas humbani masalah. Halani ai haganup jolma mamorluhon topangan humbani Naibata.

2. I rumah ni si Naeman adong do sahalak naboru Israel na etek-etek na iboan hu Aram sanggah na irampas halak Aram huta ni halak Israel. Naboru on ipahorjahon sebagai suruh-suruhanni parinangon ni si Naeman. Ternyata pori pe etek ope naboru on janah berstatus sebagai suruh-suruhan, ia sangat memiliki pribadi na peduli bani sitaronon ni Naeman. Porsaya do homa ia bahwa nabi ni Naibata na adong i Israel boi do pamalumhon naborit ni si Naeman. Ipatugah do ai bani keluarga ni Naeman sehingga oleh restu ni raja Aram borhat do Naeman manjumpahkon raja ni halak Israel laho manjalo hamalumon marhitei na mamboan surat humbani raja Aram. Tarsonggot do rajani Israel mambasa surat ai halani ibotoh lang markuasa ia pamalumhon Naeman. Halani ai tubuh do ibagas pingkiranni na mambahen partinggilan do rajani Aram hubani. Akibatni mabiar do ia halani takkas do ibotoh anggo terjadi parmunsuhon tontu mamboan hasunsahan do ai hubani ampa bani halak Israel. Halani ai irigati do pakeianni sebagai sada tanda perkabungan. Nuan masalah lang be pitah naborit ni Naeman tapi tambah use masalah baru aima uhur biar ni raja Israel. Bani keadaan na sonin ma hadir nabi ni Naibata, si Elisa mambere solusi atau jawaban bani na dua masalah na borat ai.

3. Roh do Naeman manjumpahkon nabi Elisa. Dob das Naeman i lobeini labah ni rumahni Elisa, isuruh nabi Elisa do juak-juakni mangkatahon ase maridi Naeman i bah Jordan pitu hali ase suang dagingni humbani gadam ai. Ternyata Naibata domma pabotohkon hubani Elisa aha na sihol sibahenonni domu bani keadaan ai. Elisa sebagai nabi na memiliki relasi na intim pakon Naibata memiliki hikmat na humbani Naibata untuk mengatasi masalah na sedang ihadapi Naeman pakon raja Israel. Hunjon gabe takkas ma banta bahwa jolma na memiliki hubungan na intim pakon Naibata do ipakei Naibata patalarhon kuasa-Ni i tanoh on.

4. Ternyata manringis do Naeman mambogei hata ni Elisa na ipadas juak-juakni ai. Iarapkon Naeman hinan do Elisa manjumpahkonsi sebagai pejabat janah mambahen hal-hal na spektakuler laho pamalumhonsi hape pitah isuruh maridi pitu hali i bah Jordan. Ibagas pingkiranni, anggo pitah maridi i bah Jordan lang mungkin pamalumhonsi halani ibotoh lang dearan bah Jordan marimbang bah na i hutani, i Damaskus. Lape tardadap uhurni Naeman bahwa sedo bah ai na pamalumhon tapi Naibata do, parhiteian hansa bah ai ibahen Naibata. Lape homa tarjalo pingkiranni bahwa melalui hal-hal na sederhana pe anggo Naibata na bertindak banggal do pangkorhonni. Tapi dob ipaingat juak-juakni, gabe sirsir do use Naeman mangubah pingkiranni sehingga idalankon do hata ni nabi ai maridi pitu hali i bah Jordan. Dob maridi ia suang ma angkulani gabe pansing janah malum. Hunjon boi iidah hita bahwa keberhasilan ni sada-sada horja lang pitah itontuhon oleh pambotoh ni jolma ampa sarana na ipakei bani horja ai tapi anggo marhasoman pangajarion ampa kuasa ni Naibata bani horja ai do. Sekaligus mangajarhon bahwa anggo sirsir palobeihon haporsayaon janah lang bertahan pitah bani pingkiran hajolmaonta, ijai do talar kuasa ni Naibata. Anggo sirsir mangkaporsayai hata ni Naibata janah sirsir  homa mandalankon hata ai, maka ijai ma hadir kuasa ni Naibata bani goluhta.  

5. Juak-juak na gati ianggap hina janah kurang berarti ternyata boi ipakei Naibata luar biasa. Naeman boi jumpahan hamalumon halani sirsir ia manangihon ampa mandalankon hata ni juak-juakni parinangonni, hata na ipadas juak-juak ni nabi Elisa ampa hatani  juak-juakni. On mangajarhon ase ulang adong gijang ni uhur, ulang epes mangidah halak na etek janah galek halani boi do ipakei Naibata halak na hurang berarti manurut hita mamboan hadearon banta. Sirsir ipaingat janah sirsir merubah pingkiran ampa keputusan domu hubani hatani Naibata merupakan pintu berkat. Ulang ipakoras uhur gabe lang sirsir manangihon singat-singat na madear.

 

6. Refleksi

a. Haganup do hita mamorluhon holong ampa pangurupion ni Naibata halani adong bei do sipingkirhononta. Domu hujin totap ma palobei hita haporsayaonta ampa pambalosionta hubani Tuhan laho mandompakkon ampa mangatasi haganupan masalah / pergumulanta. 

b. Haporsayaon lang pasif tapi aktif do. Kuasa ni Tuhan lape hadir anggo pitah porsaya hansa hita tapi kuasa ai hadir anggo sirsir homa hita pataridahkon haporsayaonta marhitei na mandalankon hata-Ni.

c. Saling marsipasingatan ase riap roh janah mandalankon hata ni Tuhan merupakan sikap na ipindo janah iharosuhkon Tuhan. Marhitei na sonin ma hita mandalankon holong domu hubani hata ni Tuhan. Anggo adong halobihanta ulang ma gabe gijang ni uhur tapi gabe dalan saling marsiurupan ma. Ulang ma homa gabe epes uhurta bani halak na legan.

d. Hal-hal na sederhana pe na boi ibahen hita domu hubani gogohta anggo ibagas pambalosion hubani hata ni Naibata ihorjahon hita horja ai, porsaya ma hita boi do banggal pangkorhonni.

e. Haleluya No. 453 : 1 – 3 

Read 391 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top