LANG SOYA ULIHTA NA PORSAYA (Ambilan 23 Juni 2019 Pangungkabon 22 : 12 – 17)

LANG SOYA ULIHTA NA PORSAYA

Ambilan 23 Juni 2019

Pangungkabon 22 : 12 – 17 

1. Buku Pangukabon marisi aha na iidah si Johanes sanggah tarbuang ia i Pulau Patmos. Pangidahan ai aima pasal na masa sonari age na sihol masa na isuratkon hubani na pitu kuria panorang ijia (Efesus, Smirna, Pergamus, Tiatira, Sardis, Filadelfia dan Laodikia). Ipatugah do bani pangukabon ai pasal hamonangan ni Tuhan Jesus manaluhon haganup kuasa na i dunia on janah harajaon-Ni meliputi nagori atas (1:11). Harajaon-Ni ai isobut do homa Jerusalem na baru. 

2. Aha na masa bani panorang ai? Halak naporsaya buei mandompakkon sitaronon halani pamarentah Romawi mambahen aturan ase ganup jolma na i toruh kuasa Romawi maningon manombah sisombahon ni sidea pakon manombah Kaisar. Halak na porsaya secara otomatis manulak parentah ai halani domma ihaporsayai sidea pitah Tuhan do sisombahon. Akibatni sidea ianggab sebagai pemberontak gabe buei ma sidea iparburu janah mandompakkon sitaronon. Domu hujin isi ni buku Pangukabon bertujuan mambere panotap ampa apoh-apoh hubani kuria ase totap setia mangirikkon Tuhan Jesus marhitei na ipatugah ulih hamonangan na sihol sijaloon ni na porsaya. Na setia das bani ujungni jumpahan hagoluhan janah sapardihani pe lang sitaronon na i dunia on ibandingkon hubani hasangapon na dob ipasirsir Tuhan hubani sidea. Ase isi ni buku on bertujuan do homa padaohkon sikap pesimisme atau pandoleian, tapi sebalikni mendorong ase mampu kuria in bersemangat walau gati didera oleh dunia halani haporsayaon. Goluh ni na porsaya in lang pitah fokus bani na i dunia on tapi domma memiliki tujuan ke depan, goluh na berorientasi sorgawi janah ipahami bahwa dunia on aima sebagai rute jalan tujuan utama. Sebagai rute jalan, maka halak na porsaya selalu memiliki prioritas untuk senantiasa lebih setia mematuhi rambu-rambu jalan aima hata ni Naibata bani na mandompakkon haganup na masa.  

3. Aha na isobut si Johanes pasal hamonangan ni Tuhan Jesus paluahkon na porsaya lang bersumber humbani habotohon ni jolma tapi sintong do ai hata ni Tuhan Jesus janah na maningon saud do ai (1:1-2). Tujuanni, ase ulang ragu kuria in bani hata ai. Selanjutni laho patoguhkon uhur ni kuria ase ulang mundur humbani haporsayaon nini, ‘Tonggor ma podas do Ahu roh! Hubaon do upah, laho mambalas hubani ganup halak romban hubani na hinorjahonni bei’ (ay.12). Hata podas mararti lang dokah be. Halani ai ulang ma iparlanseihon manggolom haporsayaon. Totap ma bertahan ibagas haporsayaon pori pe buei sitaronon. Upah aima rupei hagoluhan na sadokah ni dokahni, huta na sangap na gok malas ni uhur (ay.14). Na talup manjalo upah aima sidea na setia mangirikkon Tuhan das bai ujungni. Hatahonon, lang na soya ulih ni na setia mangirikkon Tuhan bahkan hatuahon ampa hauntungan do anggo totap setia mangirikkon Tuhan pori pe sipata manaron halani ai. Pangarapan bani upah na banggal ai ma mambahen tubuh semangat mangirikkon Tuhan Jesus age bani situasi na borat. 

4. Ibalaskon do bani jolma in usih hubani na hinorjahonni bei (ay.12). Maksudni, panjaloon ampa pangkaporsayaion bani Tuhan Jesus sekaligus do merubah sifat atau tabiat ni na porsaya in gabe rosuh janah ringgas mangkorjahon hata ni Naibata. Atau, haporsayaon ai lang pasif tapi aktif. Ukuran malas ni uhur bani na porsaya lang be bergantung hubani sonaha keadaan tapi anggo boi ia pataridahkon horja na madear bani ganup keadaan. Hal on boi terjadi halani orientasini lang be semata-mata hasonangan na i dunia on tapi domma gara pangarapanni bani upah na dob ipasirsir Tuhan Jesus ai. Selanjutni isobut do bahwa ‘I darat ma anggo baliang pakon sipartabas pakon parbangkis pakon pamunuh pakon parnaibata na legan ampa sagala na mangkarosuhkon anjaha na mangkorjahon ladung (ay.15). Jolma na marpuas-puas mangkorjahon hajahaton, pori pe idahon songon na sonang goluh ni sidea bahkan boi ipuji-puji dunia on sidea  tapi secara tandas ipatugah bahwa idarat do sidea, artini: lang dihut parrupei bani upah na iboan Tuhan Jesus ai. Sisiya-soya do goluh ni sidea bani parroh ni Tuhan ai. On sihol mangajarhon ase ulang pala cemburu atau etek uhur pori pe songon na mardohar goluh ni parjahat. Hadoharon i dunia on lang gabe jaminan dihut manjalo upah na iboan Tuhan Jesus. Tapi na dihut manjalo upah ai aima na setia mandalankon parentah ni Tuhan bani ganup keadaan do. Lang na soya hapongkuton ni jolma na mangirikkon Tuhan Jesus pori pe sipata borat janah borit secara parangkulaon. Dearan do pori pe manaron asal ma manggoluh ibagas Tuhan dari pada marmalas ni uhur hape domma madabuh hubagas dosa. Ukuran hadoharon bani lang be sebatas perkara-perkara dunia tapi goluh na totap pataridahkon haporsayaon do. Dunia aima kewargaan sementara, tapi kewargaan na kekal aima warga nagori atas do.

5. Tuhan Jesus aima Urat pakon marga ni si Daud, Bintang buha siang, na marsinalsal’ (ay.16). Maksudni bahwa Tuhan Jesus aima hagogokni haluahon na dob ibagahkon Naibata humbani Padan Na Basaia (Jesaya 11:1, 4 Musa 24:17). Bintang buha siang (‘bintang timur’), aima lambang pangarapan zaman Mesias na gok hasangapon na manguhum ganup tanoh on. Tuhan Jesus aima Anak ni Naibata janah pitah Ia do parhiteian ni Naibata paluahkon jolma na porsaya. Bani parroh ni Tuhan ai ijai ma iubah ganup tangis gabe olob-olob bani na porsaya. Ijai sombuh ma horah ni halak na marpusok ni uhur ampa na marsitaronon halani mangirikon Tuhan. Lang adong be hoih ijai tapi gok do bani malas ni uhur songon pardomuan ni siparunjuk pakon tunanganni. Unjah do malas ni uhur ai iondoskon lang pala marpamboli (ay.17). Lang pala marpamboli maksudni adong na boi mangolati na porsaya in menikmati malas ni uhur ampa haluahon ai. Lang marlaku be ijai sistim KKN songon na gati ihorjahon parjahat i dunia on mambahen gati halak na porsaya in gabe korban ni halak parjahat.              

 

6. Hahonaan / Refleksi

a. Aha do tujuan utama banta bani goluh on ? Halani tujuan akan selalu menentukan sikap. Laho mandapotkon aha na i dunia on tumang do atap domma memahami bahasa dunia on aima rute atap pardalanan manuju malas ni uhur i huta Jerusalem na baru ai? Anggo ipahami hita bahwa dunia hanya sebagai rute menuju Jerusalem na baru, ijai ma hita boi lambin fokus hubani tujuan utama marhitei na lambin pongkut mematuhi rambu-rambu dalan na dob ipasirsir Tuhan  aima hata-Ni ase ulang ipakahou kuasa-kuasa ni dunia on use goluhta. Pori pe sipata maningon ibontas hita dalan na marbatu-batu bahkan dalan na borat tapi domma ibere Tuhan hata-Ni gabe petunjuk jalan. Malas ni uhur banta lang be sekedar anggo jumpah hita kenikmatan na i dunia (pori pe ai sibere-bere ni Naibata do), tapi lobih hunjai aima anggo malas homa uhurta ketika mangirikkon Tuhan bani ganup na masa. Pakei hita ma haganup sibere-bere ni Tuhan laho pamalaskon uhur-Ni.  

b. Buei do jolma na pentar bani ilmu, pentar marhali-hali tapi ternyata bodoh halani hurang memperhitungkon ujung ni goluhni. Umumni halak na sonon selalu sibuk bani “ruti na i dunia on” janah hurang mambere panorang mangkaporsayai ampa mardalan bani hata ni Tuhan. Ulang ma hita sonai.

c. Domma ipatugah banta pasal malas ni uhur banggal ai. Ulang hita tading i lobei atap manosal bani ujungni. Porlu dingat hita pangajaran ni Tuhan Jesus pasal halak na bayak pakon si Lazarus, manosal bani ujungni, sihol do namin paubah uhur tapi lang adong be kesempatan.

d. Pori pe sipata ningon ngayotan janah loja do hita bani horja mangirikkon Tuhan (korban perasaan, korban harga diri, korban waktu, korban materi, korban gogoh, pnl.), malas ma uhurta halani lang na soya ulihta ijin.

e. Memang secara hajolmaon mahol do manjalo pakon manontuhon sikap ase lobih iutamahon hita mangirikkon Tuhan bani goluh on. Halani ai do ase ihatahon Tuhan Jesus “na so tarbahen atap ise roh hu Bangku anggo seng na binerehon ai bani marhitei Bapa in”. Maksudni ibutuhkon indra laho mangarusi haganup na masa i tanoh on aima indra rohani / haporsayaon. Haporsayaon bertumbuh anggo ibuka hita uhurta bani Tonduy na humbani Bapa ase ulang urah marsidalian, mambahen seribu macam alasan, beradu argumentasi. Halak na sonon ma na gati mungut-ungut bahkan mamilih manadingkon Tuhan halani ragam ni na masa.

f. Haleluya 458 : 1 – 2 

Read 628 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top