MAMAKEI HAUHURON NA HUMBANI NAIBATA (Epistel 21 Juli 2019 1 Raja-raja 3 : 5 – 15)

MAMAKEI HAUHURON NA HUMBANI NAIBATA

Epistel 21 Juli 2019 

1 Raja-raja 3 : 5 – 15

1. Raja bani bangsa Israel memiliki peran ganda aima sebagai pemimpin rohani ampa pemerintahan. Raja na marhabiaran bani Naibata berdampak gabe ipasu-pasu Naibata bangsa ai, sebalikni raja na lang marhabiaran bani Naibata berdampak hasedaon ma homa bani bangsa ai. Halani ai raja memiliki  tanggungjawab na banggal na dihut manontuhon hadearon ampa hasedaon bani bangsa ai. Sahalak raja akan berhasil anggo memiliki relasi na jenges hubani Naibata. Pori pe buei munsuh na idompakkon tapi anggo bangsa ai ipimpin raja na totap marhaporusan janah sipambalosi hubani Naibata marhamonangan do sidea manaluhon haganupan munsuh ampa ancaman.  

2. Dob bangkit si Salomo manggantihkon Daud bapani ai sebagai Raja, ijumpahkon Naibata do ia sanggah manggalang i Gibeon marhitei nipi. Idalankon Salomo do horja padaskon galangan sebagai hataridahan ni haporsayaonni hubani Naibata. Ijai ma isungkun Naibata ia pasal aha sihol siberehonon-Ni hubani. Ipangindo Salomo do ase ibere hubani uhur na pantas ase margogoh ia manggomgomi bangsa ni Naibata na banggal ai (ay.9). Humbani pangindoan on boi iidah hita pribadi ni Salomo :

a. Siholni uhurni ase totap manggoluh ibagas pambobai ni Naibata songon bapani. Nini, ‘Domma ipatidak Ham idop ni uhur banggal hubani juak-juak-Mu, bapa, si Daud, halani marparlahou ia i lobei-Mu ibagas hasintongan, hapintoron pakon bonar ni paruhuran dompak Ham’ (ay.6). Ternyata Salomo terbekali mananda Naibata humbani pribadi ni bapani, si Daud. Ia terdidik mananda Naibata marhitei orangtuani. Isadari bahwa keberhasilan ni Daud aima halani sirsir do ia mardalan bani rosuh ni Naibata. On ma mendorong Salomo padaskon pangindoanni ase ibere hubani uhur na pantas. Adong panandaion diri bahwa tarbador do ia anggo lang iparuhuri ampa ipargogohi Naibata.

b. Ternyata na manrajai uhur ni Salomo sedo arta, habayakon ampa hasangapon tapi uhur na marhabiaran hubani Naibata do. Memiliki hati yang taat dan takut akan Tuhan jauh lebih berharga ibanding hubani hasangapon na legan. Harganan do bani hauhuron na humbani Naibata dari pada arta / habayakon. Arta siharganan bani aima mardalan bani rosuhni Naibata. Salomo bukan tipe orang yang serakah harta dan jabatan. Bahkan isadari bahwa soya do haganup na adong termasuk jabatanni anggo lang marhasoman hauhuron atau hapentaran na humbani Naibata. 

c. Pangindoan ni ai pe lang idasari kepentingan atau ambisi pribadi tapi ibagas tujuan ase margogoh do ia menunaikan tugas / tanggungjawab na ipaondos Naibata, laho memimpin bangsa ai (ay.6-8). Jabatan sebagai raja ipahami sebagai jabatan pelayanan bukan kuasa atau kesombongan. Ia sihol mandalankon tugas ai sadalan hubani rosuh ni Naibata janah bahen hasangapon ni Naibata. 

3. Marosuh do Naibata bani pangindoan ni Salomo bahkan isobut: lang adong jolma na pentar songon si Salomo i lobeini (generasi sebelumni) barang na sihol tubuh ope (ay.12). Salomo manjalo sibere-bere na istimewa humbani Naibata. Hatahonon, rosuh do uhur ni Naibata hubani jolma na sirsir marlajar ampa mamakei hauhuron na humba-Ni. Sirsir do homa Naibata mangkasomani jolma na ra mambuka uhurni mardalan bani rosuh-Ni. Bahkan ipadanhon Naibata do homa habayakon ampa hasangapon hubani (ay.13). Artini, anggo domma marosuh Naibata mangidah hauhuron ampa goluh ni sasada halak, ijai do homa unjah Ia age mangondoskon pasu-pasu-Ni hubani sidea.

4. Irespon Salomo do parpatalar ni Naibata bani dirini marhitei na padaskon galangan situtungon ampa galangan pardameian bani Naibata (ay.15). Salomo gabe memilki gogoh na baru dob pajumpah pakon Naibata. Ia siap mengemban tugas na borat mamimpin bangsa ai sedo halani ia memiliki gogoh humbani dirini tapi halani domma ihaporsayai ipargogohi Naibata do ia. Ia lang be mabiar pori pe borat tanggungjawabni sebagai raja halani domma ihaporsayai gogoh na humbaani Naibata.

5. Refleksi

a. Hasedaon ni buei jolma sedo halani masalah hidup atap halani na hurang tapi halani na lang memiliki uhur na pantas atau hikmat na humbani Naibata do. Sidea pitah ibobai rosuh ampa pingkiran ni sandiri janah lang sirsir ibobai ampa mamakei hauhuron na humbani Naibata. 

b. Mamakei hauhuron na humbani Naibata do mambahen margogoh hita bani goluh on. Ulang ma hita sihol ipasu-pasu hape uhurta lalap daoh humbani Naibata.

c. Aha pe statusta bei bani keluarga, masyarakat, negara ampa gereja, horjahon hita ma ganup ai marhitei na mamakei hauhuron na humbani Naibata ase kehadiranta boi gabe pasu-pasu, ulang gabe partolsuan bani na legan. 

d. Songon keistimewaan na ibere Naibata bani Salomo, sonai do homa hita memiliki keistimewaanta bei i lobei ni Naibata anggo sirsir hita manjalo ampa mamakei hauhuron na humbani Naibata.

e. Ase parlobei ma pindahi hita harajaon ni Naibata ampa hapintoranni, dob ai tambahkonon-Ni do ganupan ai banta (Mat. 6:33). Mardalan bani rosuh ni Naibata, aima gabe arta siharganan banta.

f. Haleluya No. 18 : 1 – 2 

Read 382 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top