Ibadah

UMUM:
1. Jam 7.30 (Bahasa Indonesia)
2. Jam 10.00 (Bahasa Simalungun)
3. Jam 18.00 (Bahasa Indonesia/Eng)

SEKOLAH MINGGU:
1. Remaja : 8.00-10.00
2. Kelas Kecil & Tanggung : 10.00 - 12.00

Jl. Terompet No 64 Pasar I, Padang Bulan, Medan.

PITAH JAHOWA DO SISOMBAHON !

Ambilan 22 September 2019

Josua 24 : 13 – 25         

 

1. Dob das halak Israel i tanoh Kanaan, Josua sebagai pemimpin berusaha ase bangsa ai terdidik ibagas hata ni Naibata janah setia mambalosi Naibata. Panorang hatuaonni Josua dob marumur 110 tahun (24:29), ihasiholhon do patoguhkon uhur ni bangsa ai ase marhabiaran bani Jahowa. Nini: ‘On pe sai habiari nasiam ma Jahowa, anjaha totap ma uhur nasiam mambalosi-Si ibagas putih ni uhur ampa hasintongan’ (ay.14). Sadar do Josua bahwa masa depan ni bangsa ai lang bergantung hubani tanoh Kanaan na ikenal sebagai habaoran ni susu pakon dadih tapi pitah bergantung hubani Naibata do. ‘Tanoh Kanaan’ (malas ni uhur) lang itontuhon ianan ampa keadaan tapi anggo totap sipambalosi bani Jahowa do. Halani ai mutlak do sipambalosi sidea hubani Naibata anggo sihol do totap jumpahan pasu-pasu janah boi sonang marianan i tanoh Kanaan. Domu hujin idilo Josua do ganup pangintua ni bangsa ai hu Sikem (ianan parjumpahan ni Naibata pakon Abraham na manjanjihon tanoh Kanaan berehonon-Ni bani bangsa Israel) laho patoguhkon uhurni sidea ase ulang mubah haporsayaon ni sidea bani Naibata. 

HUJA DO HAM DOB MATEI HAM ?

Sibasaon 22 September 2019

Pangukabon 20 : 11 – 15 

 

1. Buku Pangukabon marisihon aha na iidah si Johanes sanggah tarbuang ia i Pulau Patmos. Pangidahan ai aima pasal na sihol masa na isuratkon hubani na pitu kuria panorang ijia (Efesus, Smirna, Pergamus, Tiatira, Sardis, Filadelfia dan Laodikia). Ipatugah do bani pangukabon ai pasal hamonangan ni Tuhan Jesus manaluhon haganup kuasa na i dunia on janah harajaon-Ni meliputi nagori atas (1:11). Domu hujin isi ni buku Pangukabon bertujuan mambere panotap hubani kuria ase totap setia mangirikkon Tuhan Jesus marhitei na ipatugah ulih hamonangan na sihol sijaloon ni na porsaya. Na setia das bani ujungni jumpahan hagoluhan janah pori pe idompakkon sidea sitaronon halani mangirikkon Tuhan, sapardihani pe lang sitaronon ai anggo ibandingkon hubani hasangapon na dob ipasirsir Tuhan hubani sidea. Ase isi ni buku pangukabon bertujuan do mendorong kuria ase totap bersemangat pori pe gati ipahiri dunia on halani mangirikkon Tuhan. Sekaligus martujuan ase na porsaya lang be pitah fokus hubani na adong i dunia on tapi domma goluh na berorientasi sorgawi janah ipahami bahwa dunia on pitah sebagai rute dalan do hansa. Marhitei na sonai ma na porsaya totap sirsir mematuhi rambu-rambu dalan aima hata ni Naibata bani na mandompakkon haganup na masa ase boi das hu tujuan aima hagoluhan na totap ai.

ULANG PAJUNTUL-JUNTUL DIRI SONGON MATA NI BALANG!

Ambilan 15 September 2019

Lukas 14 : 7 – 11 

 

1. Sanggah na mangan Tuhan Jesus i rumah ni sada halak sintua ni Parisei bani ari Sabat, ipardiateihon Tuhan Jesus do bahwa na iontang (idilo) hujai marlumba do hundul mamilih ianan sisangapan. Na iontang ai lang sadar bahwa sidea sasintongni idilo sebagai ontangan. Lang isadari sidea bahwa na manontuhon hundulan sedo ontangan tapi  hasuhuton do. Sepatutni namin hasuhuton do na mempersilahkon ontangan hundul domu bani ianan na dob iatur hinan tapi na terjadi justru sidea langsung hundul bani ianan sisangapan. On pataridahkon sifat gijang ni uhur janah sonai ma umumni sifat ni halak Parisei bani panorang ai. 

MARTORUH NI UHUR I LOBEI NI NAIBATA

Sibasaon 15 September 2019

Jesaya 57 : 14 – 21      

 

1. Iuhum Naibata do bangsa Israel das hubani na tarbuang hu Babel halani hajahaton ni sidea, halani na lang ra sidea manangar sipaingat ampa hata ni Naibata. Ternyata uhuman ai bukanlah akhir tapi cara na ibahen Naibata mendidik ase ibotoh sidea bahwa hamagouan do ulih ni na mangkorjahon dosa ampa hajahaton. Tarbuang sidea hu Babel sedo halani na gogohan halak Babel marimbang Naibata tapi na iondoskon Naibata do sidea iparjabolon halak Babel halani hajahaton ni sidea. Ibuktihon do ai marhitei na ipatalar Naibata do use holong-Ni marhitei na paluahkon sidea hun habuangan Babel.

DEARAN DO UHUR NA BORSIH DARI PADA RUPA NA JENGES

Ambilan 08 September 2019

Podah 8 : 12 – 21 

 

1. Buku Podah marisi hikmat aima hapentaran na marsumber humbani Naibata. Hapentaran mararti do homa hauhuron na humbani Naibata. Hapentaran ai martujuan mambobai jolma  mambotoh aha do harosuh ni Naibata. Artini, jolma na marhapentaran aima na sirsir iparuhuri atau ibobai Naibata. Ambilan on menegashon bahwa marhitei hapentaran ai do Naibata marianan, marhorja ampa mambobai ampa manramotkon goluhni jolma. Na sirsir ibobai hapentaran ai gabe margogoh do bani haganup langkah ampa dalanni. 

MARSAKSI SEBAGAI WARGA MASYARAKAT AMPA NEGARA

Sibasaon 08 September 2019

Rom 13 : 1 – 7

 

1. Sebagai warga harajaon ni Naibata, marianan ope hita i dunia on janah horja ni Naibata pe sedang berlangsung ope i dunia on aima mandilo haganup jolma ase manjalo haluahon na iboan Tuhan Jesus. Halani ai halak na porsaya dihut do idilo bani horja ai age marhitei status ni sidea sebagai warga masyarakat ampa Negara. Status sebagai warga masyarakat ampa warga Negara dihut gabe wadah bani kuria laho manaksihon haporsayaonni untuk menghadirhon tanda-tanda Harajaon ni Naibata i dunia on aima hasintongan, hadameion ampa malas ni uhur. Bani Rom 12:2 (paima ambilan on) tangkas do ipatugah goluh hakristenon na sintong aima: ‘anjaha ulang ma sarupa nasiam pakon dunia on, tapi mubah ma marhitei habayuon ni uhur, ase boi nasiam manimbangi atap aha do rosuh ni Naibata, ai ma na madear, harosuh ampa na gokan dear’. Artini, kehadiran ni na porsaya baik sebagai warga Negara maningon boi pataridahkon biak na baru (biak na madear) sebagai buah ni pambalosion hubani Naibata. Bani pangarusion na sonin ma halak na porsaya isuruh unduk hubani pamarentah. Unduk mararti dihut berperan menunaikan tanggung-jawab sebagai warga Negara untuk hadearon ni haganup rakyat. Kuria na berhikmat maka kehadiranni pasti do mamboaan pasu-pasu ampa hadearon bani dunia termasuk Negara. 

JESUS DO RUTI HAGOLUHAN

Ambilan 01 September 2019

Johanes 6 : 43 – 54

 

1. Dob ibahen Tuhan Jesus tanda halongangan mambere mangan 5000 halak marhitei 5 ruti pakon 2 dekke, ternyata lang mambahen halak Jahudi porsaya hu-Bani. Manurut sidea banggalan ope si Musa, ompung ni sidea marimbang Tuhan Jesus halani Musa mampu mambere mangan manna halak Israel selama 40 tahun i pardalanan hun Masir manuju tanoh Kanaan. Hunjon taridah bahwa orientasi berfikir ni sidea pitah sekedar makanan jasmani. Batas panandaion ni sidea bani Jesus pitah sekedar anak ni si Josep do hansa, lape itanda sidea Ia sebagai Mesias Anak ni Naibata. Halani ai ketika Tuhan Jesus manobut Ia do ruti hagoluhan (ay.48), sidea gabe marungut-ungut (ay.43). Lape tararusi sidea makna ni ‘Jesus do ruti hagoluhon’ sebagai makanan rohani, bahwa na manjalo janah porsaya hu-Bani lang be matei ibagas dosa tapi domma jumpahan hagoluhan na sadokah ni dokahni. 

UHUR NA IRAJAI HATA NI NAIBATA 

Sibasaon 01 September 2019

Jeremia 31 : 31 – 34 

 

1. Ipadas nabi Jeremia do hata ni Naibata bani bangsa Israel tapi lang sirsir sidea mambalosi. On ma mambahen  tarbuang sidea hu Babel halani Naibata magigi do bani hajahaton ampa dosa. Tapi habuangan sedo ujung ni goluhni sidea tapi sada proses na ibahen Naibata menyadarhon sidea akibat ni dosa do. Dob tarbuang sidea ipatalar Naibata do use holong-Ni marhitei na ipadas hata-Ni ase mulak bangsa ai hu-Bani. Halani holong-Ni, ipabayu do goluh ni bangsa ai dengan cara mangondoskon hata-Ni lang be songon na sapari na tarsurat bani batu (marhitei na isuratkon si Musa) na gati iosei atau ilanggar sidea, tapi nuan nahkonon-Ni ma titah-Ni hubagas atei-atei ni sidea anjaha isuratkon ibagas uhurni sidea (ay.33). Tujuanni ase hata ai menyatu pakon goluhni sidea janah ase totap idingat sidea. Marhitei na sonai ma terjadi transformasi (hamubahon) bani bangsa ai humbani na manombah ganagana gabe manombah Naibata. Naibata do na berinisiatif mangkaholongi bangsa ai halani tangkas do ibotoh Naibata bahwa tanpa manuratkon hata ai ibagas uhur ni sidea urah do sidea lupa janah manundalhon Naibata na berakibat hamagouan bani sidea. Ase holong ni Naibata bani bangsa ai sedo dengan cara paturutkon sidea torus ibagas dosa tapi dengan cara mangubah uhur ni sidea do ase itundalhon sidea dosa halani dosa ai do na mambahen hasedaon. Artini, Naibata lang ongga solider bani dosa halani hagigi do dosa ai i lobei ni Naibata. Pori pe parholong Naibata tapi anggo totap do sidea mangkorjahon dosa hamagouan do ulih ni sidea halani dosa ai do na manirang sidea humbani holong ni Naibata. Ase holong ni Naibata inyatahon do dengan cara mangubah hauhuron ni sidea halani status ni sidea sebagai bangsa ni Naibata lang boi melegitimasi dosa ai.  

HAHOLONGI MA MUSUHMU !

Ambilan 25 Agustus 2019

Lukas 6 : 27 – 36 

 

1. Adong do tradisi Jahudi domu bani pangajarion ni para rabi (guru) Jahudi bahwa sihaholongan do hasoman diri tapi sihasogamhonon do anggo musuh. Marhitei na sonai populer do bani sidea perbedaan antara  ‘au – ia’, ‘ho – ahu’,  ‘hita – sidea’. Sikap parugamaon na eksklusif (menutup diri) bani kelompak na legan somal do bani hajahudion bahkan lang jarang manguhum-uhumi halak na i luar kelompok ni sidea. 

HASOMANKU DO HAM !

Sibasaon 25 Agustus 2019

3 Musa 25 : 39 – 43

 

1. Halani keadaan tertentu boi do sasada halak gabe miskin janah untuk mempertahankon goluhni iombouhon dirini hubani halak na legan. Hal na sonon pe  boi do terjadi age bani bangsa ni Naibata bani Padan Na Basaia. Halani ai ibere Naibata do aturan bani sidea (age banta) sonaha bersikap hubani halak na miskin na mangombouhon dirini.

Kegiatan & Pemakaian Gereja

Kalender

Untuk menampilkan jadwal/kalender ini, silakan klik +GoogleKalender diatas,dan login ke email gmail.com anda. Kami approve 1 x 24 jam.<Full View>

Ambilan & Sibasaon

Go to top