SADA SEBAGAI SESAMA ANGKULA NI KRISTUS (Ambilan 29 September 2019 Epesus 4 : 7 – 16)

SADA SEBAGAI SESAMA ANGKULA NI KRISTUS 

Ambilan 29 September 2019

Epesus 4 : 7 – 16 

 

1. Sebagai komunitas minoritas, kuria ni Tuhan na i Epesus mandompakkon dua keadaan gabe pergumulan ijia. Na parlobei, sidea ihagigihon pamarentah (pamarentah Rom) ampa pambobai ni halak Jahudi na lang satuju hubani kehadiran ni gereja janah na paduahon, sidea marharohan humbani latar belakang na berbeda-beda (adong humbani Jahudi ampa humbani sipajuh begu-begu hinan). Domu bani keadaan on ma Paulus paingatkon ase sidea membangun hasadaon. Hasadaon ai porlu ase boi sidea saling meneguhkan sanggah mandompakkon hamaholon. Pori pe sidea roh humbani latar belakang na berbeda tapi sasintongni domma ipasada sidea sebagai sesama pagori ni Kristus. Halani ai ipatugah bahwa Tuhan Jesus na dob roh hu tanoh on janah na dob naik hu nagori atas (ay.8-10), hum-Bani do haganup kuria in manjalo sibere-bere domu hubani ukuran ni pambere-Ni (ay.7). Pori pe marbeda latar-belakang ampa talenta na adong bani sidea tapi sada do sumber ni haganupan ai aima Tuhan Jesus.

2. Halani sada do sumber ni sibere-bere ai maka haganupan sidea ningon memiliki tujuan na sarupa aima laho pasirsirhon na mapansing in (kuria) bani horja diakonia, laho pauli-ulihon daging ni Kristus in ase gabe jolma na gok, matoras anjaha gok songon Kristus (ay.12-13). Domu bani tujuan on ma iporluhon memadu haganup sibere-bere ai ase boi bersinergi. Perbedaan sibere-bere ulang gabe dalan paetek-etekkon hasoman tapi untuk saling membangun ampa marsiurupan do. Lang adong talenta sisurungan atau sietekan halani haganupan sibere-bere ai marguna do laho membangun angkulan ni Kristus do aima kuria in. Halani ai ulang adong perasaan sisangapan (misalni: halani ia pimpinan, halani bahat duitni, pnl.) halani sibere-bere ni Tuhan do aha pe na adong bani ai. Sebagai sibere-bere ni Tuhan ningon ipakeihon domu hubani sura-sura ni Tuhan. Artini, haganup kuria ningon sirsir bani horja diakonia (saling mengisi, marsiurupan, bertumbuh ibagas holong) domu hubani sibere-bere/talenta na jinalo ni bei, halani untuk ai do ase ibere Tuhan talenta ai bani tiap-tiap pagori ni kuria.

3. Marhitei na sonai ma sidea boi lambin bertumbuh ibagas haporsayaon ampa panandaion bani Tuhan halani buah ni haporsayaon do age horja hasadaon na saling marsiurupan ai. Marhitei na sonin ma homa haganup kuria ai lambin boi margogoh ampa tersemangati mangirikkon Tuhan pori pe sanggah buei idompakkon sidea hamaholon halani marhitei na marsiurupan do gabe hampung horja na borat. Marhitei na sonin ma homa kuria ai lang be danak, na pinalindak-lindak anjaha na binoan-boan ni ganup logou ni ajaran, marhitei horja akal-akal ni jolma, marhitei sipaoto-oto na laho pakahouhon sidea (ay.14). Hatahonon ma, hasadaon marhitei na saling marsiurupan i tongah-tongah ni kuria sangat marguna membangun haporsayaon ni ganup pagori ni kuria gabe lang urah terpengaruh bani ajaran-ajaran na pakahouhon. Sebalikni, mahol do bertumbuh haporsayaon anggo i tongah-tongah ni kuria (termasuk keluarga) terjadi parbolah-bolahan ampa partinggilan halani na bertumbuh ijai aima akal-akal ni sibolis do (iri, kebencian, nepotisme, kesombongan, pnl.) na laho pakahouhon. Hatahonon, hasadaon i tongah-tongah ni kuria boi bertumbuh anggo haganupan mandalankon tugasni bei ibagas hasintongan na humbani Tuhan janah na menyadari statusni bei sebagai bagian ni angkula ni Kristus na ipadomu anjaha iparapat marhitei ganup urat-urat pangurupi, gabe lambin magodang daging in domu hubani horja ni ganup pagori bani bagianni bei, pinauli-uli ibagas holong (ay.15-16). Artini, kehadiran ni haganup pagori ni kuria ningon merajut hasadaon ibagas holong domu hubani sibere-bere ni Kristus na jinaloni bei.

4. Refleksi

a. Ra buei do jolma mahol manjalo perbedaan halani memang  urahan do marsaor pakon halak na dos pakonsi. Mengelola perbedaan usih do ai hubani paduan surra na ipimpin conductor gabe tubuh lagu na harmonis, sonai ma kuria in porlu memadu perbedaan ai marhitei na riap sirsir ibobai hata ni Tuhan. 

b. Aha pe sibere-bere ni Tuhan banta bei sasintongni lang na kebetulan tapi haganupan ai iondoskon ase ipakeihon hita bahen hadearonta ampa kuria in. Ulang ma marhitei sibere-bere na banta gabe tubuh use gijang ni uhur na patubuhkon parbolah-bolahan i tongah-tongah ni kuria.

c. Nuan on umumni parbolah-bolahan i kuria sedo halani ajaran (dogma) tapi umumni sangat berkaitan hubani politik, kepentingan ampa jabatan. Ra adong do kuria in merasa ia do hansa sihebatan na talup sibalosan atau sipambobai. Sedo maksudni salah mangkasiholhon gabe sipambobai/pimpinan tapi na ulang aima anggo adong hauhuron/prinsip: anggo lang au maseda ma, anggo lang halani ahu lang boi mardalan horja in. Porlu pakkei hita anggo ibere Tuhan banta kemampuan mangkorjahon sada horja sedo mararti lang markuasa Tuhan mambere talenta na sarupa age hubani hasomanta. Mamakei sibere-bere na adong banta bei ibagas na bertanggungjawab hubani Tuhan janah motivasinta laho pasaudkon horja ni Tuhan, ijai do boi tubuh riap sapangahapan bani na hurang, janah riap marsipasangapan bani na lobih.

d. Ase marsiurupan, marsitungkol-tungkolan ma hita ase boi riap magodang ibagas haporsayaon. Mahol do jumpah na madear i tongah-tongah ni kuria na sai adong parbolat-bolatan, marsoali, hurang sirsir menghargai na adong bani hasoman, na sai mangidah hahurangan ni hasoman janah anggo adong penonjolan diri.

e. ‘Sepuluh lidi yang diikat menjadi satu lebih kokoh daripada seribu lidi yang tercerai-berai’. Ungkapan on paingatkon hita porluni marhasadaon i kuria halani lambin urah janah torsa do horja i kuria anggo domma sada uhur tapi lambin borat do anggo marsiboan uhurni bei.  

f. Haleluya No. 217 : 1, 3, 4  

Read 667 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top