UHUR NA ISONDANGI HATA NI NAIBATA (Sibasaon 20 Oktober 2019 Jesaya 2 : 2 – 5)

UHUR NA ISONDANGI HATA NI NAIBATA

Sibasaon 20 Oktober 2019

Jesaya 2 : 2 – 5 

1. Sanggah panorang ni nabi Jesaya, halak Israel (na i Utara pakon Selatan) relatif mengalami kenyamanan baik secara ekonomi ampa keamanan pori pe adong ancaman humbani bangsa Asyur. Tapi goluh parugamaon ni sidea domma maseda halani isombah sidea do gana-gana janah rosuh mangkorjahon dosa (Jesaya 1:21-31). Pori pe mardalan ope ibadah i rumah panumbahan tapi lang be sinkron ibadah ai hubani goluh ni sidea ari-ari. Bani keadaan na sonin ipadas Naibata do hata-Ni marhitei nabi Jesaya ase ipaubah sidea uhurni ase ulang hasedaon ulih ni sidea. Singat-singat ai pataridahkon na holong do tong uhur ni Naibata hubani bangsa-Ni.

2. Bani ambilan on ipatugah do bahwa Parholong janah Parkuasa do Naibata. Ipatalar Naibata do homa holong-Ni hubani haganup bangsa na i tanoh on. Halani ai bani panorangni gabe ibotoh haganup bangsa ma bahwa Naibata na isombah halak Israel, Ia do hansa Naibata Sitimbulan. Timbulan janah sangapan do Ia marimbang haganup naibata-naibata na i tanoh on janah halani ai do ase haganup bangsa manadingkon naibatani hinan janah roh marsombah hubani Naibata i Sion. Pasal hasangapon pakon kuasa ni Naibata isobut ‘totap ma pajonamon dolog ni rumah ni Jahowa bani pakpak ni dolog, gijangan humbani buntu-buntu (ay.2). Ayat on sedo imaksudhon sekedar patugahkon hatunggungon ni ianan atap bangunan ni rumah panumbahan tapi lobih hunjai aima hatunggungon ni Naibata Simada rumah ai do bahwa i toruh ni kuasa-Ni do haganup tanoh on ampa naibata-naibata na adong i tanoh on. Anggo buei bangsa-bangsa roh marodor hujai aima sada pengakuan atau kesadaran bahwa sangapan janah markuasanan do Naibata marimbang naibata-naibata na isombah sidea sadokah on, bahkan humbani bangsa-bangsa na gogoh bani panorang ai. Halani ai pori pe sompat do ijajah bangsa na legan halak Israel sedo na mararti gogohan bangsa na legan marimbang Naibata halani ipaluah Naibata do use sidea.

 

3. Domu hujin ma sagala bangsa siholan roh marlajar pasal dalan atap hata ni Naibata (ay.3). Marhitei na iajarhon hata atap titah ni Naibata, ijai ma tubuh habayuon atau perobahan bani cara berfikir age sikap hidup ni jolma. Perobahan ai nyata marhitei na patopahon podang gabe mata ni tinggala anjaha tanja gabe sasabi (ay.4). Artini, na sadokah on jolma gok ibagas parmusuhon marhitei podang pakon tanja,marhitei hata ni Naibata marubah ma gabe na mangkasiholi tinggala ampa sasabi (alat pertanian), na patorsa-torsahon/membangun). Na sadokah on hampung do uhur ni jolma  mamunuh, marmunsuh, rimas, sogam ni uhur, subil, pakon biak ni dosa mubah ma gabe na marsihaholongan halani domma iajarhon bani sidea dalan hasintongan. Na sadokah on menganut prinsip mata gantih mata, ipon gantih ni ipon gabe tubuh ma uhur na ra mardamei. Na sadokah on jolma mangajamhon podang pakon tanja mubah ma gabe na mangajamhon kuasa ni Naibata. Na sadokah on jolma pitah ibobai pingkiranni janah pangajarion ni dunia on mubah ma gabe na sirsir ibobai hata ni Naibata. Sonin ma Naibata patalarhon holong-Ni bani jolma marhitei na ibere hata-Ni gabe panduan hidup. Anggo domma hata ni Naibata gabe pandu bani keluarga, kuria, rumah tangga ampa masyarakat pasti do tubuh uhur ampa goluh na saling meembangun ampa marsihaholongan. Anggo domma hata ni Naibata na mambobai lang masa be na banggal mangodoh-odoh na galek tapi lambin marbanggal ma hasintongan, holong ampa hadameion. 

 

4. Ase ambilan on mangindohon ase sirsir hita marlajar janah ibobai hata ni Naibata. Hata ni Naibata do na boi mangubah hauhuronta gabe siboan damei age bani hasoman. Hata ni Naibata do na boi patorangkon uhur ase porsaya hita bahwa bani ganup situasi ampa keadaan totap do hadir Naibata patalarhon kuasa-Ni manramotkon hita. Anggo domma torang uhur, ijai ma homa hita lang urah mandolei pori pe aha na masa janah lang ra be madabuh hubagas dosa. Keberhasilan ni jolma lang be pitah itontuhon hal-hal na lahiriah tapi itontuhon panandaion bani holong ni Naibata do. 

 

5. Ambilan on sekaligus do martuduh-tuduh hubani kehadiran ni Tuhan Jesus sebagai Mesias, hata ni Naibata gabe daging. Hun Sion do roh ni Raja Shalom (Raja Hadameion) ai. Tuhan Jesus do siboan damei bani dunia on. Tuhan Jesus do ibahen Naibata gabe ukuran ni jolma na sintong pakon na lang sintong i lobei-Ni. Marhitei Tuhan Jesus talar ma holong ni Naibata na sirsir paluahkon haganup jolma age bani paruhuman simagira. Na manjalo Tuhan Jesus lang be hona uhum tapi jumpahan haluahon do.

 

6. Refleksi

a. Antara mangajamhon kuasa ni dunia on pakon kuasa ni Naibata selalu merupakan pilihan banta. Martuah ma jolma na mangajamhon Naibata halani ipasirsir do gogoh ampa hamonangan bani sidea.

b. Age mardalan bani na golap anggo adong do panondang (lampu) lang sontou hita mardalan. Sonin ma hata ni Naibata manondangi uhur ampa langkahta ase ulang tartolsu janah kahou. 

c. Haleluya No. 205 : 1,3,4           

 

Read 704 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top