Ambilan & Sibasaon (187)
Bahan Sibasaon Minggu, 05 Nop 2017 (XXI Dob Trinitatis, 1 Tesalonika 2:9-13)
Bahan Sibasaon Minggu, 05 Nop 2017 (XXI Dob Trinitatis)
Teks : 1 Tesalonika 2:9-13 Doding:Haleluya 381:1-2
1. Bani ambilan on ipatangkas Paulus do bani kuria Tesalonika pasal aha na dob ongga ihorjahonni hinan hubani sidea. Tarbuka do Paulus laho mangkatahon pasal halojaon sonai age hasunsahan, arian pakon borngin do sidea marhorja laho padaskon Ambilan na madear in songon na sinobut bani ay.9.
Buei do resiko sonai age konsekwensi marpardomuan pakon horja pararatkon hata ni Tuhan. Ijon lambin tangkas ma banta paboa sada horja na madear, lape tontu mintor boi ijalo ibagas na dear. Boi do adong paruntolon ampa sitaronon idompakkon marhitei haganupan ai. Sedo mulus janah dear haganup, agepe sasintongni pitah bahen malas ni uhur ni ampa haluahon ni kuria in do haganupan ai. Pag do Paulus mangkatahon paboa kuria in do na gabe saksi bani haganupan ai. Lang mintor mandolei apostel ai bani horja na sonai. Totap do ibagas na daulat, pintor anjaha seng panurakan parlahou ni sidea dompak na porsaya (ay10). Memang boi do roh kekecewaan anggo mardingat horja na binahenta, hape horja ai sandiri sedo na laho hubanta tapi idompakkon do hamaholon tarlobih roh ni humbani kuria ai sandiri. Iporluhon do toras ni paruhuran sonai age haporsayaon, ase ulang gabe pandoleian horja na laho pararatkon hatani Tuhan. Ipatugah Paulus do ijon sonaha sidea na jongjong songon sada Bapa hubani niombahni. Ra mangajari, mamodahi, mangojur sagala horja na madear ase dapotan haluahon ma kuria in. Ibagas hasabaron do sidea laho mangkorjahon haganupan ai. Tujuan ni haganupan on, sonaha ase marparlahou kuria ibagas na patut dompak Naibata. Ipatangkas Apostel ai do paboa nabinahenni ai, tujuanni ase ihargahon janah ihamalaskon kuria in ma pandiloon ni Naibata hubani sidea laho masuk hubagas harajaon ni Naibata sonai age bani hasangaponNi (ay.11-12). Ijon do ipatangkas Paulus pasal malas ni uhurni ai paboa haganupan ai sedo horja na soya-soya. Ibagas ai, martarima kasih do Paulus hubani Naibata, halani panjaloon ni kuria Tesalonika bani hata ni Tuhan. Panjaloon ni side ape sedo songon panjaloon bani hata ni jolma, tapi lobih ni ai, gabe hata ni Naibata do ai hubani sidea. Dob ni gabe mampangkorhon do hata in bani goluh ni sidea (ay.13).
2. Humbani perikop ni sibasaonta on, boi marlajar hita pasal aha na talup sibahenon ni halak na porsaya domu hubani na mangajari ampa mangarahkon hasoman na legan ase sirsir dihut bani na manjalo hata ni Tuhan in. Bani teks on taridah do sonaha keteladanan na dob ibahen Apstel Paulus dalam rangka laho mangkopkop kuria in. Marpambahenan do ia domu hubani harosuh ni Naibata. Ganup do ihorjahon apostel ai , sedo dalam rangka motivasi keuntungnan pribadi atap golongan tapi justru pitah bahen haluahon ni na porsaya in. Haganupan on, tontu gabe sada parlajaran na maharga age dompak kuria sonari on. Gabe tanggungjawab ni kuria sondahan on ma laho mangkopkop aha na dob ipungkah ampa na ihorjahon Paulus bani panorang on. Haganup pagori ni kuria masing masing maningon adong tanggungjawab untuk ai. Das do tanggungjawab ai age banta bani panorang on. Sada parlajaran na maharga lkeganni na isobut iatas aima pasal keyakinan ampa haporsayaonni Paulus bani panramotion na binahenni Naibata hubani. Ihaporsayai Paulus on do paboa horja nabinahenni laho mangkopkop kuria in, pasti ihasomani ampa ipargogohi Tuhan. Umpasa mangkatahon “ilambung ni passa-passa tubuhan ma lapa-lapa.Agepe aha na masa totap ma mangajamkon Tuhan Naibata”. Marlajar humbani Paulus, age bagei hata na ituduhkon hubani, age bagei sitaronon na idompakkonni janah age bahat na lang marosuh mangidahsi halani hata ni Naibata, tapi tongtong do ia marpangajaman bani Naibata. Sonai ma naming hita selaku halak na porsaya. Paulus patugahkon bahasa hata na pinadasni ai lang roh humbani dirini sandiri, tapir oh humbani naibata do, halani ai marhagogohon do hata ni ai bani sagala na manangar. Martin Luther mangkatahon “Dimana Firman Allah diberitakan, disitulah Allah hadir”. Halani ai, bani minggu Bapa on, dihut ma haganup seksi Bapa na gabe parhiteian ni Tuhan laho pararatkon hataNi. Jalo hita ma tugas tanggungjawab bani minggu seksi Bapa on, ase lambin marsangap ma Tuhan marhitei hita.
JANGANLAH MENJADI KRISTEN YANG MUNAFIK ! (Ambilan 05 November 2017, Mika 3 : 5 – 12)
JANGANLAH MENJADI KRISTEN YANG MUNAFIK !
Ambilan 05 November 2017
Baca : Mika 3 : 5 – 12
1. Nabi Mika marhorja bani panorang ni raja Yotam, Ahas, Hiskia (743-715 SM). Ia mengkritisi hajahaton bani panorang ai. Menjamur do nabi sipakulah-kulah janah raja sipambobai pe lang be marhabiaran bani Naibata. Sidea memperalat goran ni Naibata tapi horja ni sidea justru pahirihon goran ni Naibata. Ipauli sidea do Jerusalem marhitei daroh ampa hagedukon (ay.10), manjalo sisip bani paruhuman, ipapeol do sagala na pintor, nabi-nabi manjalo pirak do manjahai (ay.11-12). Tapi bani kondisi na sonin sidea berangapan keamanan akan totap do terjadi, nini: ‘Ai lang Jahowa do i tongah-tongahta? Seng tumaram sogop banta hamagouan’. Tapi nabi Mika menegaskon keamanan na iarapkon sidea berubah jadi kehancuran ‘Maningon tinggalaon do Sion songon juma, Jerusalem maningon gabe guguan batu. (ay.11-12). Kota kebanggaan ni sidea akan menjadi hancur.
2. Ketika nabi sipakulah-kulah padaskon hata marasal humbani pingkiran ni sidea sandiri demi meraup keuntungan, demi harga diri dan penghormatan, tapi nabi Mika menegashon bahwa hata na ipadasni murni roh humbani Naibata, isi hati Tuhan, nini: ‘Sonon do hata ni Jahowa’(ay.5). Kehadiranni sebagai nabi lang padaskon pingkiranni sebagai jolma tapi sebagai penyambung lidah Allah na padaskon hata ni Naibata ibagas na sintong. Ketika nabi sipakulah-kulah memanipulasi hata ni Naibata demi kepentingan pribadi, tapi Mika padaskon hata ni Naibata secara murni pori pe halani ai ihagigihon halak ia. Kebenaran atau hasintongan bani Mika lang aha na boi pasonang dirini tapi aha na pamalas uhur ni Naibata do. Nabi Mika berani menegor dosa ni nabi sipakulah-kulah ampa raja-raja ni bangsa Israel ampa Juda. Biaran janah balosan do ia bani Naibata marimbang jolma. Aha na ipadasni murni marasal humbani Naibata tanpa tercemar oleh kepentingan pribadi, kelompok ampa kepentingan na legan.
3. Ipadas nabi Mika do uhuman ni Naibata halani hajahaton ni sidea. Bahkan halani dosa ampa hajahaton ai, pori pe sidea mandilo goranni Naibata tapi na ijalo sidea lang be pangurupion ampa pasu-pasu tapi uhuman do. Tarlanglang do tonggo ni sidea bani Naibata halani hajahaton ai. Tonggo lang boi melegitimasi atau menutupi dosa tapi tonggo aima ungkapan iman na maningon taridah homa humbani cara hidup na iharosuhkon Naibata. Ihagigihon Naibata do tonggo ni parjahat. Tonggo ni halak parjahat adalah kekejian di hadapan Tuhan. Goluh atau cara hidup maningon dihut sebagai bahagian ni tonggo atau ibadah.
4. Halani ai pori pe iarapkon bangsa ai kenyamanan (ay.11), tapi na terjadi aima hagolapan bahkan halotiron ma age arian bani sidea, janah habadoron ma upah ni sidea (ay.6). Pori pe iarapkon sidea malas ni uhur tapi hasedaon do use jaloon ni sidea. Aha na isuan, ai do tubuh. Anggo isuan sidea hajahaton jaloon ni sidea ma uhuman. Iarapkon sidea na madear tapi hasamboron do na ijalo. Sonin ma nabi Mika secara tegas padaskon uhuman ni Naibata bani bangsa ai.
5. Refleksi
a. Hadearon ampa pasu-pasu marharohan humbani Naibata. Ulang ma sura-suran mamparayak hadearon ampa pasu-pasu hape goluhta daoh do humbani Naibata, pingkiran ampa pangabakta justru menyakiti hati Tuhan. Tarlanglang do ibadah atau tarolat do tonggo ni parjahat na lang peduli bani rosuh ni Tuhan.
b. Hati-hati manobut goran ni Tuhan anggo lang sirsir manggoluh ibagas rosuh ni Tuhan. Lang haganup na mandilo goran ni Tuhan jumpahan haluahon.
c. Ulang ibelokkon hita hasintongan ni hata ni Tuhan demi kepentingan apa pun ase ulang tarbador hita. Cepat atau lambat, Naibata pasti do manguhum parjahat.
d. Songon nabi Mika na berani menyuarakan hasintongan sonai ma hita idilo ase berani mengatakan yang benar. Ulang sebalikni berani bersuara hape rosuhta sandiri do na ipadas hita. Janganlah menjadi orang Kristen yang munafik.
e. Halani ai porlu mengevaluasi diri, apakah na sintong na ianut hita sadokah on domma berdasarhon rosuh ni Tuhan atau pitah berdasarhon rosuhta sandiri ope.
f. Haleluya No. 381 : 1 – 3
GABE SITIRUON BANI NA MADEAR (Sibasaon 5 November 2017, 1 Tesalonika 2 : 9 – 13)
GABE SITIRUON BANI NA MADEAR
Sibasaon 5 November 2017
Baca : 1 Tesalonika 2 : 9 – 13
1. Dalam rangka peneguhan iman ni kuria na i Tesalonika, Paulus manulis surat on tarlobih bani panorang ai buei hasutan ampa tantangan humbani kelompok anti-Kristus i Tesalonika na boi melemahkon haporsayaon ni sidea. Ase mampu mandompakkon kondisi ai janah ase ulang gabe terkabur haporsayaon ni sidea iporluhon totap penyegaran rohani. On ma na idalankon Paulus bani kuria ai.
2. Paulus mambahen dirini gabe teladan bani kuria Tesalonika pasal hapongkuton ibagas haporsayaon. Bahkan ia lang ongga manunsahi kuria ai tapi marusaha do ia marhorja arian pakon borngin ase ulang iborati kuria ai pasal haporluanni. Ihorjahon do horja parambilanon ibagas holong ampa bulus ni uhur songon bapa hubani anakni laho mangojur ampa mamodahi kuria ai (ay.11-12). Pori pe buei ialami Paulus sitaronon bani horja parambilanon tapi lang ongga mundur semangatni halani holongni bani kuria ai. Ihorjahon do horja parambilanon ibagas biar ampa pambalosion bani Naibata tanpa memiliki motivasi na legan untuk kepentingan pribadini atau ingin meraup kehormatan ampa keuntungan humbani kuria ai.
3. Itandaskon Paulus ‘Nasiam do saksi, Naibata homa, paboa daulat, pintor, anjaha seng panurakon parlahounami dompak nasiam na porsaya’ (ay.10). Paulus terbuka menilai dirini i lobei ni kuria ai bahwa lang adong kepura-puraan atau kemunafikan bani horja parambilanonni. Terbuka do ia inilai kuria ai bahkan isadari do bahwa Naibata pe dihut do mangidah motivasi ampa ketulusanni bani horja pangidangionni. Paulus lang berpura-pura songon na bujur i lobei ni kuria ai halani tangkas do iidah kuria ai sonaha cara hidupni. Ijon Paulus mangidah porluni hajongjongan ni sipambobai i lobei-lobei ni kuria. Pribadi ni sipambobai sangat berdampak bani pembangunan rohani ni kuria. Halani ai ijaga do dirini ase ulang gabe partolsuan bani kuria. Ia sadar bahwa tugasni aima laho marmahani do sedo paerapkon. Ijaga do dirini ase ulang gabe sandungan atau partolsuan tapi sebalikni boi gabe sitiruan. Isadari Paulus bahwa horja parambilanon lang sekedar padaskon hata ni Naibata marhitei hata tapi dihut do homa marhitei cara hidup sehari-hari na langsung iidah kuria ai.
4. Na utama bani Paulus sedo sonaha ase gabe terhormat ia bani horja parambilanonni tapi sonaha ase lambin tarambilan do goran ni Tuhan janah terbangun haporsayaon ni kuria marhitei horja ampa goluhni. Halani ai na parlobei ijaga aima dirini, hauhuronni ase ulang gabe partolsuan. Ia sirsir mangorom (menguasai hati dan emosi), mamparnalang dirini bahkan manadingkon harga diri demi tujuan na mulia ai. Ia sadar bahwa tugasni aima padaskon hata ni Naibata (‘ijalo nasiam do in sedo songon hata ni jolma, tapi songon hata ni Naibata do, ai in do in tongon’/ay.13). Malas ni uhur bani Paulus sedo anggo maruntung ia atau gabe isanjung / ihormati halak ia marhitei horjani tapi anggo lambin marbuah ambilan na madear bani kuria ai do janah lambin marsangap Tuhan marhitei horjani do. Halani ai na itarimakasihkon Paulus aima halani pongkut do kuria ai manjolom Ambilan Na Madear na ipadas bani sidea do (ay.13).
5. Refleksi
a. Melayani bukan dilayani, membangun bukan merusak, menyatakan isi hati Tuhan bukan isi hati manusia, menjadi teladan bukan menjadi sandungan: Inilah ciri seorang hamba dan orang percaya.
b. Lebih baik diam daripada berbicara tapi membuat keonaran, lebih baik tidak berbuat daripada berbuat untuk kesombongan diri, lebih baik mati daripada hidup jika hidupnya menjadi sandungan bagi dunia.
c. Saling membangun dan meneguhkan iman dalam kasih melalui firman Tuhan, bersama-sama membesarkan nama Tuhan dan hidup dalam firman Tuhan, akan menjadikan persekutuan indah dan rohani. Inilah persekutuan yang disenangi oleh Tuhan. Di luar itu adalah persekutuan dunia walaupun mereka menamakan diri sebagai persekutuan Kristen.
d. Perkataan sepertinya saleh tapi hatinya busuk adalah bagaikan sampah yang dikemas dengan kertas kado yang indah.
e. Haleluya 353 : 1 – 3
PARHOLONG DO JOLMA NA DOB IHAHOLONGI TUHAN (Ambilan 29 Oktober 2017, Matius 22 : 34 – 46)
PARHOLONG DO JOLMA NA DOB IHAHOLONGI TUHAN
Ambilan 29 Oktober 2017
Baca Teks : Matius 22 : 34 – 46
1. Sibotoh surat, halak Parisei ampa Sadukei aima kelompok na adong bani halak Jahudi. Pori pe na tolu kelompok on memiliki paham na berbeda do pasal parugamaon tapi sepakat do sidea manulak horja ampa pangajarion ni Tuhan Jesus. Halani ai selalu do sidea bersepakat manorihi hahurangan ni Tuhan Jesus ase adong dalan mangaduhon-Si. Dob gagal halak Sadukei manlajou (ay.34), bani ambilan tampil ma use halak Parisei ampa sibotoh surat manlajou/manguji Tuhan Jesus. Paima ambilan on, halak Sadukei (na lang mangakui adong parpuhoon humbani na matei) marsungkun bani Jesus, anggo tongon do adong parpuhoon, ise do paramangon ni sada naboru na dob marhajabuan pitu hali bani ari parpuhoon ai. Ibalosi Tuhan Jesus anggo bani ari simagira lang adong parrumahtanggaon be halani songon malekat ma sidea (ay.23-33).
2. Selanjutni halak Parisei ampa sibotoh titah manungkun use pasal titah sibanggalan. Manurut Jahudi sarupa do tingkatan ni ganup titah, lang marsibanggalan. Tapi ibaen sidea sungkun-sungkun on halani iidah sidea seolah-olah Tuhan Jesus hurang mangkargahon titah tertentu misalni ari Sabat, halani ongga do Ia marhorja pamalumhon sanggah ari Sabat. Ibagas pingkiran ni sidea pasti ma ibalosi Tuhan Jesus adong do titah sietekan ampa sibanggalan; Janah pori sonai balos-Ni adong ma dalan ni sidea mangaduhon-Si secara aturan agama. Tapi balos-Ni lang songon na iarapkon sidea. Jesus patugahkon rimpun ni haganup titah aima mangkaholongi Naibata humbani gok ni uhur, tonduy ampa pingkiran ampa mangkaholongi hasoman doskon dirini. Balos on sadalan do hubani pangarusion ni sidea pasal rimpun ni titah (5 Musa 6:5; 10:12; 3 Musa 19:18). Ijon Jesus justru mambuka kemunafikan parugamaon ni sidea halani pori pe sidea pokkut marugama tapi daoh ope biak ni sidea humbani rimpun ni titah ai. Sidea pitah bangga memiliki titah tapi goluhni daoh do humbani titah. Halani ai lang jumpah sidea dalan mangaduhon-Si halani horja holong do na ihorjahon Jesus age bani ari Sabat.
3. Selanjutni Tuhan Jesus manungkun sidea use pasal Kristus: Anak ni ise do Ia. Ibotoh sidea do tangkas domu bani na tarsurat bahwa Kristus aima anak ni si Daud. Tapi nini Jesus ma use marsungkun, anggo anak ni si Daud do Ia, mase ma ihatahon si Daud Ia do Tuhanni (Psalmen 110:1). Lang tarbalosi sidea sungkun-sungkun on. Mase? Halani Daud na ihormati sidea sasintongni domma patugahkon bahwa Kristus aima Tuhan, hape sidea sandiri lang sirsir manjalo Kristus. Ijon lambin talar ma kemunafikan parugamaon ni sidea. Janah marhitei ai lang adong be sidea na pag manungkun Tuhan Jesus.
4. Pori pe tujuan ni Parisi ampa sibotoh titah laho manlajo-Si, tapi justru ipakei Tuhan Jesus do kesempatan ai mambuka hapitungon ni haporsayaon ampa kemunafikan parugamaon ni sidea. Ijon Tuhan Jesus mangajarhon na sintong do Ia Tuhan bahkan banggalan do Ia humbani si Daud. Ia do Kristus na iutus Naibata paluahkon jolma. Pori pe sonai ternyata sip do sidea. Arti sip ijon sedo mararti na satuju atau tarjalo sidea Tuhan Jesus sebagai Kristus tapi pataridahkon kekecewaan do halani gagal sidea bani rencana semula laho mangaduhon Tuhan Jesus.
5. Holong do rimpun ni ganup titah, mangkaholongi Naibata ampa hasoman jolma. Tanda na holong uhur bani Naibata ihaholongi do hasomanni. Anggo maseda hubungan pakon hasoman, maseda do homa hubungan pakon Naibata. Ukuran ni holong dompak Naibata aima humbani gok ni uhur, tonduy ampa pingkiran. Maksudni: mangkaholongi Naibata secara sungguh, lang cukup pitah ibagas hata, uhur ampa teori tapi nyata age bani sikap na pamalaskon uhur ni Naibata. Ukuran mangkaholongi jolma aima doskon dirini, maksudni: selalu menguji setiap tindakan marhitei na parlobei manungkun, anggo hu bangku ibahen sonai malas do uhurhu? On ma standart ni parugamaon na sintong. Jadi titah ai berguna laho membangun relasi na dear hubani Naibata pakon hasoman jolma do. Anjaha domu hubani tujuan on ma kehadiran ni Tuhan Jesus sebagai Kristus. Artini: Kehadiran ni Tuhan Jesus aima bukti holong-Ni paluahkon jolma pardosa janah sipambalosi do homa Ia bani Naibata Bapa ronsi na matei. Sonin ma talup jolma marsihaholongan janah sipambalosi hubani hata ni Naibata halani domma parlobei Tuhan Jesus mangkaholongi sidea. Halani aima ase isobut bahwa Tuhan Jesus do hagogokni titah in.
6. Refleksi
a. Porlu totap ievalusi hita parugamaonta ase ulang pitah mambotoh titah pakon hata ni Naibata hape goluhta gatinan ope manlembang humbani Hata ai, atau pingkiranta hansa na mambobai hita.
b. Marhitei Jesus domma ipadamei hita pakon Naibata. Halani domma parlobei Ia mangkaholongi hita, pataridahkon hita ma homa holongta dompak Naibata marhitei na sirsir mardalan bani hata-Ni janah sirsir homa mangkaholongi hasomanta jolma. On do parugamaon na sintong.
c. Haleluya 350 : 1 – 3
MARTUAH MA HALAK PARPINTOR (Sibasaon 29 Oktober 2017, Psalmen 1 : 1 – 6)
MARTUAH MA HALAK PARPINTOR
Sibasaon 29 Oktober 2017
Baca Teks : Psalmen 1 : 1 – 6
1. Ambilan on aima hasaksian ni par-psalmen pasal panandaionni bani Naibata. Hasaksian on lang sekedar ungkapan kata tapi kesaksian atau ungkapan iman. Marhitei pengalaman hidup, ibotoh ma bahwa Naibata marosuh do hubani halak parpintor tapi ihagigihon do parjahat. Halani ai tubuh do prinsip bani par-psalmen bahwa jolma na martuah sedo manurut ukuran na gati iarusi jolma (habayakon, hagabeion, hasangapon) tapi sidea na lang ra mangihutkon riah ni parjahat do (ay.1). Halani ai do hatuahon, maka prioritas utama bani goluhni par-psalmen aima mardalan bani hapintoron ampa hata ni Naibata do. Malasan do uhurni mardalan bani hata ni Naibata marimbang atap aha pe na adong i dunia on. Ukuran na sintong bani lang be dirini atau pingkiranni, lang be rosuh ni dunia on tapi domma hata ni Naibata (ay.2). Halani ai lang mabiar ia age ihagigihon parjahat bahkan menanggung segala resiko halani mardalan ia bani hata ni Naibata. Prinsip na sonon tubuh halani ihaporsayai bahwa saguru bani Naibata do haganup goluh ni jolma janah ihaporsayai bahwa Naibata do na manramotkon goluh ni parpintor tapi iimbang Naibata do anggo halak parjahat (ay.3-4).
2. Ipausih do halak parpintor songon hayu na sinuan i topi ni bah mardalan. Pori pe aha na masa bahkan terjadi musim kemarau / kering, tapi totap do ratah bulungni bahkan boi marbuah bani musimni. Sonin ma parpintor in totap margogoh janah boi marmalas ni uhur bani ganup perobahan atau na masa halani Naibata do na manjaga ampa paluahkon sidea. Sebalikni parjahat ipausih do hubani lapa-lapa na hinabangkon ni logou. Maksuni: lang berdaya, urah habang atau maseda, lang margogoh paluahkon dirini ; Usih songon logou na lang taridah tapi boi pahabangkon lapa-lapa, sonin ma parjahat gati songgotan halani ibagas na lang panagaman ni sidea hape domma roh logou pangagou parsedahon goluh ni sidea. Hatahonon, sisoya-soya do rupei ni halak parjahat tapi malas ni uhur do anggo ulih ni parpintor. Domu hujin ma par-psalmen mambahen keputusan bani goluhni, anggo ia totap do mamilih dalan ni Naibata. Bahkan ia totap do mamingkir-mingkiri hata atau titah ai arian pakon borngin (ay.2b). Tujuanni ase ulang terlena ia gabe manundalhon Naibata pangkorhon ni na masa atau pengaruh dunia na sihol parsedahon goluhni. Hata ni Naibata bani parpsalmen aima pengendali hidup ase boi terluput humbani ganup logou ni dunia na sihol parsedahon goluhni. Sadar do ia bani keterbatasanni, halani ai gabe ihaporluhon do tongtong mambohali dirini bani hata ni Naibata ase jumpahsi gogoh.
3. Selanjutni isobut: parjahat seng tahan i lobei ni paruhuman ni Naibata tapi itanda Jahowa do dalan ni halak parpintor (ay.5-6). Sihol mangkatahon bahwa haganup jolma (parpintor age parjahat) ningon do mampartanggung-jawabkon horjani bei i lobei ni Naibata. Pori pe idahon songon na mardohar goluh ni parjahat tapi sasintongni domma manuju hu hamagouan sidea, sebalikni pori pe idahon songon na loja bahkan maruntol parpintor tapi sasintongni domma parrupei sidea bani idop ni uhur ni Naibata. Pangarapan na sonin ma mambahen mampu parpintor in marhasabaron bahkan marmalas ni uhur pori pe sipata ihagigihon dunia on sidea halani horja hapintoron ai. halani ai ukuran na madear atau malas ni uhur bani lang be sekedar perkara-perkara dunia tapi anggo mardalan ia bani hata ni Naibata do. Na lang do haganup na i dunia on anggo sirang do goluhni humbani hata ni Naibata
4. Refleksi
a. Totap do iperhadapkon goluhta hubani dua pilihan aima rosuh ni dunia atau rosuh ni Naibata. Anggo lang pakkei, boi do seolah-olah idahon rosuh ni dunia on lebih menarik daripada rosuh ni Naibata. Sonin ma sibolis selalu memperdaya hita ase ipilih hita rosuh ni dunia on. Halani ai mutlak ibangun hita kematangan rohani ase pilihanta totap mardalan bani hata ni Naibata.
b. Anggo i dunia on buei do ukuran ni na martuah, tapi banta selaku na porsaya, hatuahon, malas ni uhur ampa hauntungan aima anggo manggoluh janah mardalan hita ibagas hapintoron na domu bani hata ni Naibata do.
c. Domu hujin ukuran ni na sintong lang be aha nini dunia on, aha nini lingkungan atau aha na sosok bani pingkiranta tumang tapi aha na sadalan bani hata ni Naibata ma. Anggo on prinsipta, pasti malas do uhurta pori pe ihagigihon dunia on hita halani mangkorjahon hapintoron.
d. Haleluya No. 459 : 1,4
DODINGKON MA GORAN NI NAIBATA ! (Ambilan 22 Oktober 2015, Psalmen 96 : 1 – 9)
DODINGKON MA GORAN NI NAIBATA !
Ambilan 22 Oktober 2015
Baca : Psalmen 96 : 1 – 9
1. Ambilan on aima hasaksian ni par-psalmen pasal habanggalon ni Naibata. Ia aima Naibata na paluahkon bangsa-Ni. Bani proses haluahon ai terbukti bahwa gok Bani do sagala kuasa janah sagala bangsa tunduk i lobei-Ni. Talar atau nyata do kuasa-Ni ai ididah bangsa sipajuh begu-begu sanggah paluahkon bangsa-Ni. Ipatunduk do halak Masir, bangsa-bangsa na jumpah sidea i pardalanan sonai age halak Kanaan. Ia do homa na pasirsirhon bohal sadokah bangsa ai i pardalanan sonai age na mangondoskon tanoh ni halak Kanan bani sidea. Ganup peristiwa ai melahirkan sada doktrin bani bangsa ai bahwa pitah Naibata do na talup sipujion ampa sisombahon, lang adong naibata na legan. Haganup proses ai dihut membangun haporsayaon bani Naibata, membangun rohani ni sidea.
2. Pengalaman haluahon na sonin ma mendorong bangsa ai manaksihon kuasa ampa habanggalon ni Naibata bani ganup bangsa sipajuh begu-begu. Tujuanni ase sidea pe dihut marhabiaran bani Naibata (ay.1-3). Na lang do sagala naibata-naibata na isombah sipajuh begu-begu. Naibata do sitompa ganup na i tanoh on tapi anggo naibata-naibata na isombah halak sipajuh begu-begu na binahen ni jolma do in, halani ai lang memiliki kuasa laho paluahkon (ay.4-5).
3. Domu hujin ipatugah do sikap na talup roh hu lobei ni Naibata aima :
a. ‘Dodingkon nasiam ma Jahowa’ (ay.1). Mandodingkon mararti mamuji, beribadah pasangapkon goran-Ni. Ibadah ai lang homa idalankon pitah bani panorang tertentu tapi bani ganup ari. Artini, pargoluhan ari-ari pe ningon gabe ibadah laho mamuji Naibata. Goluh ari-ari gabe doding bani Naibata, gabe puji-pujian bani Naibata. Marhitei goluh ari-ari goran ni Naibata ningon lambin sangap. Bahkan isobut doding na bayu, artini: setiap hari nyata do panramotion ni Naibata halani tiap ari do homa baru/bayu pamujion ai. Bd. Ketika memiliki sesuatu na baru pasti adong suasana malas ni uhur, sonin ma bangsa ai selalu bersemangat mandoding mamuji Naibata.
b. Bere nasiam ma bani Jahowa hamuliaon marhitei galangan (ay.8). Mamboan galangan sedo halani na marhahurangan Naibata halani Ia do Simada haganup. Mamboan galangan mararti roh hu lobei ni Naibata mangakuhon bahwa ganup na adong bani jolma in pitah halani sibere-bere ni Naibata do. Halani ai tubuh do pengakuan bahwa lang boi roh hu lobei-Ni dengan hampa tangan (2 Musa 23:15 ; 5 Musa 16:16). Manggalang ningon memiliki dua unsur na lang boi ipisahkon aima: pengakuan (roh humbani uhur na borsih/porsaya bahwa goluh ampa ganup na adong bani sidea marharohan humbani Naibata) janah mamboan buah ni horja na dob ipasu-pasu Naibata. Artini, manggalangkon hadirion ampa buah ni horja.
c. Roh ma hu lobei ni Naibata ibagas hitir (ay.9). Ibagas hitir mararti roh ibagas panandaion diri bahwa sasintongni lang talup jolma na galek roh hu lobei ni Naibata halani hasangapon-Ni. Artini, roh ibagas toruh ni uhur janah mangaku bahwa Naibata do na patalupkon sidea ase boi roh hu lobei-Ni. Halani ai roh hu lobei ni Naibata lang boi ibagas hampung ni uhur tapi ningon sintong-sintong mamparsiapkon: hauhuron ampa hadirion. Sekaligus patugahkon bahwa roh hu lobei ni Naibata mararti bersikap sirsir manangihon ronsi mandalankon hata ampa parentah-Ni manjalo pangajarion tanpa adong unsur untuk mengkritisi dan mengkomentari usih songon sahalak juak-juak bani tuanni.
4. Refleksi
a. Sirsir mamilangi sibere-bere ampa haluahon na humbani Naibata (ari-ari ni goluh, haporluan ari-ari, pnl.) merupakan dorongan lambin mananda holong ni Naibata gabe tubuh uhur na martarimakasih mamuji / mandodingkon Naibata. Ulang pitah penikmat tapi sirsir ma homa mamuji Naibata.
b. Ulang iparnaibata hita dirinta ampa na adong i dunia on, pitah Naibata do sipujion. Ulang ma homa pitah hata mamuji Naibata hape uhur ampa pangabakta justru menyakiti hati Tuhan.
c. Halani pitah Naibata do sumber ni haluahon ampa pasu-pasu, marhasoman gobir atau biar ma hita i lobei-Ni marhitei na sirsir mardalan bani hata ampa rosuh-Ni. Ulaang biaran janah balosan bani jolma marimbang bani Naibata.
d. Saksihon hita ma homa habanggalon ni Naibata bani dunia on marhitei hata ampa parlahounta.
e. Haleluya No. 408 : 1 – 2
MENJADI KRISTEN YANG MEMILIKI IMAN TANGGUH (Sibasaon 22 Oktober 2017, 1 Tesalonika 1 : 1 – 10)
MENJADI KRISTEN YANG MEMILIKI IMAN TANGGUH
Sibasaon 22 Oktober 2017
Baca : 1 Tesalonika 1 : 1 – 10
1. Ambilan on aima ungkapan malas ni uhur ni Paulus mangidah pertumbuhan iman ni kuria Tesalonika (ay.1-4). Pori pe lang dokah Paulus padaskon Ambilan Na Madear i Tesalonika halani adong hasutan humbani tokoh agama Jahudi, ternyata hata ni Naibata na ipadas Paulus bani sidea bertumbuh subur. I tongah-tongah ni na buei hambatan ampa sitaronon humbani halak Jahudi, ternyata haporsayaon ni kuria ai lang dihut terhambat. Haporsayaon ni kuria ai ternyata teruji halani mampu bertahan janah bertumbuh pori pe buei hambatan. Haporsayaon ni sidea mampu bertumbuh subur i tongah-tongah ni na buei hambatan. Paulus menegashon bahwa hal na sonin boi terjadi halani Tonduy ni Naibata do na marhorja patoguhkon haporsayaon ni sidea (ay.5). Tonduy ai memampuhon kuria ai boi marmalas ni uhur mangkagoluhkon hata ni Naibata pori pe buei paruntolon. Marhitei kuasa ni Tonduy, kuria Tesalonika mampu berteologi bani situasi aman ampa tidak aman. Pertumbuhan iman ni sidea lang bergantung bani situasi tapi bani kuasa pangurupion ni Tonduy ai do.
2. Kesetiaan ni kuria Tesalonika bertahan janah bertumbuh ibagas haporsayaon pori pe buei hambatan, ternyata ai gabe hasaksian na luar biasa na dihut berdampak membangun haporsayaon ni kuria age bani ianan na legan (ay.7-9). Itandaskon Paulus, kuria Tesalonika domma gabe sipaniru bani apostel ampa bani Tuhan (ay.6). Maksudni, usih hubani pengalaman ni para apostel ampa Tuhan Jesus na lang ongga mundur bani horja pangidangion halani sitaronon, sonai ma kuria ai memiliki iman na tangguh. Bahkan sitaronon halani haporsayaon lang be iidah ai sebagai sesuatu kekalutan atau keluhan tapi domma iidah sebagai sebuah kemenangan. Halani ai gabe siusihon do homa keteguhan iman ni kuria ai age bani kuria na legan. Kuria na legan pe dihut terbangun ibagas haporsayaon marhitei kuria na i Tesalonika. Domu hubani na dob imiliki kuria ai level iman na sonin, Paulus sangat martarimakasih mamuji Naibata halani isadari bahwa haganupan ai terjadi sedo halani gogohni sebagai apostel tapi halani Tonduy ni Naibata do na marhorja bani kuria ai. Ia lang ra pabanggal dirini bani buah ni horja parambilanonni tapi haganupan ai laho pabanggal goran ni Naibata do.
3. Selanjutni ipatugah Paulus pangarapan ni halak na porsaya ibagas tujuan ase totap toguh haporsayaon ni kuria ai (ay.10). Hapongkuton bani horja haporsayaon pori pe buei hambatan ternyata sedo horja sisoya-soya tapi sebalikni hatuahon do ai. Mase? Halani bani parroh ni Tuhan Jesus padua halihon talar ma ijai upah sijaloon ni halak na porsaya, lang be ringis ni Naibata tapi malas ni uhur ampa hagoluhan do. Bani panorang ai talar ma bahwa malas ni uhur do rupei ni halak na pongkut mangirikkon ampa mambalosi Tuhan tapi ringis do sijaloon ni halak na lang sirsir porsaya. Anggo i dunia on gati ianggap halak na pongkut marhaporsayaon sebagai horja haotoon, tapi bani panorang ai talar ma justru halak na lang ra porsaya in do hape halak na oto.
4. Refleksi
a. Pori pe ganup manangar hata ni Naibata, boi do lang haganup porsaya. Atau, lang otomatis anggo domma halak Kristen domma gabe halak na porsaya. Haporsayaon bertumbuh anggo sirsir mambere uhur bani kuasa pangajarion ni Tonduy. Tonduy ai do na patubuhkon pangarusion ampa mambere gogoh banta gabe boi porsaya ampa mamparbuahkon haporsayaon ai. Tanpa kuasa ni Tonduy haotoon do bani jolma in horja na madear na sadalan bani Ambilan Na Madear. Tontu gabe evaluasi do on banta apakah hita domma sintong mambuka uhurta bani Tonduy ai.
b. Iman yang tangguh dan bertumbuh lang bergantung bani situasi na dear atau lang, tapi bani ganup situasi ampa keadaan do marbuah haporsayaonni. Iman yang tangguh berciri: mamparbuahkon horja haporsayaon domma ianggap gabe prioritas hidup ampa horja malas ni uhur.
c. Goluh ni halak na porsaya ningon gabe spirit pendorong na marguna homa laho membangun haporsayaon ni halak na legan. Sidea tarbarita halani horja na madear (buah ni haporsayaon) do sedo sebalikni. Goluh ni sidea lang gabe sandungan tapi gabe teladan bani na madear do.
d. Amenhon hita ma bahwa lang sisoya-soya goluhta na porsaya. Setia ma torus ibagas haporsayaon das bani ujungni.
e. Haleluya No. 381 : 1, 3
MARMALAS NI UHUR MA HITA IBAGAS TUHAN IN (Ambilan 15 Oktober 2017 Pilipi 4 : 1 – 9)
MARMALAS NI UHUR MA HITA IBAGAS TUHAN IN
Ambilan 15 Oktober 2017
Baca Teks : Pilipi 4 : 1 – 9
1. Ambilan on aima sipaingat pangujungi ni Paulus hu kuria Pilipi janah merupakan kesimpulan ni podah na ipadas sebelumni. Intini ase kuria ai totap manggoluh ibagas Tuhan in (ay.1). Manggoluh ibagas Tuhan mararti haganup pargoluhan age parsaoran ni sidea ningon totap ma maronjolan bani hata ni Tuhan na dob ijalo sidea. Hata ai ningon tubuh ibagas uhur ni kuria ase terbentuk pola pikir ampa karakter sebagai halak na porsaya. Hal on porlu halani sai na adong do tong na mempengaruhi (baik hun luar age hun tongah-tongah ni sidea) na boi mengganggu haporsayaon bani Tuhan in. Untuk manlawan ai ningon toguh ijolom hata ni Tuhan na dob ijalo sidea.
2. Bani ambilan on taaridah do homa kedekatan hubungan ni Paulus hubani kuria ai marhitei na manobut sidea saninani ibagas Kristus janah manobut piga-piga goran hasomanni sahorja. Hubani si Oiodia ampa Sintike (aima naboru na dihut marugas bani kuria ai rap pakon si Klemens) ipangindo do ase marsada ni uhur (ay.2). Perbedaan karunia, penampilan, kecakapan ampa talenta ningon ipasada marhitei Tonduy na sarupa aima Tonduy Na Pansing. Ipangindo do homa hubani si Sunsogos ase hadir sebagai penasehat na boi manongahi anggo adong parsalisihan antara sidea. Paulus mangidah bahwa hasadaon sebagai sesama pelayan merupakan energi na kuat laho mambangun haporsayaon ni kuria. Halani ai sidea ningon memiliki sifat na sirsir marsiurupan bani na borat janah saling paingatkon ibagas holong na humbani Tuhan. Orientasi ni pelayan sedo kehormatan dunia tapi sidea marmalas ni uhur halani na dob tarsurat do goran ni sidea bani buku hagoluhan (ay.3). Halani ai ulang adong na pagijang-gijang diri tapi ningon memiliki sifat kerendahan hati.
3. Lebih lanjut ipaingat do kuria ai ase tongtong marmalas ni uhur ibagas Tuhan (ay.4). Marmalas ni uhur lang pitah bani waktu atau situasi tertentu tapi terus menerus, bani ganup keadaan, age sanggah ibagas sitaronon. Malas ni uhur ai lang itontuhon keadaan tapi halani uhur na dob porsaya bani Tuhan Jesus do. Malas ni uhur ai dihut tercermin age marhitei parsaoran na selalu iwarnai biak na basar, daoh humbani marah. Artini, bani perbedaan na adong ningon mamakei pendekatan ‘basar’ (tulus dan lemah lembut) ase ulang gabe tubuh parsalisihan. Bahkan pori pe ijalohon sasada halak perlakuan na lang adil, ningon iondoskon do ai hubani Tuhan sibotoh haganup (‘dohor do Tuhan in’/ay.5), halani Tuhan in do na manramotkon haganup kuria-Ni. Iojur do homa kuria ai ase ulang gok pingkiran ni sidea hubani masalah na sihol mengganggu tapi anggo adong masalah atau pergumulan iondoskon ma haganupan ai hubani Tuhan ibagas tonggo (ay.6). Haganupan in bertujuan ase taridah goluh atau biak na melekat bani kuria ai aima: totaap marmalas ni uhur, totap martonggo ampa totap martarimakasih. Anggo domma imiliki sidea biak na sonin lambin daoh ma haganup hal-hal na boi mangganggu haporsayaon (parsalisihan, kuatir, pnl). Hatahonon, kunci ase boi totap marmalas ni uhur aima anggo goluh ni sidea selalu berpusat hubani Tuhan, na mambahen hata ni Tuhan gabe onjolan ni uhur ampa goluh.
4. Sadalan hujin ipaingat do homa kuria ai ase mangkagoluhkon ambilan na madear na dob ijalo sidea. Tujuanni ase tubuh i tongah-tongah ni sidea biak na mamparuhurhon sagala na sintong, na hormat, na pintor, na borsih, na jenges, na dear bogeion atap biak na madear atap na patut sipujion (ay.8). Marhitei na sonin ma sidea manaksihon holong ni Tuhan hubani ganup jolma. Hata ni Tuhan ai ningon terpancar humbani cara hidup age parsaoran ni sidea na jenges. Sifat on lang boi mubah atau kendor pori pe adong na mambahen na jahat hubani sidea. Rumus komunikasi on maningon totap ipataridahkon hubani haganup jolma. Hal on boi idalankon halani sidea domma mandasarhon uhur ampa goluhni hubani holong ni Tuhan. Tuhan do na mangondoskon biak-biak na madear ai hubani sidea. Halani ai lang boi mubah biak ai halani dunia on. Bahkan Paulus sandiri mambahen dirini gabe figur sitiruon ni kuria ai pasal sikap hidup na dear. Ijon Paulus lang pitah paingaatkon kuria ai ibagas hata tapi dihut do marhitei keteladanan. Songon Paulus na totap toguh ibagas haporsayaon hubani Tuhan bahkan marmalas ni uhur pori pe buei sitarononni (bahkan surat ni on pe isuratkon sanggah i penjara do ia), sonai ma ipangindo hubani kuria ai ase sidea pe boi totap marmalas ni uhur ibagas Tuhan in bani ganup keadaan.
5. Refleksi
a. Malas ni uhur boi ialami janah inikmati hita anggo toguh hita bani haporsayaonta bahwa domma tarsurat goranta i nagori atas.
b. Marsada ni uhur, sirsir marsiurupan janah marsipaingatan ibagas holong merupakan identitas hidup ni halak na dob porsaya.
c. Marhitei hata ampa keteladanan ni goluhta do homa hita iutus laho manaksihon haporsayaonta bani dunia on.
d. Haleluya No. 348 : 1 – 3
HALUAHON DO RANGGIAN NI NAIBATA BANTA (Sibasaon 15 Oktober 2017, Jesaya 25 : 1 – 9)
HALUAHON DO RANGGIAN NI NAIBATA BANTA
Sibasaon 15 Oktober 2017
Baca Teks : Jesaya 25 : 1 – 9
1. Ambilan on aima hasaksian pasal kuasa habanggalon ni Naibata. Naibata memiliki otoritas bani ganup dunia on. Aha na dob iranggihon Naibata pasti do saud halani gok Bani do sagala kuasa. Gok halongangan do kuasa-Ni janah ganup pambahena-Ni ibagas hasintongan do (ay.1). Halani ai lang adong jolma na boi terluput humbani panonggor ni Naibata janah haganup ningon do mampartanggung-jawabkon horjani bei i lobei-Ni. Ia do Panguhum na sintong janah ganup bangsa na mangenjeng ampa na mangkorjahon hajahaton pasti do hona uhum. Bahkan bani ay.2 ipatugah do bahwa kuasa ampa habanggalon ni bangsa na i dunia on ningon do mareong. Halani ai haganup jolma na gogoh pe maningon do tunduk janah mangkabiari Naibata (ay.3).
2. Ipatugah do homa bahwa Naibata do na mansarihon halak na madoyuk, aima sidea na gabe korban pangodoh-odohon ni parjahat na mangenjengkon kuasa ampa gogohni sandiri. Pori pe parjahat in idahon songon na sangap tapi sasintongni doskon milas nirungkub ni hombun do olob-olob ni sidea ipasip Naibata (ay.5). Maksudni, ketika parjahat in marmalas ni uhur halani hajahatonni, tapi sasintongni domma manuju paruhuman ni Naibata sidea ai, janah olob-olob ni sidea ai igantih gabe hasedaon ampa hamarsikon. Ketika dunia bangga ibagas horja hajahaton, ambilan on menegashon horja haotoon do ai. Domu hubani panandaion na sonin ma Jesaya menegashon bahwa pitah Naibata do na talup sipujion ampa sipasangapon (ay.1). Halak na oto do jolma na biaran hubani jolma dari pada hubani Naibata.
3. Kuasa halongangan ni Naibata ternyata dihut do mansarihon goluh ni ganup bangsa na i tanoh on. Ia lang pitah Siparkuasa janah na sari hubani halak Israel tapi isarihon do ganup bangsa marhitei na mandilo sidea bani pesta banggal na ipasirsir Naibata i atas dolog (ay.6). Pesta banggal aima pesta malas ni uhur na igoki marhitei hidangan na mantin. On martuduh-tuduh hubani kehadiran ni Mesias aima Sipaluah hubani ganup bangsa. Ijon talar ma bahwa hasintongan ampa habujuron do tongon horja ni Naibata (ay.1b). Mase? Halani sintong do ipadalan uhum bani pardosa, tapi parbujur (setia janah parholong) do homa Ia halani uhuman na aturan mangonai bani jolma in domma iambil-alih oleh Tuhan Jesus. Naibata patalarhon kesetiaan ampa holong-Ni melalui terobosan paluahkon ganup bangsa marhitei na iberehon Anak-Ni manggantihkon uhuman na sahira mangonai bani jolma. On ma hadiah atau hidangan na paling sempurna na ipasirsir Naibata hubani ganup bangsa.
4. Naibata ibagas rancangan holong-Ni sirsir manopot jolma ase Ia na mampargogohi sidea sadokah manggoluh i dunia on. Ia do homa pasirsirhon pesta malas ni uhur na sempurna aima goluh na sadokah ni dokahni. Nini: ‘boiskonon-Ni do hamateian ronsi sadokah ni dokahni, anjaha apusan ni Tuhan Jahowa do iluh humbani sagala bohi’ (ay.8). Malas ni uhur na sonin lang adong jumpah age humbani ise pe sobali humbani Naibata. Pitah Ia do na markuasa manaluhon hamateian janah manggantihkon ai gabe hagoluhan na gok ibagas hasangapon. Marhitei parpuhoon ni Tuhan Jesus humbani na matei tarbukti domma italuhon sagala kuasa na i dunia on janah domma ondos Bani sagala kuasa i nagori atas ampa i tanoh on (Mat. 28:18). Pangajaran na jumpah ijon aima: malas ni uhur na sintong lang roh humbani dunia on tapi humbani Naibata do. Jolma na sangap janah na bijaksana aima anggo lang tarolat ia manjalo Naibata halani na i dunia on. Jolma na sirsir manjalo janah porsaya hu-Bani mararti domma manjalo jaminan haluahon ampa hagoluhan. Habadoron do ulih ni halak na pitah mamparayak na i dunia on tapi terlupa ia hubani Naibata. Domu hujin, malas ni uhur tang sibanggalan lang be halani kenikmatan dunia tapi halani domma ihaporsayai pansarihonon ampa haluahon na dob ipasirsir Naibata do. On ma mambaen bangsa ni Naibata totap marmalas ni uhur janah setia pasangapkon Naibata. Pori pe idagei hamaholon bahkan hamateian sahali pe, tenger do uhurni tuk janah lobih do kuasa ni Naibata mambere gogoh ampa paluahkon sidea.
5. Isaksihon do homa bahwa bani ari ai hatahonon ni halak ma ‘Tonggor ma, on do Naibatanta, na niarapkonta laho mangurupi hita’ (ay.9). Maksudni, hata ampa ranggian ni Naibata lang teori kemungkinan tapi sada kepastian na maningon saud. Lang adong na boi mangolati ranggian-Ni ai laho paluahkon jolma in. Halani ai sangat dipastikan lang tarbador na martenger ni uhur janah na marpangarapan hu-Bani. Bani panorangni akan nyata janah terbukti bahwa Naibata do Panguhum bani sab tanoh on janah martuah ma jolma na setia janah porsaya bani hata-Ni.
6. Refleksi
a. Hita nuan manggoluh ope i dunia on tapi domma ibagas ranggian ni Naibata goluhta. Ranggian ni Naibata aima hadearon ampa haluahon. Halani ai hatengerhon hita ma Ia bani ganup na masa. On ma homa na pamalas uhurta pori pe idompakkon hita ope buei hamaholon bani goluh i dunia on.
b. Lang sihabiaranta pori pe aha na masa bahkan hamateian sahali pe halani domma gok bani pansarihonon ni Naibata hita. Domma sirsir ibahen Naibata ‘pesta malas ni uhur’ banta na porsaya.
c. Haleluya No. 134 : 1 – 3
GOLUH NA MARBUAHKON HORJA NA MADEAR (Ambilan 8 Oktober 2017, Jesaya 5 : 1 – 7)
GOLUH NA MARBUAHKON HORJA NA MADEAR
Ambilan 8 Oktober 2017, Jesaya 5 : 1 – 7
Baca Teks : Jesaya 5 : 1 – 7
1. Ipausih do hubungan ni Naibata pakon bangsa-Ni songon simada pohon anggur pakon pohon anggur. Simada pohon domma manangkuli, mammuliti batu janah manuan anggur na dear bani tanoh bahkan ipajongjong do manara parjaga ase ulang hona ganggu pohon ai. Ihorjahon do ganupan ai ibagas pangarapan ase marbuah na madear pohon anggur ai. Sonin ma Naibata manramotkon bangsa ai marhitei na paluahkon sidea janah mambere tanoh Kanaan gabe ianan ni sidea. Domma marsonang-sonang sidea ibahen Naibata i tanoh Kanaan. Tapi usih hubani pohon anggur na talup ma namin mambere buah na madear hape simarbuah-buah do jumpah ; Sonin ma bangsa ai lang marbuahkon na madear atap hasintongan tapi rosuhan do sidea mangkorjahon hajahaton ampa dosa, urah do sidea lupa bani hata ni Naibata janah tanginan use bani sora ni sibolis pakon dunia on (1:4).
2. Ujungni ipaturut ma halong pohon anggur ai anjaha idokdok hondorni ase hona lotlotan. Sonin ma Naibata paturutkon bangsa ai halani hajahaton ni sidea, anggo torus lang iparbuahkon sidea na madear. Marhitei ai tubuh ma duri-duri (hasedaon) janah lotlotan (ihubu/ijajah) bangsa na legan ma sidea. Hatahonon, anggo terjadi hasedaon bani bangsa ai sedo halani na lang holong uhur ni Naibata bani sidea tapi halani na itundalhon sidea do sumber ni holong ai, aima Naibata. Lupa sidea bahwa marbuahkon atau mangkagoluhkon hata ni Naibata do sasintongni mambahen boi terjamin janah terjaga sidea humbani ancaman ni musuh. Keamanan ampa malas ni uhur lang tarpisahkon humbani kesetiaan mandalankon hata ni Naibata. Mangkagoluhkon hata ni Naibata sedo laho mamborati goluh ni sidea tapi sebalikni hauntungan do ai. Lang boi pitah sihol ijaga, ipasu-pasu tapi goluh ni sidea justru menyakiti uhur ni simada sidea aima Naibata.
3. Pangindoan ni simada pohon anggur (Naibata) ase iparbuahkon bangsa ai buah na madear sasintongni sedo hal na berlebihan halani domma parlobei Ia manramotkon ampa pasirsirhon ianan bani bangsa ai. Hatahonon, anggo isuruh Naibata pe sidea mamparbuahkon horja na madear sedo mararti Naibata menuntut sesuatu humbani na adong bani bangsa ai tapi halani holong-Ni do ai bani sidea, Naibata sihol totap manramotkon sidea asal ma totap manggoluh ibagas rosuh / hata-Ni. Halani ai sewajarni do ibagas ringgas janah porlu ni uhur sidea marbuahkon horja na madear halani marhitei na sonai do boi terjamin age masa depan ni sidea. Hata na legan, Naibata lang ongga lepak bani ganup pambahenan-Ni tapi sebalikni bangsa ai do na gati gagal mar-Naibata, lang mananda diri i lobei ni Naibata, janah sikap na sonon do mambahen ipaturut atau itadingkon Naibata sidea. Hatahonon, ketidaksetiaan bani Naibata do mambahen hasedaon sedo halani na lang sari Naibata bani sidea.
4. Refleksi
a. Status sebagai bangsa ni Naibata ternyata lang boi gabe jaminan maluah ; status sebagai halak Kristen lang otomatis gabe maluah. Na mangkagoluhkon hakristenonni atau na marbuahkon horja na madear do mambahen boi terjaga haluahon ai. Na gabe sungkun-sungkun, buah na sonaha do na gati jumpah bani hakristenonta? Domma buah na madear? Anggo legan goran humbani isi, barang palsu do ai, hakristenon sipakulah-kulah do ai. Lang iharosuhkon Naibata halak sisonai, janah hasedaon do ulih ni sidea.
b. Naibata do na parlobei mangkorjahon na madear ampa paluahkon hita. Halani ai mamparbuahkon horja na madear ningon gabe syukur janah horja malas ni uhur do banta. On ma mambahen lang tarolat hita mamparbuahkon horja na madear halani dunia on atau halani halak na legan halani horjanta na madear ai ihorjahon hita sedo halani dunia on tapi halani holongta bani Naibata do.
c. Hajahaton pakon dosa do manirang hita pakon Naibata. Tapi domma ipaluah hita humbani dosa ai marhitei Tuhan Jesus gabe terjalin use hubunganta na dear pakon-Si ; Janah domma homa ibere banta gogoh laho manaluhon dosa marhitei kuasa ampa pangajarion ni Tonduy Na Pansing ase boi hita marbuahkon horja na madear. Halani ai lang adong alasan banta gabe mulak use irajai dosa, gabe lang marbuah. Jolma na dob irajai Tonduy pasti do taridah biak ni Tonduy marhitei goluh ampa horjani. Jolma na totap irajai dosa janah rosuh mangkorjahon na masambor sarupa do ai hubani na manulak haluahon na humbani Naibata.
d. Jaga janah pakkei ma hita bahasa pansarihonon ni Naibata banta menyatu do hubani hasirsironta mangauhon ampa mangkagoluhkon hata-Ni. Ulang ma pitah uhur sihol dear janah maluah hape goluhta lalap daoh humbani Naibata.
e. Haleluya No. 115 : 1 – 3
