Pdt. Jeddy Saragih, MTh

Pdt. Jeddy Saragih, MTh

Pdt. Jeddy Saragih, MTh.

Ambilan 24 Nopember 2019

Habakuk 3 : 1 – 6 

HABIARI MA JAHOWA !

1. Ambilan on aima tonggo ni nabi Habakuk. Bani tonggoni, itanda Habakuk do Jahowa sebagai na sangap janah siparkuasa bani haganup na i atas tanoh on. Parholong do Ia tapi parringis do homa. Jahowa do na paluahkon bangsa Israel ibagas holong, sebalikni  sipanringis do Ia hubani halak Masir na mangodoh-odoh bangsa-Ni. Anggo manringis Naibata lang adong na tahan i lobei-Ni, sebalikni lang adong na boi mangolati horja-Ni paluahkon bangsa-Ni. Iakuhon Habakuk bahwa Naibata do na berotoritas bani sab tanoh on. Halani hajombuton-Ni nini bani ay.5 ‘mardalan do sampar i lobei-Ni, anjaha irik do ipudi-Ni bunrung’ (Ind. sakit sampar dan demam). Na dua naborit on sangat ihabiari do panorang ai. Sonin ma sitaronon mangonai bani jolma na lang marhabiaran hu-Bani. Bahkan isobut, anggo jongjong Ia dugur ma tanoh on, anggo mangkawah Ia mangkalumpat bangsa halani hirjatni, masarsar ma dolog-dolog anjaha marongrong buntu-buntu (ay.6). On sihol patugahkon gok bani kuasa-Ni do tanoh on, lang adong na mampu bertahan i lobei-Ni. Domu hujin ma iojur ase marhabiaran janah marondos jolma in pitah hu-Bani. Pitah marondos hubani Jahowa do hansa dalan ase boi maluah sedo bani na adong i tanoh on.

HUJA DO HAM DOB MATEI HAM ?

Sibasaon 24 Nopember 2019

Mateus 13 : 47 – 50 

1. Ambilan on aima pangajaran ni Tuhan Jesus pasal harajaon nagori atas na ipadas marhitei limbaga. Usih hubani sipanjala na manampakkon jalani hu laut, dob gok ikan, itarik ma jala ai hu darat janah dekke na madear inahkon hu bagas raga tapi na so madear iambukkon. Jala manggambarhon hata ni Naibata na ipadas bani jolma. Ise na manjalo janah mangkagoluhkon Hata ai jumpahan haluahon, tapi na manulak gabe hona uhum. Sonai ma masa bani ajal ni dunia on, laho do malekat manirang parjahat humbani parpintor. Ambilan on martudu-tudu hubani panorang paruhuman bani parroh ni Tuhan Jesus padua-halihon hu dunia on. 

BAYAK BANI HOLONG AMPA HORJA NI TUHAN

Ambilan 17 November 2019

Pilipi 4 : 10 – 20 

 

1. Itarimaksihkon Paulus do sibere-bere ni kuria Pilipi na dihut mangurupisi bani horja parambilanon. Na tang ihamalaskon Paulus aima halani marbuah do Ambilan Namadear na ijalo kuria ai marhitei na sirsir mangurupi horja parambilanon. Ambilan Namadear patubuhkon uhur holong janah sirsir sipardihut manumpaki horja parambilanon. Memang secara waktu poso ope kuria ai tapi anggo bani buah domma lambin matoras. Ipataridahkon sidea do tanggungjawabni sebagai kuria na lang pitah sirsir iidangi tapi kuria na sirsir homa menunaikan tugas ampa tanggungjawabni do. Sifat marsibere-bere idalankon sidea sedo halani marlobih-lobih atau bayak sidea bani arta tapi halani domma bayak bani haporsayaon. Haporsayaon do na menggerakkon sirsir manumpaki horja parambilanon domu hubani na tarbahen sidea. Kuria Pilipi domma manggoluh ibagas haporsayaon ampa pambahenan. Sobuton ma, marhitei horja atap pambahenan do taridah haporsayaon na manggoluh.

BAYAK BANI HOLONG NI UHUR

Sibasaon 17 Nopember 2019

5 Musa 24 : 19 – 22 

1. Mardingat sejarah masa lalu marguna tumang laho menyadarhon hita pasal idop ni uhur ampa haluahon na dob ijalo hita humbani Naibata. Kesadaran na sonon akan berdampak membenuk cara berfikir ampa cara hidup na lambin martarimakasih janah pasangapkon Naibata. Sonin ma ipaingat halak Israel bahwa jabolon hinan do sidea i Masir, tapi halani idop ni uhur ni Naibata boi gabe bangsa na merdeka janah tarpasu-pasu (ay.22). Marhitei kesadaran na sonin ipangindo do ase sipambalosi sidea hubani Naibata. Salah sada hataridahanni aima, maningon gabe jolma siparholong homa sidea usih songon Naibata na mangkaholongi ampa mamasu-masu sidea. Biak ni Naibata siparholong ai maningon nyata bani goluh ni sidea ari-ari tarlobih bani parsaoran sesama sidea.

HOLONG DO URAT NI PARRUMAHTANGGAON

Ambilan 03 Nopember 2019

Epesus 5 : 22 – 33 

 

1. Tontu malas do uhur anggo pasu-pasu na ijalo hita surung humbani na legan. Tapi gati on patubuhkon gijang ni uhur janah tubuh sikap paetek-etekkon hasoman. Sasintongni anggo lobih ijalo hita sibere-bere mararti do ai lambin surung homa tanggungjawabta halani statusta aima sebagai penatalayan atap na mengelola sibere-bere ni Naibata do. Hita jolma pe surung do itompa Naibata marimbang tinompa na legan halani itompa do hita usih hubani rupa ni Naibata (imago dei). Hasurungan ai lang terlepas humbani tanggungjawab manramotkon haganup tinompa na legan bahen hasangapon ni Naibata. Usih sonai do age paramangon ampa parinangon bani rumah tangga. Marbeda do sidea tapi perbedaan ai sedo mengarah hubani kuasa tapi hubani tanggungjawab do.  

SAUHUR SAPINGKIRAN MANGKORJAHON ROSUH NI TUHAN !

Sibasaon 03 Nopember 2019

1 Musa 3 : 6 – 13 

1. Sada do dalahi pakon naboru itompa Naibata bani parrumahtanggaon. Hasadaon ai martujuan ase riap janah marsada ni uhur sidea mangkorjahon hata ni Naibata sedo mangkorjahon hajahaton. Sonin ma ibere Naibata hata-Ni bani jolma na parlobei (Adam pakon Hawa) janah ipatugah bahwa hamateian do konsekwensi ni anggo ilanggar sidea hata-Ni. Tapi ilanggar sidea do hata ni Naibata marhitei na mangankon buah ni hayu na ilarang Naibata. Tergiur do Hawa bani jengesni buah ni hayu ai sehingga ipangan janah ibere homa hubani paramangonni si Adam. Lang pala homa isungkun si Adam hunja buah ai tapi langsung do ipangan. Hasadaon ni sidea lang be mangkorjahon na madear tapi domma mangkorjahon dosa. Halani ai, pori pe na madear do isurahon Naibata bani parrumahtanggaon tapi na jumpah hamateian ampa uhuman do use, iusir do sidea hun taman Eden. Sonin ma ulih ni rumah tangga na lang sada mangkorjahon hata ni Tuhan. Sekaligus do on gabe singat-singat banta ase ulang ma halani hajengeson ni dunia, halani bueini tawaran-tawaran na indah humbani sibolis gabe lupa hita bani hata ni Naibata.  Ningon isadari hita bahwa hasedaon do ulih ni jolma na manlangar hata ni Naibata. 

TANGIHON MA PODAH !

Ambilan 10 Nopember 2019

Podah 19 : 20 – 29 

 

1. Podah atau hikmat aima pangajaran na marharohan humbani Naibata martujuan laho patorsa goluh ni jolma. Porlu isadari bahwa haganup na i tanoh on marianan do i toruh kuasa ni Naibata sehingga na manjalo pangajarion ni Naibata, ai do na boi mardohar bani goluhni. Isobut ‘Buei do ranggian ni jolma, tapi sura-sura ni Jahowa do na saud’ (ay.21). Artini, lang mangasup gogoh atau hapentaron ni jolma patorsahon goluhni. Lang markuasa jolma humbani gogohni pakon ranggianni mambere jaminan hadearon bani dirini halani Jahowa do na berotoritas bani haganup na i atas tanoh on. Domu hujin ma iporluhon manangihon pangajarion ni Jahowa (ay.20). Manangihon lang sekedar manangar tapi mangkagoluhkon. Marhitei na sonai ma jolma in lang be kahou humbani hauhuron (ay27), maksudni: domma memiliki sisi pandang na baru na boi manimbangi aha na madear ampa na lang madear janah isimbili do sagala horja hajahaton ampa hagedukon. Marhitei podah ai do tubuh pangarusion bahasa uhuman ampa lonsing-lonsing do rupei ni parjahat (ay.29), tapi bosur janah sonang do modom halak na manangihon podah (ay.23). Halani ai ihagigihon sitangihon podah do sagala horja hajahaton tapi na lang manangihon podah mantin do bani horja hajahaton halani haotoonni (ay.28). Pondok do hansa pingkiran ni parjahat halani haotoonni halani lang mamingkirhon akibat ni hajahatonni, sebalikni na manangihon podah takkas do ibotoh na itumpakkon Jahowa sagala na madear bani goluhni. Na manangihon podah lang ra terlena pori pe adong kenikmatan bani horja hajahaton halani domma ibotoh pitah sesaat do ai.

HORJAHON MA HORJAMU IBAGAS BIAR BANI TUHAN !

Sibasaon 10 Nopember 2019

Epesus 6 : 1 – 9 

1. Marbeda-beda do status, horja ampa talenta na ipaondos Tuhan bani jolma. Secara status keluarga adong anak ampa orangtua ; Secara horja ampa talenta adong jabolon/siparhorja ampa kopala/tuan. Tapi perbedaan ai sedo laho manirang hasadaon antar sesama tapi laho pasadahon do marhitei na masing-masing bertanggungjawab mamakeihon status atap horjani bei ase boi marguna na sada hubani na legan. Haganupan do ningon menyadari janah mantarimakasihkon hajongjonganni bei, ulang ma ipaksahon maningon sarupa ia pakon halak na legan. Anggo anak marparlahou sebagai anak ma, orangtua marpambahenan ma sebagai orangtua, anggo jabolon pokkut ma mangkorjahon horja ni tuanni, anggo kopala iramotkon ampa ihaholongi ma jabolonni. Ulang ma ipakei perbedaan ai gabe kesempatan gabe marsisidingan (ituk), margijang ni uhur, marsiakal-akalan, mangkorjahon na masambor, pnl.

UHUR NA BORSIH PAROHKON PASU-PASU

Ambilan 27 Oktober 2019

Podah 22 : 8 – 12 

 

1. Buku Podah marisi hikmat atau hapentaran na marsumber humbani Naibata. Hapentaran mararti do hauhuron na humbani Naibata. Hapentaran ai martujuan mambobai jolma mambotoh harosuh ni Naibata. Artini, jolma na marhapentaran aima na sirsir iparuhuri ampa ibobai Naibata. Ambilan on menegashon perbedaan ulih/upah sijaloon ni halak na mamakei hapentaran ampa halak sipargeduk ampa sipanrisai na lang mamakei hapentaran ai.

UHUR HOLONG DO PASALOSEIHON PARSALISIHAN

Sibasaon 27 Oktober 2019

1 Korintus 6 : 1 – 8 

1. Ambilan on aima sipaingat ni Paulus hubani kuria Korintus na ijia age hubanta panorang on pasal na marparkara. Ternyata i kuria Korintus panorang ai rentan do terjadi parsalisihan ampa parbolah-bolahan sesama sidea. Hal on terjadi halani buei na lang ra martoruh ni uhur, pasintong-sintongkon diri, rosuh mansalahkon hasomanni na lang sadalan pakonsi bahkan halak na lang sadalan pakonsi ianggap gabe munsuh, merasa lobih pentingan humbani halak na legan halani adong bani arta, kuasa ampa jabatan, pnl. Domu hujin gati do parkara ni sidea iboan hubani panguhum / peradilan pamarentah. Ternyata peradilan pe panorang ai sangat buruk janah lang boi pajongjongkon hasintongan. Doras do pengaruh ni KKN bani na mambahen haputusan bani sada-sada perkara. On do homa mambahen Paulus gati kaluar masuk penjara pori pe sasintongni lang adong salahni (Lah. 24:26-27). Pengadilan panorang ai umumni mambuat haputusan marhitei dalan na lang sintong halani keserakahan (litigasi). Hunjon boi ipetik hita parlajaran na harga janah gabe perenungan banta aima: Na gati parsedahon gereja (hakristenon) ternyata sedo ancaman na hun darat tapi humbagas gereja in sandiri do aima hauhuron ni kuria na lang be ibagas holong ampa hasintongan, na mambahen ukuran hasintongan lang be hata ni Tuhan tapi domma rosuhni bei. Sesungguhnya bukan orang lain yang banyak merusak agama kita tapi perilaku kita sendiri. 

Go to top