Ambilan & Sibasaon (187)
ISARIHON NAIBATA DO JOLMA PARPINTOR (Ambilan 30 September 2018 1 Musa 39 : 1 – 10)
ISARIHON NAIBATA DO JOLMA PARPINTOR
Ambilan 30 September 2018
1 Musa 39 : 1 – 10
1. Kisah ni si Josep na ijual saninani hubani kafilah ni halak Ismael, selanjutni ijual do use ia hubani si Potipar pegawai raja Parao i Masir. Sada kisah na tragis, Josep lang be iperlakuhon sebagai jolma tapi domma usih hubani barang dagangan. Bani situasi na sonin ternyata ihasomani Naibata do si Josep mambahen manjadi haganup na hinorjahonni (ay.2-3). Bahkan jumpahan idop ni uhur do ia i lobei ni tuanni halani marhitei si Josep ipasu-pasu Jahowa do ganup na adong bani si Potipar (ay.4-5). Dob mangidah haganupan ai gabe iangkat si Potipar do si Josep haondosan ni haganup artani (ay.6). Ketika jolma bahkan saninani lang mangkargahon si Josep tapi Naibata totap do mansarihonsi. Ketika Josep ianggap saninani lang berarti sehingga iondoskon hubani halak Ismael, tapi halani ihasomani Naibata do ia, Josep sangat berarti bahkan boi parohkon pasu-pasu bani Potipar. Ketika saninani mansurahon na jahat bani si Josep tapi Naibata mansurahon na madear do. Bani haganupan ai ternyata sura-sura ni Naibata do na saud bani si Josep sedo sura-sura ni jolma. Ternyata Naibata sangat peduli hubani jolma na galek / na lang berdaya na iperlakuhon tidak adil. Naibata do membela perkara ni halak na galek ampa parpintor. Pori pe bani mungkahni sura-sura hajahaton songon na berhasil do mengorbanhon halak parpintor tapi bani ujungni talar do bahwa na ihasomani Naibata do parpintor in. Sura-sura hajahaton ni jolma lang mangasi bani halak parpintor.
GABE SUSIAN NA PORSAYA MA ! (Sibasaon 30 September 2018 Mateus 8 : 23 – 27)
GABE SUSIAN NA PORSAYA MA !
Sibasaon 30 September 2018
Mateus 8 : 23 – 27
1. Isiar Tuhan Jesus rap pakon susian-Ni do buei huta laho patandahon diri-Ni sebagai Mesias Anak ni Naibata marhitei pangajarion sonai age marhitei na buei tanda halongangan. Sobali mardalan nahei, alat transportasi na somal panorang ai aima kapal/parau. Bani ambilan on ipatugah do na masa sanggah na marparau Tuhan Jesus rap pakon susian hun Kapernaum manuju hu tanoh ni halak Gadara. Tudu sanggah modom Tuhan Jesus, roh ma haba-haba na doras pala ipuhoi sidea Tuhan Jesus janah nini sidea ‘Tuhan, urupi, harom ma hita!’ (ay.25). Marhitei na ipuhoi sidea Tuhan Jesus tangkas ma banta bahwa susian ai domma mabiar tumang janah lang mampu be mengendalihon kapal ai. Peristiwa ai sekaligus pataridahkon bahwa panandaion ni susian pasal Tuhan Jesus lape seutuhni halani sidea pitah mananda Tuhan Jesus sebagai jolma biasa hansa na ra tarpodom sehingga porlu ipuhoi. Lape iarusi sidea bahwa kuasa ni Tuhan Jesus sebagai Anak ni Naibata lang ongga tarpodom laho manjaga ampa manramotkon susian.
MANGGOLUH I DUNIA TAPI LANG MARBIAK DUNIA (Ambilan 23 September 2018 Epesus 5 : 1 – 10)
MANGGOLUH I DUNIA TAPI LANG MARBIAK DUNIA
Ambilan 23 September 2018
Epesus 5 : 1 – 10
1. Surat Epesus isuratkon janah itongoskon Paulus hu kuria Epesus tahun 62/63 sanggah ipenjara ia. Ipenjarahon halani Ambilan Na Madear, lang mangolati malas ni uhurni Paulus ampa menghambat tugasni sebagai apostel tapi sebagai kesempatan laho patoguhkon haporsayaon ni kuria do ase berani homa manaksihon haporsayaon pori pe buei hambatan humbani dunia on. Memang panorang ai hakristenon buei menghadapi tantangan halani cara hidup ni sidea domma berbeda pakon rosuh ampa cara hidup ni dunia on. Bani kondisi na sonai, Paulus paingatkon ase ulang taruyun kuria bani ajaran na pakahouhon haporsayaon ni sidea, tapi sebalikni totap ma pataridahkon pargoluhan na domu bani Ambilan Na Madear. Itongah-tongah ni buei hajahaton ampa ajaran na kahou, justru ijai ma kuria idilo manaksihon haporsayaon ni sidea. Ulang terpengaruh tapi na mempengaruhi atap na manggarami ma.
RAMOTKON MA HASINTONGAN! (Sibasaon 23 September 2018 5 Musa 16 : 18 – 20)
RAMOTKON MA HASINTONGAN!
Sibasaon 23 September 2018
5 Musa 16 : 18 – 20
1. Bani buku Musa na palimahon on ibahen si Musa do buei kerangka acuan laho menata pargoluhan ni bangsa Israel ase manggoluh ibagas ruhut-ruhut na madear na domu hubani rosuh ni Naibata. Bani ambilan on ipatugah do sonaha ase bangsa ai mangkorjahon ampa pajongjongkon hasintongan. Dob ibontas sidea laut Merah janah halimisan, nuan masuk ma sidea hubani babak na baru aima sihol mammasuki tanoh bagah-bagah (tanoh Kanaan). Domma buei humbani bangsa ai na tubuh sanggah i pardalanan sehingga lang dihut mengalami Paskah (haluahon hun Masir) ampa na lang dihut bani peristiwa Dolog Sinai sanggah ibere Naibata titah-Ni hubani sidea. Halani aima ase porlu iparatah-ratah use aturan na humbani Naibata ase haganup bangsa ai totap sipambalosi bani aturan atau hata ni Naibata.
BAYAK BANI HOLONG NI UHUR (Ambilan 16 September 2018 Rut 2 : 8 – 16)
BAYAK BANI HOLONG NI UHUR
Ambilan 16 September 2018
Rut 2 : 8 – 16
1. Rut aima boru Moab na marhajabuan pakon anak ni si Elimelek – Naomi halak Eprata na hun Betlehem Juda. Mabalu do si Naomi pakon dua halak parumaenni, si Orpa ampa si Rut. Dob mabalu, mulak do anggo si Orpa hubani keluargani tapi anggo si Rut iirikkon do si Naomi simatuani ai mulak hu Juda janah iakuhon do hubani si Naomi ‘ia huja ham laho, hujai do ahu laho, ia huja ham marianan, hujai do ahu marianan, bangsamu mando bangsangku, anjaha Naibatamu mando Naibatangku’ (1:16). Keputusan on ibahen si Rut aima sanggah poso ope ia janah terbuka ope kesempatan bani untuk marhajabuan use anggo mulak ia bani bangsa/keluargani sehingga memiliki masa depan. Keputusan on homa itegashon ketika bani panorang ai adong do pemahaman bahwa sahalak inang na mabalu lang sai ihargai secara sosial-masyarakat. Lang pitah ai, si Naomi simatuani ai pe homa sedo halak na bayak bani arta. Ia lang homa pitah sirsir mangirikkon si Naomi tapi sirsir do homa mangirikkon janah maarsombah hubani Naibata na isombah halak Israel. Hunjon taridah ma pribadi ni si Rut, ternyata ia lang mengutamahon kepentingan ni dirini tapi haputusan atau sikap ni ai lobih idasari hubani holongni hubani si Naomi simatuani ai janah sihol ni uhurni mangirikkon janah manombah Naibata. Pori pe secara logika bahwa masa depanni lebih terjamin do anggo mulak ia hubani bangsa/keluargani, tapi holongni bani si Naomi ternyata mampu manaluhon ego-ni. Rut pori pe sahalak naboru na galek tapi bayak do ia bani holong.
MARTORUH NI UHUR MA SONGON KRISTUS (Sibasaon 16 September 2018 Pilipi 2 : 1 – 11)
MARTORUH NI UHUR MA SONGON KRISTUS
Sibasaon 16 September 2018
Pilipi 2 : 1 – 11
1. Isi ni Ambilan Namadear sepanjang masa aima barita haluahon na iboan Tuhan Jesus. Tuhan Jesus sebagai Sipaluah sedo konsep tapi nyata humbani horja-Ni. Ia aima Naibata na sirsir patoruhkon diri-Ni gabe marrupa jolma. Tujuanni ase boi itanda ampa ijalo jolma Ia. Mase? Halani dosa domma parsedahon hubungan ni jolma pakon Naibata. Jolma na butak halani dosa lang boi be marhasadaon pakon Naibata na sangap janah pansing (bd. Adam-Hawa mabiar janah marponop sanggah roh Naibata dob madabuh sidea hubagas dosa).
MELAYANI DENGAN TULUS (Ambilan 09 September 2018 2 Korint 11 : 7 – 16)
MELAYANI DENGAN TULUS
Ambilan 09 September 2018
2 Korint 11 : 7 – 16
1. Korintus aima sada kota perdagangan na bersifat majemuk. Ragam do suku bangsa humbani latar belakang na berbeda marianan ijai. Situasi on dihut mempengaruhi kuria halani wargani pe memiliki latar-belakang na berbeda do homa. Ternyata perbedaan latar-belakang ai dihut patubuhkon berbagai pendapat tentang norma-norma hidup bahkan adong na menyimpang humbani Ambilan Na Madear. Adong do na menyebarhon ajaran na lepak na bermuatan kepentingan pribadi atau kelompok na justru bertentangan humbani Ambilan Na Madear bahkan memanfaatkon Ambilan Na Madear sebagai lahan kepentingan pribadi janah ase ipuji-puji hasomaan sidea (ay.12). Domu bani keadaan on ma Paulus paingatkon kuria ase waspada, ulang urah terpengaruh halani penampilan luar ni siparambilan, tapi menguji haganup ajaran apakah domma sintong sadalan bani Ambilan Na Madear.
SIRSIR MA HAM IPODAHI AMPA IPASINGAT ! (Sibasaon 09 September 2018 Jeremia 26 : 7 – 14)
SIRSIR MA HAM IPODAHI AMPA IPASINGAT !
Sibasaon 09 September 2018
Jeremia 26 : 7 – 14
1. Jeremia (=Naibata na pabangkithon), aima nabi na iutus Naibata sanggah panorang ni raja Josia i Juda (1:2). Jeremia terkenal sebagai sahalak nabi na tegas janah berani menyurahon hata ni Naibata pori pe buei tantangan bahkan pori pe hosahni terancam (bindu 20). Halani ai isobut do ia ‘pamangan ni Jahowa’ (15:19). Hata ni Naibata do gabe pusat ni goluh ampa pangajarionni. Bani ambilan on ipatugah do keberanian ni Jeremia menyuarakan hasintongan domu hubani hata ni Naibata i lobei ni malim-malim ampa nabi-nabi palsu na lang marhabiaran bani Naibata (ay.7). Ipadas do homa hata ni Naibata pasal uhuman na sihol ijalo bangsa ai na maningon tarulang huta Jerusalem lang adong be pangisini (ay.9) halani hajahaton ni sidea.
KUASA NI NAIBATA MANSARIHON NA PORSAYA (Ambilan 02 September 2018 1 Rajaraja 17 : 7 – 16)
KUASA NI NAIBATA MANSARIHON NA PORSAYA
Ambilan 02 September 2018
1 Rajaraja 17 : 7 – 16
1. Akibat ni dosa ni bangsa Israel sanggah panorang ni raja Ahab, iparoh Naibata do logou ni ari piga-piga tahun dokahni (17:1). Bani keadaan na sonai isarihon Naibata do nabi Elias i bah Karit janah selanjutni isuruh do ia hu huta Sarpat janah domma parlobei isuruh Naibata sada inang na mabalu marmuduhonsi (ay.7-9). Bani keadaan sulit halani logou ni ari maningting (dokah), ternyata tuk do kuasa ni Naibata mansarihon nabi Elias. Humbani diri ni Elias, ia lang sipanjua bani suruhan ampa parentah ni Naibata. Borhat do ia hu huta Sarpat janah jumpahsi do tongon ijai sada inang na mabalu sanggah marsoban-soban usih bani aha na hinatahon ni Naibata.
BANI GANUP NA MASA DO NAIBATA MAMBERE PASU-PASU (Sibasaon 02 September 2018 Lahoan 28 : 1 – 10)
BANI GANUP NA MASA DO NAIBATA MAMBERE PASU-PASU
Sibasaon 02 September 2018
Lahoan 28 : 1 – 10
1. Dob mubah uhur ni Paulus humbani na mardakdak halak Kristen gabe na manaksihon Ambilan Na Madear, ipakei Naibata do ia gabe saksi-Ni lang pitah bani halak Jahudi tapi dihut hubani halak non Jahudi das hu Atena pakon Eropah. Lintas batas penginjilan terbuka melalui Paulus. Bani horja ai ialami Paulus do bagei tantangan bahkan ancaman terutama humbani pambobai ni halak Jahudi. Bani ambilan on ipatugah do na adong pangaduan humbani sintua ni malim hubani pamarentah bahwa Paulus aima sipanggeori bani halak Jahudi (24:5). Iboan do Paulus hu Roma sebagai pusat pemerintahan untuk menjalani proses hukum. Sanggah i pardalanan tardampar do kapal ni sidea sehingga harus soh lobei i pulau Malta selama 3 bulan. Ambilan on patugahkon sonaha Naibata mamakei Paulus marsaksi age sanggah i Pulau Malta.
