IMAN YANG TERUJI MEMBAWA BERKAT DAN KEBAIKAN (Ambilan 13 Mei 2018 2 Rajaraja 20 : 1 – 7)

IMAN YANG TERUJI MEMBAWA BERKAT DAN KEBAIKAN

Ambilan 13 Mei 2018

2 Rajaraja 20 : 1 – 7 

1. Hiskia aima raja ni halak Israel (716 – 687) na memiliki rekam jejak na marhabiaran bani Naibata (2 Raja 18:3). Panorang pamarentahan ni Hiskia terjadi do ancaman ni Assur hu Jerusalem. Keadaan on mambahen Hiskia memiliki tantangan na borat sebagai raja. Bani keadaan na sonai roh do homa naborit na parah bani aima bayoh na bajan. Sanggah sonin situasini, ipadas nabi Jesaya do homa hata ni Naibata bahwa naboritni ai akan mamboansi hu hamateian. Bani kepanikan na sonin ternyata Hiskia lang putus asa. Na ihorjahonni aima martonggo ibagas na gogoh tangis. Ibagas na tangis pataridahkon ia menderita lang pitah secara fisik tapi uhurni pe dihut menderita. Ia roh  hubani Naibata humbani uhur parbagas patugahkon horu ni uhurni. Isi ni tonggoni idasarhon hubani hata ni Naibata ‘Biar bani Jahowa do paganjang umur’ (Podah 10:27). Pada prinsipni isi ni tonggoni aima mangarapkon idop ni uhur ni Naibata na idasarhon hubani haporsayaonni bani hata ni Naibata bahwa paridop ni uhur do Ia bani halak na marhabiaran hu-Bani. Bani keadaan na pahit ai ternyata haporsayaon ni Hiskia teruji dengan baik. Ia lang memiliki haporsayaon na urah goyah halani sitaronon na borat. Ia mampu menyatakan haporsayaonni lang pitah sanggah sonang tapi age sanggah manaron. Haporsayaonni bertumbuh lang pitah sanggaah keadaan baik tapi bertumbuh do homa age sanggah keadaan na buruk.

2. Ternyata ibalosi Naibata do tonggo ni Hiskia. Harga do bani Naibata tonggo ni halak na porsaya. Pori pe marhitei naborit ai Hiskia domma ivonnis matei, tapi bani Naibata lang adong parkara na so mungkin, markuasa do Ia mambere hamalumon age hubani Hiskia na mengidap naborit na kronis ai. Ipatugah nabi Jesaya do na ibere Naibata tambah ni umur bani Hiskia 15 tahun nari. Ipatugah do homa proses hamalumon ai lang pala dokah tapi bani ari patoluhon boi ma ia roh hu rumah ni Jahowa sebagai bukti hamalumonni. Inahkon si Jesaya do jambu na ilintok bani bayoh ni Hiskia sebagai hitei pamalumkonsi. Jambu na ilintok aima tambar na ikenal secara umum panorang ai sebagai tambar bayoh. Tapi sumber ni hamalumon ai sedo jambu na ilintok tapi humbani Naibata do. On gabe parlajaran bahwa porlu do tambar halani ai pe na itompa Naibata do tapi tambar ai ningon irik ipakei ibagas haporsayaon hubani Naibata. 

3. Lang pitah hamalumon na iondoskon Naibata bani Hiskia tapi ibere do homa kenyamanan humbani ancaman ni musuh aima Assur. On pataridahkon bahwa harga do bani Naibata halak na marhabiaran hu-Bani. Masalah na idompakkon Hiskia (naborit ampa ancaman musuh) terselesaikan halani roh ia hubani Naibata ibagas na sintong porsaya. Haporsayaonni bani Naibata mambahen jumpahan ia bani idop ni uhur na marlobih-lobih. 

4. Roh hu rumah ni Naibata bani ari patoluhon sihol mangajarhon bahwa iporluhon do mamuji ampa martarimakasih hubani Naibata na mambere hamalumon ai. Lang pitah sanggah boritan roh ibagas porlu ni uhur hubani Naibata tapi dob malum pe ningon do ipuji Naibata.

5. Refleksi

a. Sasintongni pori pe lang ipamalum Naibata si Hiskia sedo mararti na soya parmateini i lobei ni Naibata halani halak na marhabiaran bani Naibata do ia. Bani ujungni memang matei do ia dob 15 tahun nari. On sihol mangajarhon hubanta bahwa manggoluh barang matei pe hita halak na porsaya totap do hita ibagas holong ni Naibata. Anggo ibere Naibata ope banta ganjang ni umur i tanoh on, hal ai sedo na kebetulan tapi halani adong sihol ni uhur ni Naibata sihorjahononta. Ase pakei hita ma waktu hidup gabe kesempatan laho ‘roh hu rumah panumbahan’, laho mamuji ampa pasangapkon Naibata. Ulang ma iparsoya-soya hita kesempatan hidup na ibere Naibata halani lang torus imiliki hita kesempatan hidup i dunia on.

b. Dalani hita ma goluh bani berbagai keadaan suka dan duka totap ibagas na marondos janah marhaporsayaon hubani Naibata. Anggo sonin prinsip hidupta, Naibata do na pasirsirhon aha na iporluhon hita janah na manramotkon hita age humbani bagei ni ancaman bani goluh on. 

c. Paridop ni uhur do Naibata banta, halani ai ajamhon hita ma tongtong Naibata bani ganup na masa. Haporsayaonta ningon tetap mekar bertumbuh bani berbagai keadaan ampa gejolak hidup na idompakkon hita. Senjata na paling ampuh mandompakkon ganup situasi hidup sedo gogoh ampa kemampuanta taapi haporsayaon bani Naibata do.

d. Haleluya No. 346 : 1 – 2  

 

Read 379 times

Leave a comment

Make sure you enter all the required information, indicated by an asterisk (*). HTML code is not allowed.

Go to top