IMAN YANG TERUJI SELALU BERBUAH MANIS (Sibasaon 13 Mei 2018 Matius 9 : 27 – 31)

IMAN YANG TERUJI SELALU BERBUAH MANIS

Sibasaon 13 Mei 2018

Matius 9 : 27 – 31

1. Selama tolu tahun Tuhan Jesus marhorja ampa mangajari, tujuanni ase ibotoh dunia on bahwa Ia aima Mesias na dob ibagahkon bani Padan Na Basaia. Bagei do tanda halongangan na ibahen Tuhan Jesus janah pangajarion-Ni pe totap do sadalan hubani ganup hata na dob ipadas nabi-nabi.

2. Bani ambilan on ipatalar do ha-Mesiason-Ni marhitei na pamalumhon dua halak na pitung. Ipatugah bahwa dilo-dilo do sidea hubani Tuhan Jesus ‘Ham Anak ni si Daud! Idop ma uhur-Mu bennami!’. Anak ni si Daud menunjuk hubani Mesias na ihaporsayai halak Israel bahwa Mesias atau Sipaluah roh humbani ginompar ni si Daud. Ternyata pori pe sidea lang marpangidah secara fisik tapi uhur ampa haporsayaonni sidea lang dihut pitung. Humbani berbagai berita na ibogei sidea pasal Tuhan Jesus mambahen bertumbuh panandaion ampa haporsayaonni sidea. On ma mambahen sidea dengan tegas mandilo Tuhan Jesus sebagai ‘Anak ni si Daud’ atau Mesias. Manangar dilo-dilo ni sidea sanggah i dalan lang mintor isambut Tuhan Jesus. Tapi pori pe sonai sidea lang berhenti. Iirikkon sidea do torus Tuhan Jesus das hu rumah. On pataridahkon haporsayaon na toguh na lang ra goyah pori pe aha na ipangindo sidea lang mintor instan.

3. Dob das i rumah Tuhan Jesus pe lang mintor pamalumhon sidea tapi manungkun ‘Porsaya do nasiam, paboa na margogoh do Ahu mangkorjahon in?’. Ijon isi ni sukkun-sukkun ni Tuhan Jesus sedo manungkun aha kekuatan na imiliki sidea mamboli tambar tapi haporsayaon ni sidea do halani haporsayaon lebih berharga dari pada duit ampa tambar. Ijon Tuhan Jesus sihol mangidah banggal ni haporsayaon ni sidea sekaligus mambere pangajaran bahwa haporsayaon do dalan ase boi jumpahan hamalumon na hum-Bani. Haporsayaon melebihi segala kekuatan na adong i dunia on untuk mengatasi masalah. Haporsayaon aima saluran kekuatan dahsyat na roh humbani Tuhan Jesus. Haporsayaon patubuhkon prinsip segalanya mungkin bagi Tuhan.

4. Ibalosi sidea ‘Eak Tuhan, porsaya do!’. Haporsayaon ni sidea taridah do homa humbani pangindoan ni sidea hubani Tuhan Jesus lang songon na somal bani jolma (misalnya: sedekah) tapi hamalumon do. On merupakan bukti bahwa ihaporsayai sidea bahwa Tuhan Jesus bukanlah orang biasa tapi sintong do Ia Mesias na markuasa pamalumhon.

5. Irespon Tuhan Jesus do haporsayaon ni sidea, ‘Jumpah nasiam ma songon na hinaporsayaon nasiam ai!’. Haporsayaon bani Tuhan Jesus selalu berbuah manis, gabe marpangidah use sidea. Haporsayaon mambahen na so mungkin gabe mungkin. Haporsayaon melebihi akal budi manusia. Peristiwa on sekaligus mambuktihon bahwa sintong do Tuhan Jesus Mesias.

6. Ipandang Tuhan Jesus do sidea ase ulang ipatugah-tugah na masa ai. Tapi halani igoki malas ni uhur mintor ibaritahon sidea do idop ni uhur na ijalo sidea humbani Tuhan Jesus. Mase ilarang patugahkon? Adong dua alasan aima: panorang ai halak Israel berada bani gomgoman pamarentah Romawi na lang marosuh anggo hadir raja na legan i tongah-tongah ni Israel. Anggo ibotoh pamarentah Romawi na masa ai boi berdampak na hurang dear bani sidea ampa halak Israel. Na paduahon: lape isaloseihon Tuhan Jesus haganup horja-Ni sebagai Mesias i tanoh on, janah Ia sihol meluruskan pemahaman ni halak Israel tentang Mesias na ianggap sebagai tokoh duniawi tumang. Jadi situasi ai do mambahen ilarang Tuhan Jesus sidea, sedo apala horja na lepak manaksihon horja ni Tuhan Jesus.

7. Refleksi

a. Belajar ma hita humbani sidua halak na pitung ai. Pori pe pitung mata jasmani ni sidea tapi mata haporsayaon ni sidea lang dihut pitung. Ulang ma namin pitah mata jasmaninta marpangidah tapi mata ni haporsayaonta samar ope atau pitung ope.

b. Haporsayaon terbukti do humbani na selalu iandalhon hita holong ampa kuasa ni Tuhan Jesus bani ganup situasi ni goluhta. Maningon tengeran uhurta bani Tuhan Jesus marimbang haganup kuasa na adong i tanoh on termasuk gogohta sandiri. Haporsayaon bani Tuhan merupakan senjata na paling ampuh laho mandompakkon ampa mangatasi ganup masalah hidupta.

c. Haporsayaon na teruji lang urah goyah tapi tetap setia mangirikkon Tuhan Jesus das hu ‘rumah’, setia mangirikkon Tuhan Jesus bani ganup liku-liku hidup ibagas tenger ni uhur sari do Tuhan Jesus hubanta. 

d. Haleluya 346 : 1, 3 

Read 348 times

Leave a comment

Make sure you enter all the required information, indicated by an asterisk (*). HTML code is not allowed.

Go to top