GOLUH NA MARTARIMAKASIH HUBANI NAIBATA (Ambilan 05 Agustus 2018 2 Musa 13 : 11 – 16)

GOLUH NA MARTARIMAKASIH HUBANI NAIBATA

Ambilan 05 Agustus 2018

2 Musa 13 : 11 – 16 

1. Sejarah ni bangsa Israel merupakan cara na ipakei Naibata patandahon diri-Ni bani dunia on. Marhitei kehadiran ampa horja ni Naibata bani bangsa ai gabe boi iidah janah ibotoh hita ise do Naibata. Pamilihon ni Naibata bani bangsa Israel ipungkah humbani pandiloon ni si Abraham. Humbani si Abraham, tubuh ma si Isak janah humbani si Isak tubuh si Jakob. Josep, sada humbani anak ni si Jakob tarjual do hu Masir, tapi justru aima dalanni ibahen Naibata manggargar halak Israel i tanoh Masir marhitei na ipasu-pasu Naibata si Josep gabe na terhormat i Masir. Idilo si Josep do saninani haganup hu tanoh Masir janah ijai ma sidea ipasu-pasu Naibata lambin bueini.

2. Tapi sadalan bani pardalanan ni panorang, iarsik halak Masir do Israel halani mabiar sidea gabe halak Israel use na markuasa i tanoh ni sidea. On ma mungkahni iparjabolon halak Masir halak Israel. Ternyata janji ni Naibata bani si Abraham mambahen ginomparni gabe sada bangsa na banggal lang boi ibatalhon atap ise pe termasuk halak Masir na mangarsik sidea. Oleh kuasa ni Naibata ipaluah do sidea hun Masir marhitei sapuluh tulah janah tulah na parpudi aima parmatei ni haganup bunga tubuh ni halak Masir.

3. Sanggah i pardalanan halak Israel manuju tanoh bagah-bagah (Kanaan), ijai ma ipaondos Naibata hata/ titah-Ni bani sidea. Tujuanni ase imiliki sidea ciri hidup sebagai bangsa ni Naibata. Maningon berbeda cara hidup ni sidea humbani bangsa na legan. Aturan/titah ai meliputi haganup lini hidup baik secara keluarga, hubungan sesama (sosial masyarakat) age hubungan dompak Naibata 

4. Bani ambilan on iparentahkon do ase ipapansing sidea haganup bunga tubuh ni sidea sonai age bunga tubuh ni pinahan halani Jahowa do simada ai (ay.12). Hal on terkait hubani sejarah na ibunuh Naibata haganup bunga tubuh ni halak Masir halani hahengkengon ni Parao (ay.15). Tujuan ni parentah on ase totap idingat sidea holong ni Naibata na paluahkon sidea. Halani ai aturan on maningon iwarishon age hubani niombah ni sidea (ay.14-16). Marhitei na sonai niombah ni sidea pe na lang dihut secara langsung borhat hun Masir boi mambotoh sonaha Naibata paluahkon sidea.

5. Mangondoskon bunga tubuh aima marhitei na manobus haganup bunga tubuh ni sidea marhitei na manggalangkon pinahan partobusan hubani Naibata, janah haganup bunga tubuh ni pinahan ningon iondoskon hubani Naibata halani Naibata do simada ai. Hal on bertujuan ase ketika sidea manjalohon pasu-pasu ni Naibata aima bunga tubuh, na parlobei ihorjahon aima martarimakasih hubani Naaibata. Ningon isadari bahwa haganupan ai sedo halani gogoh ni sidea tapi halani pasu-pasu ni Naibata do. Ketika manjalo pasu-pasu ni Naibata, hal na parlobei idalankon sedo menikmati tapi ningon parlobei do martarimakasih hubani Naibata. Lang boi lupa sidea hubani na mambere (Naibata) halani sibere-bere. Sidea lang boi pitah menikmati tapi maningon irespon holong ni Naibata ai marhitei ucapan syukur.

6. Aturan on wajib do iwarishon age hubani ginompar ni sidea. Tanoh Kanaan na subur janah habaoran ni dadih pakon susu, lang boi gabe jaminan masa depan tanpa kehadiran ni Naibata. Kehadiran ni Naibata do hansa na boi menjamin ase totap boi inikmati sidea pasu-pasu i tanoh Kanaan. Ulang gabe lingot  uhur ni sidea bani Naibata halani pasu-pasu. Ase martarimakasih marhitei na mangondoskon ganup bunga tubuh hubani Naibata sedo laho mangorui pasu-pasu tapi sebalikni gabe labah do ai ase berkesinambungan pasu-pasu ni Naibata age bani ginompar ni sidea.

7. Mangondoskon bunga tubuh hubani Naibata, mararti do homa mangondoskon sidearan hubani Naibata. Lang boi roh hu lobei ni Naibata ibagas hampung ni uhur tapi ningon ibagas gok ni uhur. Hal on sihol mangajarhon bahwa sangap do Naibata. Halani ai anggo roh sidea hubani Naibata ningon do homa mamboan tang sidearan.

8. Refleksi

a. Holong ni Naibata do goluhta janah igoki do ai marhitei Tuhan Jesus Kristus. Gabe sipartarimakasih ma hubani Naibata. Haluahon ai ningon irespon marhitei na mambere goluhta gabe galangan ampa bahen hasangapon ni Naibata. 

b. Anggo ijalo hita pasu-pasu ni Naibata, na parlobei na maningon idalankon hita sedo menikmati tapi martarimakasih hubani Naibata do. Ulang halani hisap ni angkula gabe ibuat hita hak milik ni Naibata. Mangolati pasu-pasu do sikap na sonon. Pasu-pasu ni Naibata na ijalo hita ningon berbanding lurus hubani haporsayaon na lambin matoras. 

c. Naibata do homa na boi menjaamin masa depanta age niombahta. Halani ai porluhon hita ma mewariskon hata ni Naibata hubani niombahta ase ulang larut sidea bani hamajuan ni zaman on tapi ase sidea pe totap balosan hubani Naibata dari pada hubani dunia on. 

d. Haleluya No. 201 : 1 – 3 

Read 615 times

Leave a comment

Make sure you enter all the required information, indicated by an asterisk (*). HTML code is not allowed.

Go to top