HOLONG DO RIMPUN NI TITAH IN (Sibasaon 05 Agustus 2018 Galatia 5 : 13 – 15)

HOLONG DO RIMPUN NI TITAH IN

Sibasaon  05 Agustus 2018

Galatia 5 : 13 – 15 

1. Bani parsaoran sesama jolma age i kuria gati do jumpah masing-masing merasa dirini sintong tapi justru lang tubuh hasadaon. On mambuktihon na gati ope jolma in mambahen ukuran ni na sintong pitah humbani pingkiranni sandiri. Kondisi on ma na gati patubuhkon paringoran/parbolah-bolahan mambahen magou unsur hasadaon sebagai sesama pagori ni Kristus. Anggo sonon ope kwalitas ni hasadaon sasintongni lape talup sidea isobut sebagai kuria ni Tuhan bahkan sebalikni na mencemarhon goran ni Tuhan do ai. Laho mengatasi kondisi na sonin ma ambilan on paingatkon kuria ase ulang mengukur na sintong pitah humbani pingkiran ampa kepentingan sendiri tapi ningon idasari hubani kepentingan bersama, untuk saling membangun sebagai sesama pagori ni Tuhan Jesus. Carani aima mambahen hata ni Tuhan ampa pangajarion ni Tonduy Na Pansing gabe ukuran manontuhon na sintong.

2. ‘Hu hamerdekaon do hita idilo’ (ay.13). Maksudni, merdeka atau membebaskan diri humbani sagala paruhuran na lang dear atau biak hasaparion. Na porsaya lang be terikat atau terjajah bani tabiat na lama atau tabiat ni daging. Hu hamerdekaon mararti kuria in domma ibebaskon humbani uhuman ni dosa. Tapi pembebasan ai sedo mararti boi ma sidea bebas mangkorjahon atap aha pe tapi sebalikni ningon memiliki tabiat na baru aima marmalas ni uhur mangkorjahon na madear na maronjolan hubani holong. Merdeka mararti lang be terbeban mangkorjahon holong. Ase ibagas na bertanggungjawab do kemerdekaan ai aima marmalas ni uhur mangkorjahon rosuh ni Tuhan. Dibebaskan dari tabiat dosa dan daging sehingga goluhni lang be saguru bani daging tapi domma saguru hubani Tonduy Na pansing.

3. Halani kuria in domma ibebaskon Tuhan Jesus humbani gomgoman ni dosa, maka sidea pe maningon hadir sebagai jolma na baru na memiliki tabiat: sirsir membebaskon hasoman humbani borit ni uhur, domdom, egoisme, pnl. Tabiat na baru on ihorjahon sedo mangidah-idah bohi tapi ihorjahon hubani haganup halak. Lang homa ibagas uhur na marpangkaut tapi domma ibagas ketulusan. Malas do uhur ni na porsaya pori pe loja atau berkorban mangkorjahon na madear, sebalikni lang tontang iahap anggo maseda halak na legan marhiteihonsi.  

4. Lobih takkas isobut ‘Ai haganup titah in ibagas hata na sangkababah on do rimpunni, haholongi ma hasomanmin songon dirimu!’ (ay.14). Artini, sagala horja ni na porsaya domma memiliki ukuran na jelas aima goluh na imotivasi holong. Sipakulah-kulah do hakristenon anggo irajai subil ampa paringoran ope goluhni. Ketika Tuhan Jesus domma pabayuhon, taridah ma homa habayuon ai humbani pangabak. Hakristenon (mis. jabatan i gereja) sedo laho menghias nama tapi menghias hauhuron pakon sikap do. Hata ni Naibata sedo sekedar teori tapi ningon gabe pedoman hidup. 

5. Domu hujin kehadiran ni halak na porsaya ningon mamboan hamalumon ampa pembebasan, sedo untuk marsiharatan atau marsisedaan (ay.15). Hunjon ma tarbukti haporsayaaon na dob matoras, aima anggo goluhni sasada halak lang be gabe partolusan.  Bani konteks on ma haganup kuria in idilo laho marsaksi, marsaksi lang pitah marhitei hata tapi ningon dihut do marhitei goluh atau pangabak.

6. Refleksi

a. Na porsaya lang pitah sirsir gabe hasoman bani halak na marmalas ni uhur tapi sirsir do homa gabe hasoman bani halak na sanggah marsitaronon. Anggo sanggah sonang hita buei do halak na sirsir hasomanta tapi sanggah manaron hita ra lang haganup sirsir gabe hasomanta. Hasoman na sejati tarbukti terutama sanggah marsitaronon do hita. Halani ai buktihon hita ma haporsayaonta marhitei na sirsir hita marhasoman age hubani halak na mamorluhon panguruionta halani domma parlobei hita imerdekahon atau ihaholongi Tuhan Jesus. 

b. Hampung do uhur mangkorjahon holong anggo goluhta domma berorientasi hubani hata ni Tuhan. Anggo marbeda janah imiliki hita na lobih humbani hasomanta ulang ma ai gabe gijang ni uhur atau dalanta paetek-etekkon hasoman tapi gabe kesempatan ma ai banta sirsir ipakei Tuhan mambangun hasadaon marhitei na marsiurupan.

c. Sihol ma ukuran na sintong banta lang be iukur pitah humbani rosuhta sandiri atau kepentingan pribadi dan kelompok, tapi aha na sadalan hubani hata ni Tuhan ma. Halani domma imerdekahon hita humbani biak ni daging ampa dosa, halani ai pakei hita ma biak na baru na domu hubani pangajarion ni Tonduy Na Pansing. Ulang ma goranon hita halak Kristen tapi uhur ampa pangabakta justru torus ope iwarnai biak na lama. Anggo riap marguru hubani Tonduy do hita ijai do goluhta lambin ibobai janah ipargogohi gabe marmalas ni uhur mangkorjahon holong.

d. Haleluya No. 446 : 1 – 2  

Read 454 times

Leave a comment

Make sure you enter all the required information, indicated by an asterisk (*). HTML code is not allowed.

Go to top