TAMBAH PANORANG LAMBIN MATORAS HAPORSAYAON (Ambilan 17 Juni 2018 2 Petrus 3 : 1 – 13)

TAMBAH PANORANG LAMBIN MATORAS HAPORSAYAON

Ambilan 17 Juni 2018

2 Petrus 3 : 1 – 13 

Oleh Pdt. Jeddy Saragih, MTh.

1. Tuhan Jesus sandiri do mangkatahon na roh do Ia use hu dunia on dob naik Ia hu nagori atas. On ma na sinobut ari ni Tuhan atau ari paruhuman simagira. Haluahon ampa malas ni uhur do ai bani na porsaya tapi uhuman sisadokah ni dokahni bani na so porsaya. Ternyata adong do na meragukan parroh ni Tuhan Jesus paduahalihon ai dengan alasan bahwa humbani sapari nari sonin do tong na masa, pori pe domma margantih buei generasi tapi lape roh ari ni Tuhan ai (ay.4). Keraguan bani ari ni Tuhan ai mambahen madabuh use jolma hubani goluh na mansuhuni hisap-hisap ni angkula halani tubuh anggapan bahwa lang adong laba ni halak na bujur halani seng sintong ari ni Tuhan ai. Sarupa do ulih ni halak na bujur ampa parjahat halani sama-sama matei do bani panorangni.

2. Domu hujin Petrus menegashon bahwa anggapan na sonin ma sasintongni na terjadi sanggah parroh ni bah na sumbang parsedahon tanoh on pakon ganup pangisini. Jolma in terlena ibagas hajahaton sehingga tanpa panagaman ni sidea gabe berakhir bani kehancuran (ay.5-6). Laho patoguhkon haporsayaon ni kuria pasal ari ni Tuhan, Petrus menegashon bahwa sada ari bani Tuhan doskon saribu ari bani jolma’ (ay.8). Maksudni, lang mampu pingkiran ni jolma mangetong ari-ari ni Naibata. Halani ai tugas ni jolma sedo mangetong ari-ari sadihari do ari parroh ni Tuhan tapi sonaha do ase lambin bersiap managam ari ai.  Bahkan isobut do homa panorangni songon panangko (ay.10), maksudni na so panagaman ni jolma, janah halani ai ningon totap berjaga-jaga atau waspada.

3. Memang tanoh pakon langit sisonari iramotkon Naibata do tapi haganupan in gabe panganon ni apuy do bani ari paruhuman ai (ay.7,12). Maksudni, haganup na itanoh on akan berakhir janah na laho maseda do anggo roh ma ari ni Tuhan ai. Anggo sonai mase iramotkon Naibata ope tanoh pakon langit sisonari anggo ujungni na laho maseda do? Tujuanni ase adong ianan ni jolma in laho paubah uhur ase lambin pansing janah daulat goluh ni jolma in i lobei ni Naibata. Idop ni uhur do ai anggo lape roh ari ni Tuhan halani ibere Naibata ope kesempatan bani jolma paubah uhur ase ulang uhuman rupei ni sidea. Lang marosuh Naibata anggo hamateian rupei ni jolma janah sihol do uhur-Ni ase haganup jolma in maluah. 

4. Petrus menegashon bahwa posisi ni jolma sadokah manggoluh i dunia on aima paima-imahon tanoh ampa langit na baru (ay.13). Paima-imahon mararti torus bersiap managam ari ni Tuhan, ulang gap uhurni pitah bani dunia na laho maseda on. Paima-imahon mararti mandompakkon uhur ampa goluhni pitah hubani Tuhan. Ase aktif do arti ni na paima-imahon ijon aima untuk berkarya ase lambin bayu uhur, pingkiran, langkah, goluh ampa pangabak, lambin matoras ibagas haporsayaon bani Tuhan. Paima-imahon mararti do homa puho, ulang tarpodom haporsayaon. Marhitei na sonin iarapkon do ase goluh ni jolma sadokah ibere Naibata ope kesempatan marianan i dunia on, lang pitah marlumba bayak bani hasangapon na i dunia on tapi ase lambin bayak age bani biak ampa horja na madear. 

5. Refleksi

a. Waktu adalah berkat. Marhitei waktu na ibere Tuhan, adong ma kesempatan banta pabayuhon uhur ampa goluh ase lambin marhatalupon mandompakkon ari ni Tuhan ai, ase lambin manadingkon goluh habutakon janah lambin marhapansingon. Anggo adong ringis atau borit ni uhur, maka seiring pakon pardalan ni panorang ningon lambin hombun ma ringis ai, ulang lambin gajagni use.

b. Lang pala ietong-etong hita piga tahun nari hita manggoluh i dunia on, tapi anggo ibere Naibata ope panorang banta manggoluh pakei hita ma ai sadear-dearni laho mangkorjahon rosuh ni Tuhan. Ningon isadari hita panorang torus do mardalan janah lang tarulaki be panorang na dob salpu. Halani ai aha na boi ibahen hita na madear sadari on horjahon hita ma gelah halani lang binotoh atap na adong ope kesempatan banta mangkorjahon na madear bani ari patar.

c. I tongah-tongah ni buei jolma na dob irajai hisap ni daging ampa dunia on sehingga madabuh hubani sifat haus kuasa, haus jabatan, hedonisme, pnl., tapi anggo hita sebagai halak na porsaya ningon totap horahan bani hata ni Tuhan ampa horja na madear ma.

d. Haleluya No. 370 : 1 – 3   

Read 365 times

Leave a comment

Make sure you enter all the required information, indicated by an asterisk (*). HTML code is not allowed.

Go to top