TUHAN JESUS, NAIBATA NA GABE JOLMA (Sibasaon 24 Juni 2018 Kolose 1 : 15 – 23)

TUHAN JESUS, NAIBATA NA GABE JOLMA

Sibasaon 24 Juni 2018

Kolose 1 : 15 – 23 

 

1. Bani ambilan on Paulus manaksihon pasal ise do Tuhan Jesus na sasintongni. Hal on porlu mardingat i tongah-tongah ni kuria Kolose adong ajaran  na lepak na sinobut ajaran gnostik. Ajaran on mangutamahon pingkiran ampa ilmu na menganut: sesuatu dianggap benar jika dapat dibuktikan dengan nalar manusia. Halani ai lang tarjalo sidea anggo isobut Naibata roh marrupa jolma ibagas Tuhan Jesus (inkarnasi) halani lang mungkin Naibata Na Pansing (kekal) boi marsaor pakon jolma na fana, lang mungkin na kekal mardomu hubani na fana/sementara. Lang homa tarjalo sidea anggo Tuhan Jesus na dob matei ai boi use manggoluh. Ajaran gnostisisme mangarusi bahwa dunia on fana janah bersifat sementara na berakhir bani hamateian sehingga lang tarjalo sidea adong hagoluhan na kekal. Halani ai hasintongan manurut ajaran on aima segala sesuatu na sesuai atau na boi ijangkau oleh pingkiran ni jolma janah lang tarjalo sidea ukuran hasintongan na legan termasuk Ambilan Na Madear halani lang tararusi ai secara logika berfikir..

2. Domu hujin Paulus patorangkon bahwa Tuhan Jesus aima ‘usihan ni Naibata na so taridah in, na parlobei tubuh humbani na tinompa’ (ay.15). Usihan ni Naibata maksudni: Ia aima Naibata na roh hu dunia on. Tujuanni ase marhitei na roh Ia marrupa jolma boi use iidah ampa itanda jolma in Naibata na so taridah ai. Memang anggo humbani diri ni jolma lang mampu be mangidah ampa mananda Naibata halani domma butak jolma in ibahen dosa sementara Naibata gok ibagas hapansingon. Ia do na parlobei tubuh humbani na tinompa, sedo maksudni Ia na itompa tapi patugahkon bahwa Ia do na manompa haganup na adong i dunia on, tanpa Ia lang adong dunia on.  Haganup na adong pitah bergantung hu-Bani janah marhadoban hu-bani (ay.16), maksudni: Ia aima Naibata na manontuhon ujung ni haganup na tinompa. Ia roh hu dunia on ase hadoban / keakanan ni jolma na dob maseda halani dosa boi dipulihkan kembali marhiteihon-Si, ase jolma in lang berakhir bani kefanaan tapi boi jumpahan goluh na kekal

3. Halani ai isobut do homa Tuhan Jesus sebagai ulu ni badan in, in ma kuria in (ay.17). Artini, marhiteihon-Si ma ipasada use jolma in hubani Naibata. Songon badan na sada bani ulu, sonin ma marhitehon-Si  jolma pardosa boi use sada pakon Naibata. Ihorjahon do ai marhitei na parlobei Ia tubuh humbani na matei (ay.18), maksudni: marhitei parmatei-Ni ampa daroh-Ni na madurus bani hayu parsilang, domma isaloseihon haganup dosa ni jolma. Haganup dosa ni jolma domma iampeihon hu-Bani janah iporsan do ai bani hayu parsilang (Ia sirsir manggantihkon uhuman na bani jolma). Halani ai na porsaya hubani Tuhan Jesus domma ipabayu janah isobut ma sidea bangsa ni Naibata, bangsa na dob ipapansing. Kuria aima na idilo humbani humpulan ni jolma pardosa gabe humpulan ni halak na mapansing. Sidea aima na dob ipadear Tuhan Jesus marhitei parmatei-Ni gabe lang adong be sihataon i lobei-Ni (ay.22). Lang adong be sihataon maksudni, domma ipaborsih humbani dosa janah domma marhatalupon use roh hubani Naibata. Isobut do homa sidea pagori ni Kristus, artini goluh ni kuria lang be berpusat bani dirini atap dunia on tapi domma berpusat hubani Kristus na paluahkon sidea.

4. Domu hujin ipangindo do kuria ase totap jonam anjaha toguh ibagas haporsayaon bani Ambilan Na Madear i tongah-tongah ni buei ajaran ampa pengaruh na sihol pakahouhon sidea (ay.23). I tongah-tongah ni na buei pandapot, pemahaman, ajaran na adong maka kuria ai maningon totap porsaya bahwa ajaran na sintong pitah Ambilan Na Madear do.

5. Refleksi

a. Dunia na ibagas hagolapan ampa dosa domma ipabayu marhitei idop ni uhur ni Naibata ibagas Kristus. Ia do Naibata na gabe jolma ase boi itanda hita use Naibata janah marhiteihon-Si talup use hita i lobei ni Naibata. Pokkut ma jolom hita haporsayaonta halani pitah Tuhan Jesus do dalan na ipasirsir Naibata banta hu haluahon.

b. I tongah-tongah ni na buei paham, ajaran na adong i dunia on jolom hita ma poltik Ambilan Na Madear. Sihol ma orientasinta bani ganup horja ampa goluh aima aha na sadalan hubani hata ni Tuhan. Jangan mau diombang ambingkan ajaran-ajaran sesat walau gati mantin tangaron ni pinggol.

c. Goluhta domma manuju hubani kekekalan halani holong ni Kristus. Pori pe ialami hita ope buei paruntolon ni goluh anggap hita ma ai sebagai dinamika hidup laho patorashon haporsayaonta.

d. Haporsayaon bani haluahon na dob ihorjahon Tuhan Jesus hubanta, aima na manggoki malas ni uhurta lobih humbani malas ni uhur na legan. Marhitei na sonin ma hita selalu memiliki semangat hidup bani berbagaai keadaan ni goluh on.

e. Haleluya 446 : 1 – 2 atau 454 : 1 – 2      

Read 231 times

Last modified on Thursday, 14/06/2018

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top