MENYIKAPI PARLAJOAN IBAGAS HAPORSAYAON (Sibasaon 06 Mei 2018 Jakobus 1 : 2 – 8)

MENYIKAPI PARLAJOAN IBAGAS HAPORSAYAON

Sibasaon 06 Mei 2018

Jakobus 1 : 2 – 8

1. Surat Jakobus marisi hal-hal na praktis, sonaha menerapkon hatani Tuhan bani goluh ari-ari, ulang pitah na manangar tapi gabe pelaku Firman. Ase surat Jakobus lobih menekanhon konsistensi antara haporsayaon pakon abak. Haporsayaon tanpa pambahenan na matei do ai (2:17). Haporsayaon tarbukti humbani parlahou. Surat Jakobus ialamatkon hubani kuria na marserak ijia. Marserak halani iparburu ampa iarsik halak na mangkagigihon hakristenon panorang ai.

2. Ambilanta on aima sipaingat sonaha bersikap na talup sanggah mandompakkon parlajouan / sitaronon. Nini, ‘hira nasiam ma in malas ni uhur tumang, anggo madabuh nasiam hubagas bagei ni parlajouan’ (ay.2). Alasanni aima halani ‘mangkorhon hasabaron do parlajouan na hubani haporsayaon’ (ay.3). Parlajouan isikapi secara positif. Mase? Lang tarolati anggo roh parlajouan tapi na boi ibahen aima menyikapi ase ulang maseda janah tompas ibahen parlajouan do. Bani na porsaya parlajouan isikapi sebagai kesempatan patoraskon haporsayaon. Parlajouan ai mangkorhon hasabaron. Hasabaron na imaksud ijon aima sikap na lang manolsoli na masa, lang mencari jalan alternatif lain gabe iparnalang use haporsayaonni. Sabar dalam arti mampu bertahan (bertekun) ibagas haporsayaon. Parlajouan imaknai sebagai kesempatan menguji ketangguhan iman. Halani ai parlajouan lang iidah sebagai ancaman tapi sebagai malas ni uhur do halani marhitei parlajouan ai do tarbukti kwalitas ni haporsayaon. Ambahni ai tubuh do homa keyakinan bahwa hatengeran do Naibata, seng paturuton-Ni hita lajouan lobih humbani gogohta, tapi rap pakon parlajouan ai bahenon-Ni do homa hadobanni, ase tartaron hita (1 Kor 10:13). Halani ai isobut use ‘hasabaron ai mangkorhon horja na gokan dear’ (ay.4). Horja na gokan dear maksudni aima: gabe talup ma hita isobut halak naporsaya, talup panean bani haluahon na humbani Tuhan.

3. Ase mampu menikmati parlajouan ai sebagai malas ni uhur iporluhon do uhur/hikmat na humbani Naibata. Artini, anggo lang mamakei hikmat na humbani Naibata pasti do parlajouan ai ianggap sebagai ancaman sehingga boi ipakei sibolis kesempatan ai laho parsedahonsi. Na sebenarni parlajouan aima sebagai kesempatan mambuktihon ketangguhan tapi anggo lang memiliki hikmat na humbani Naibata boi do parlajouan ai berakibat hubani kekalahan. Halani ai isobut ‘anggo adong itongah-tongah nasiam na hurangan bani hauhuron, ipindo ma ai hubani Naibata’ (ay.5). Hauhuron atap hikmat ai ningon ipangindo ibagas haporsayaon, ulang ragu atap mardua uhur (ay.6-8). Maksudni tubuh keyakinan bahwa markuasa do Naibata mampargogohi ampa pamonangkonsi mandompakkon parlajouan ai. Ia lang roh martonggo/mangindo ibagas uhur na ragu/sangsi. Artini, Naibata lang marosuh bani jolma na meragukan kuasa ampa holong-Ni. Ketika jolma in roh martonggo atap mangindo gogoh hu-Bani hape ia totap ibagas uhur na sangsi, lang jumpahsi ai. Ulang ma bani parsahap ia mandilo janah marhatengeran bani Naibata hape bani kenyataanni gok ibagas biar do ia. Sada sisi mangaku halak Kristen hape adong honsi otik pergumulan atap parlajouan mintor urah mandolei bahkan laho use manorihi solusi humbani kuasa na legan. Adong tong ibahen ‘ban serap’ humbani kuasa na legan, ia totap ‘marbaju dua lapis’. Halak na sonon ma na lang iharosuhkon Naibata.

4. Bahan Diskusi / Refleksi

a. Sonaha do gatinan pemahaman atap pangarusionta age kuria in anggo sipata roh sitaronon atap parlajouan bani goluh on ?

b. Sonaha do gatinan sikapta mandompakkon sitaronon atap parlajouan bani goluh on ?

c. Aha do na boi ibuat ham marhitei ambilan on na boi patoguhkon uhurmu sanggah idompakkon ham sitaronon atap parlajouan ? 

d. Haleluya 113 : 1 – 3 

Read 119 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top