UHUR HOLONG DO PASALOSEIHON PARSALISIHAN (Sibasaon 27 Oktober 2019 1 Korintus 6 : 1 – 8)

UHUR HOLONG DO PASALOSEIHON PARSALISIHAN

Sibasaon 27 Oktober 2019

1 Korintus 6 : 1 – 8 

1. Ambilan on aima sipaingat ni Paulus hubani kuria Korintus na ijia age hubanta panorang on pasal na marparkara. Ternyata i kuria Korintus panorang ai rentan do terjadi parsalisihan ampa parbolah-bolahan sesama sidea. Hal on terjadi halani buei na lang ra martoruh ni uhur, pasintong-sintongkon diri, rosuh mansalahkon hasomanni na lang sadalan pakonsi bahkan halak na lang sadalan pakonsi ianggap gabe munsuh, merasa lobih pentingan humbani halak na legan halani adong bani arta, kuasa ampa jabatan, pnl. Domu hujin gati do parkara ni sidea iboan hubani panguhum / peradilan pamarentah. Ternyata peradilan pe panorang ai sangat buruk janah lang boi pajongjongkon hasintongan. Doras do pengaruh ni KKN bani na mambahen haputusan bani sada-sada perkara. On do homa mambahen Paulus gati kaluar masuk penjara pori pe sasintongni lang adong salahni (Lah. 24:26-27). Pengadilan panorang ai umumni mambuat haputusan marhitei dalan na lang sintong halani keserakahan (litigasi). Hunjon boi ipetik hita parlajaran na harga janah gabe perenungan banta aima: Na gati parsedahon gereja (hakristenon) ternyata sedo ancaman na hun darat tapi humbagas gereja in sandiri do aima hauhuron ni kuria na lang be ibagas holong ampa hasintongan, na mambahen ukuran hasintongan lang be hata ni Tuhan tapi domma rosuhni bei. Sesungguhnya bukan orang lain yang banyak merusak agama kita tapi perilaku kita sendiri. 

2. Halani ai ipadas Paulus do singat-singat bani kuria ai na berupa sungkun-sungkun (8 sukkun-sukkun). Rimpun ni haganup sukkun-sukkun ai aima: mase domma ibotoh nasiam na madear tapi lang idalankon nasiam? Halani ai ma ase itegashon Paulus bahwa habadoron do ai anggo iboan sidea use parkara ni sidea hubani halak sipargeduk (ay.1,4,6). Mase? Halani sasintongni halak na pansing (kuria) in do namin na manguhumi dunia on (ay.2-3). Sangat memalukan jika di dalam gereja tidak lagi ditemukan kebaikan dan kasih karena sebenarnya tugas utama gerejalah adalah membawa damai kepada dunia. Halani ai anggo laho sidea mencari keadilan hu darat doskon na pabadorhon diri ni sidea do ai bahkan pabadorhon goran ni Tuhan halani seolah-olah lang mampu be hata ni Tuhan pasaloseihon masalah ni sidea hape sasintongni sidea do na lang sirsir mandalankon hata ni Tuhan.

3. Selanjutni ipertegas Paulus bahwa cara laho pasaloseihon masalah atap perkara na adong i tongah-tongah ni kuria aima anggo lambin marbanggal uhur holong ampa hasabaron. Bani ay.7 isobut: ‘Mase ma lang rahanan itaron nasiam na so pintor? Mase ma lang rahanan balosan nasiam hona rampas?’. Jesus sandiri pe mangajarhon do ase italuhon hajahaton marhitei na madear do (Mat. 5:39-42). Halani ai anggo domma isobut halak Kristen sasintongni lang be gabe sumber masalah marhitei horja na so pintor anjaha manrampasi (ay.8) tapi gabe sumber solusi ma marhitei na pataridahkon holong do.    

4. Anggo sonai salah do gareja (halak Kristen) marpengadilan? Balosni idasarhon hubani pertimbangan etis. Maksudni, maningon parlobei do iupayahon pasaloseihon masalah ai secara internal marhitei na secara bersama-sama sirsir terbuka janah mangakui hahuranganni bei sadalan hubani hasintongan ampa hata ni Tuhan. Pengadilan adalah pilihan terakhir aima anggo lalap adong ope pihak-pihak na lang ra mengakui hasalahanni. Tapi pori pe iboan hu pengadilan lang boi imotifasi oleh kebencian ampa domdom tapi demi menegakkan hasintongan do. Maningon takkas banta bahwa konteks pengadilan bani zaman Paulus marbeda do pakon pengadilan panorang on halani bani zaman Paulus pengadilan identik dengan kecurangan ampa ketidak-adilan. Halani ai do ase lang salah anggo adong pagori ni kuria in na berprofesi sebagai hakim, tapi kehadiran ni sidea bani horja ai pe maningon idasari biar hubani Tuhan janah laho mamboan hasintongan na humbani Tuhan.

5. Refleksi

a. Ase boi tubuh hasadaon maka haganup hita maningon sirsir ikoreksi atap sirsir anggo ipaingat hahuranganta. Ulang menutup diri hubani kritikan na membangun. Marsipaingatan ibagas holong menjadi dasar utama patubuhkon hasadaon ampa pasaloseihon masalah. Sikap kasih, sikap baik dan kesabaran adalah sikap yang paling ampuh untuk menyelesaikan masalah.

b. Ase ulang be tubuh prinsip ‘pajumpah i tanoh sigerger’. Sedo prinsip ni halak na porsaya ai. Luka tubuh dapat diobati dengan betadin atau obat luka lain, tapi luka hati hanya dapat diobati dengan kasih dan saling mengampuni.

c. Ase ulang ma hita pitah sama-sama senyum bani pardarat tapi ibagas uhur panas atap marsisogaman ope. Idahon songon na damei hape sasintongni ibagas marsipanganan uhur ope.

d. Anggo haganup hita mambere uhur irajai hata ni Tuhan pasti do lambin tubuh hasadaon halani ijai ma hita sirsir saling mangakui hahuranganta sehingga lambin magou ma parsalisihan. 

e. Haleluya No. 348 : 1 – 3.  

 

Read 1649 times

Leave a comment

Make sure you enter all the required information, indicated by an asterisk (*). HTML code is not allowed.

Go to top