UHUR NA PANTAS MAMBAHEN TORANG AGE NA GOLAP (Ambilan 18 Agustus 2019 1 Raja-raja 5 : 9 – 14 (Bibel) / 1 Raja-raja 4 : 29 – 34 (Alkitab))

UHUR NA PANTAS MAMBAHEN TORANG AGE NA GOLAP

Ambilan 18 Agustus 2019

1 Raja-raja 5 : 9 – 14 (Bibel) / 1 Raja-raja 4 : 29 – 34 (Alkitab)

 

1. Bani na ipangindo Salomo uhur na pantas / hapentaran humbani Naibata (1 Raja-raja 3:9), on pataridahkon pribadi ni Salomo bahwa harganan do bani uhur na pantas atap hauhuron marimbang atap aha pe. Uhur na pantas bani bahasa Heber aima ‘hokma’. Artini hata on lang sekedar hapentaron atau ilmu tapi lobih hunjai aima kemampuan laho mambotoh aha do na madear na iharosuhkon Naibata ; sekaligus kemampuan laho mangkagoluhkon na madear ai janah manimbili haganup na lang madear. Marhitei pangindoan ni Salomo on, ia sihol ase haganup goluh ampa horjani boi romban hubani harosuh ni Naibata. Salomo memiliki prinsip: halak na maruhur sedo anggo boi jolma in pasaudkon rosuhni sandiri tapi anggo rosuh ni Naibata saud bani goluhni do. Halani ai Salomo gabe jolma na mardohar sedo halani ipabanggal-banggal dirini tapi halani ipatoruh do dirini i lobei ni Naibata janah sirsir mandalankon rosuh ni Naibata. Halak na pentar aima anggo tubuh panandaion diri bahwa tanpa pambobai ni Naibata lang mangasup bani haganup horja. Sekaligus memiliki prinsip bahwa pitah Naibata do hansa na boi mangurupi ase ulang tarbador mandompakkon bagei ni tanggungjawab termasuk pergumulan. Halani ai halak na pentar ipadaoh do dirini humbani sagala hajahaton atap rosuh-rosuh ni dunia on.

2. Domu hubani pangindoan ampa prinsip na imiliki Salomo, ilayak-layakkon Naibata do bani hapentaran pakon pangarusion na bagas tumang pakon buei pambotoh, usih songon horsik na i topi laut bueini (ay.9), artini: lang habilangan janah lang tarsuhati hapentaran ai, ia mampu manimbangi haganup persoalan na adong dengan bijak. Hatahonon, masalah na lambin marbanggal aima sada bukti lape memiliki hapentaron na humbani Naibata. Salomo sebagai raja (pimpinan) mampu pasaloseihon haganup masalah ni bangsa ai halani sirsir ia iparuhuri Naibata. Ganup masalah boi do tarsaloseihon anggo mamakei hapentaran na humbani Naibata.

3. Ipatugah do homa bahwa iatasi hapentaran ni Salomo ma hapentaran ni sagala halak parhapoltakan pakon hapentaran ni halak Masir ; Pentaran ia humbani ganup jolma, pentaran hun bani si Etan, Heman, Kalkol ampa si Darda gabe tarmurmur ma ia bani ganup bangsa sipajuh begu-begu ingot (ay.10-11). Piga-piga goran na isobut ijon lang pala takkas ipatugah bani Padan Na Basaia, tapi sidea on tergolong hubani halak na pentar (1 Kronika 2:6). Hatahonon, Salomo gabe halak na tang sipentaran ibahen Naibata. On sihol mangajarhon bahwa hapentaran na humbani Naibata mangatasi haganup hapentaran na adong i tanoh on. Sihol homa mangajarhon atau mangojur ase sirsir haganup jolma marpangguruan pitah hubani Naibata.

4. Ruang lingkup hapentaran na ijalo Salomo humbani Naibata meliputi haganup sendi-sendi pargoluhan na adong i tanoh on bahkan dihut mangarusi pasal suan-suanan, pinahan, manuk-manuk, gilok-gilok pakon dengke (ay.13). Hapentaranni ai nyata homa marhitei na mambahen buei umpama ampa doding (ay.12). Artini, iarusi Salomo do haganup rusia pasal atap aha pe na adong i tanoh on. Domu hujin ma hapentaranni ai terpadu atau lengkap (meliputi ganup lini goluh ni jolma ampa haganup na tinompa) na iungkaphon Salomo marhitei umpama ampa doding. Haganupan umpama ampa dodingni memiliki pangajaran na bernilai tinggi na sangat marguna janah boi ipakei jolma na manangar. Marhitei hapentaran ai lang adong masalah ni bangsa ai na lang boi ibalosi atau ipasalosei Salomo sebagai raja. Sanggah kepemimpinan ni raja Salomo ma ialami bangsa Israel zaman keemasan atau kemakmuran na tarmurmur sehingga bangsa na legan pe longang mangidah sidea. Bahkan raja-raja na i tanoh on pe marrohan do sihol mambogei hapentaran ni Salomo (ay.14). Salomo na manjalo hapentaran humbani Naibata gabe siparpodah bani ganup raja-raja na i tanoh on. Ia lang pitah siparpodah tapi na parlobei manjalo podah ampa mandalankon podah do homa. 

5. Refleksi

a. Siharganan atau prioritas na ipangindo Salomo humbani Naibata aima uhur na pantas (pasu-pasu hauhuron) na boi membentuk hauhuronni, goluhni ampa cara pandangni. On porlu gabe refleksi banta halani lang otik jolma lobih mamorluhon pasu-pasu pardagingon daripada pasu-pasu hauhuron. Halak na sonon ma na gati memiliki pasu-pasu pardagingon tapi goluhni lalap bulinsah. Sasintongni anggo uhurta domma marisi hapentaron na humbani Naibata ijai do homa boi ibotoh hita rencana ni Naibata na luar biasa bani goluhta.

b. Bani haganup keadaan ni goluhta anggo ipakei hita do hauhuron na humbani Naibata pasti do jumpah hita jalan keluar. Kehadiranta pe boi ma homa gabe siparpodah marhitei na padaskon hapentaran na humbani Naibata hubani halak na legan. Kehadiranta lang be gabe sumber masalah tapi mubah ma gabe sumber solusi.

c. Porlu hita pangkei halani boi do sasada halak marpodah bahkan marambilan pasal hata ni Naibata tapi sasintongni ia sandiri pe lape mamparuhurhon ampa mangkagoluhkon podah ai. Bahkan goluhni boi use gabe partolsuan bani halak na legan. Anggo raja-raja na i tanoh on roh hubani Salomo aima halani ia domma memiliki pribadi na parlobei ibentuk atau iisi podah na humbani Naibata.

d. Anggo adong pergumulanta janah sihol hita manjalo panorangion ampa pangurupion, hubani ise do hita roh? Roh ma hita hubani Naibata janah paturut hita ma uhurta iparuhuri Naibata ase iubah na golap gabe na lihar, uhur na bulinsah gabe sonang, pusok ni uhur gabe malas ni uhur.

e. Anggo roh halak na legan hubanta sihol ma namin dapotan sidea bani hapentaran na humbani Naibata halani goluh ampa parsahapta domma diwarnai oleh hapentaran na humbani Naibata.

f. Haleluya No.  207 : 1, 2, 4  

Read 795 times

1 comment

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top