2. Haporsayaon do mambahen ialamatkon jolma tonggoni hubani Naibata halani domma itanda Naibata. Tonggo aima pengakuan bahwa pansing janah Raja Siparkuasa do Naibata (2). Halani ai ipangindo do ase rosuh ni Naibata na saud bani goluhni sipartonggo (2). Jadi tonggo lang ase ipasaud Naibata rosuhta tapi ase rosuh ni Naibata terjadi banta do. Ihaporsayai bahwa botohan do Naibata manontuhon na madear sehingga na ipangindo aima: sai saud ma harosuh ni uhur-Mu. Ihaporsayai do homa bahwa Naibata do na pasirsirhon bohal ari-ari sehingga ipangindo do holong ni Naibata mansarihon goluhni. Goluh ari-ari (hari ini) sihol mangajarhon bahwa tiap ari do iporluhon partonggoan. Sekaligus mangajarhon tiap ari do ningon martarimakasih hubani Naibata halani tiap ari do sibere-bere-Ni. 

3. Halani pansing do Naibata, maka sipartonggo ningon menyadari bahwa na lang talup ia roh hu lobei ni Naibata. Halani ai ipangindo do hasasapan ni dosa hubani Naibata. Sekaligus homa tubuh hasirsiron manasap dosa ni hasoman. Artini, holong ni Naibata maningon iapataridahkon homa hubani halak na legan marhitei na sirsir mansap dosa ni hasoman. Secara hajolmaon lang mampu hita manasap dosa ni hasoman na mardosa dompak hita, halani ai ipangindo do ase ulang ibobai ia hu parlajoan, maksudni: ase ipargogohoi Naibata ia manaluhon husip ni sibolis atau hisap ni pardagingon, ase mampu ia manasap dosa ni hasoman janah tongtong margoluh hapansingon.  

4. Halani ai isuruh do na porsaya mangindo, mamindahi ampa mangkartuki marhitei tonggo. Igambarhon do on hubani sahalak na roh borngin-borngin mangindo pangurupion humbani hasomanni na dob modom. Roh do ia age borngin hu rumah ni hasomanni ai ase ulang tarbador ia bani huan-huan / tamuni. Borngin pataridahkon sesuatu na porlu tumang, mendesak. Artini: tonggo merupakan kebutuhan na mendesak, porlu tumang. Songon na sahalak ai akan tarbador i lobei ni tamuni anggo lang roh ia mangindo pangurupion bani hasomanni, sonai ma jolma na lansei martonggo gabe tarbador. Halani igogohkon mangindo pangurupion gabe ibuka do labah janah ibere na porlu bani. Sonin ma na porsaya ningon gogoh atau torus ibagas pongkut ni uhur martonggo hubani Naibata. Naibata dihut do mangidah pongkut ni uhur ampa haporsayaonta roh hu-Bani. Pongkut ni uhur ai tubuh halani ihaporsayai pitah Naibata do na boi pasirsirhon na porlu ase ulang tarbador. Sadar bahwa tanpa campur tangan ni Naibata soya do haganup. Hatahonon, Naibata selalu terbuka mangurupi halak na porsaya. 

5. Selanjutni igambarhon do hubungan ni Naibata pakon jolma hubani holong ni bapa hubani anakni. Sahalak bapa selalu marusaha membere yang terbaik bani anakni. Holong do tongon uhur ni bapa bani anakni tapi halani jolma do ia lang tarbahensi mansuhuni ganup na porlu janah lang mampu ia mambotoh haganup na porlu bani anakni. Tapi Naibata markuasa do mambere haganup na porlu bani jolma. Ibotoh do aha na madear sibahenon-Ni bani na porsaya. Naibata lang ongga lepak mambere sidearan bani jolma. Jawaban ni Naibata selalu jawaban yang terbaik demi hadearonta.

6. Naibata lang pitah mambere kebutuhan jasmani tapi dihut homa kebutuhan rohani aima Tonduy Na Pansing. Maksudni, Naibata sirsir hadir atau riap pakon na porsaya bani ganup keadaan marhitei Tonduy-Ni. Tonduy ai mangajari jolma bahwa bagei do cara ni Naibata mansarihon ampa paluahkon.  Tonduy ai mambahen torang pangidah bani na lang boi iidah mata. Tonduy ai patubuhkon pangarapan bahwa haganup do manumpak hu hadearon anggo riap pakon Naibata. Halani ai jalan sulit lang be ianggap sebagai ancaman tapi kesempatan mangidah ampa mangahapkon pangurupion ni Naibata. Yakin bahwa lang ipaturut Naibata tompas halak na marhatengeran hu-Bani.

7. Refleksi

a. Mencari perlindungan kepada Tuhan atau kepada dunia? Mencari Tuhan mendapat kebahagiaan tapi dunia tanpa Tuhan bisa jadi ancaman. Anggo sihol hita jumpahan gogoh ampa na madear carani roh ma hubani Naibata. Ulang terbalik halani mamparayak haporluan ni goluh gabe itadingkon hita Naibata. Gok bani kuasa ni Naibata do haganup dunia on ampa haporluanta.

b. Porlu ibagas tenger ni uhur roh hubani Naibata, ulang marduaan atau ibagas uhur sangsi. Maruhur sangsi mararti meragukan kuasa ni Naibata. Lang marosuh Naibata anggo iraguhon hita kuasa-Ni. Ulang ma homa adong ‘ban serap’ atau marbaju dua lapis hita.

c. Ase bani haganup na masa, malas ni uhur age paruntolon, dalanta ma ai padohorhon diri ampa marondos bani Naibata. Ningon isadari hita anggo humbani gogohta sandiri lang mampu hita mandalani goluh on.

d. Haleluya 262 : 1, 3, 5