2. Sasintongni paima na masa on domma dua hali ipatuduhkon Tuhan Jesus diri-Ni bani susian. Haganupan ai bertujuan laho meyakinhon sidea bahwa sintong do domma puho Ia humbani na matei. Sidea na riap hinan pakon-Si, ai do homa na iparjumpahkon dob puho Ia. Ipataridahkon do homa kuasa-Ni i lobei ni susian marhitei tanda-tanda halongangan dob puho Ia. Tujuanni ase takkas ibotoh sidea bahwa Ia na dob itanda sidea hinan paima matei na gok ibagas kuasa, Ia do homa na manjumpahkon sidea age dob puho. Halani hubani jolma na sarupa do ipataridahkon Tuhan Jesus diri-Ni, on gabe bukti bahwa sintong do Ia Tuhan Jesus na dob matei janah na dob puho humbani na matei. Panandaion ni susian pasal Tuhan Jesus porlu takkas. Mase? Halani sidea ma use holi na iutus manaksihon parpuhoon-Ni ai bani sab tanoh on. Anggo sidea pe ragu ope bani parpuhoon ampa hamonangan ni Tuhan Jesus tontu lang mungkin boi sidea manaksihon parpuhoon ai bani dunia on. Marhitei na masa ai Tuhan Jesus sedang mempersiapkon sidea laho marsaksi, manaksihon parpuhoon ampa hamonangan-Ni bani dunia on.

3. Na masa ai sekaligus bertujuan laho mangubah pingkiran ni susian bahwa sasintongni sidea iutus lang gabe sipanjala dekke tapi gabe sipanjala jolma do. Anggo bani na masa ai boi dapot sidea buei dekke lang pala marhangaluton, sekaligus do ai mambere pangajaran ase ulang pala haru uhur ni sidea pasal atap aha pe haporluan ni sidea bani horja marsaksi halani totap do isarihon Tuhan in sidea.

4. Bani ay.12 ipatugah do sonaha susian ai longang halani ibotoh sidea bahwa Tuhan Jesus do na manjumpahkon sidea tapi seng dong na pag manungkunhon pasal Ia. Menjawab keadaan ai ibuat Tuhan Jesus ma ruti ai pakon dengke ai janah ipamberei ma bani sidea. On paingatkon sidea bani aha na ongga ihorjahon Tuhan Jesus manupiki ruti janah mambere ai bani susian. Tujuanni laho pahotkon uhur ni susian bahwa Ia na rap hinan pakon sidea paima matei Ia, Ia do homa ai na manjumpahkon sidea dob puho humbani na matei. Bedani aima, Ia domma manaluhon hamateian. Peristiwa ai gabe golpa-golpa ase ulang be tubuh uhur ni sidea bahwa status ampa horja ni sidea sebagai susian domma berakhir. Nuan sidea ipersiapkon manoruskon horja ai marhitei na manaksihon Tuhan Jesus na dob puho manaluhon hamateian ampa dosa hubani dunia on.

5. Refleksi

a. Sintong do domma puho Tuhan Jesus humbani na matei. Parpuhoon-Ni ai mambere hagoluhan ampa haluahon hubani na porsaya. Lang markuasa be hamateian bani na porsaya. Lang sihabiaran be hamateian halani sedo hamateian ujung ni goluh ni sidea tapi parpuhoon ampa hagoluhan sisadokah ni dokahni do.

b. Pangkaporsayaionta bani hamonangan marhitei parpuhoon ni Tuhan Jesus, ai do na mendorong hita gabe mangahapkon siparutang do homa hita laho manaksihon haluahon ai bani dunia on. Sasintongni haganup hita iutus do gabe sipanjala jolma marhitei na dihut manaksihon Tuhan Jesus bani dunia on marhitei hata age goluhta.

c. Ulang ma halani porlu ni uhurta bani ‘dekke’ atau arta na i tanoh on gabe lupa atap itadingkon hita  haluahonta ampa tugas utama na iondoskon Tuhan Jesus hubanta aima gabe sipanjala jolma.

d. Haleluya 70 : 1 – 3 

6. Diskusi

a. Mase porlu tumang hita manaksihon haluahon pasal Tuhan Jesus hubani dunia on?    

b. Sonaha do hita manaksihon hamonangan ampa parpuhoon ni Tuhan Jesus ai hubani kuluarga age hubani hasoman na legan?