MARJAGA-JAGA PAIMAHON PARROH NI TUHAN (Ambilan 14 April 2019 Matius 25 : 1 – 13)

MARJAGA-JAGA PAIMAHON PARROH NI TUHAN

Ambilan 14 April 2019

Matius 25 : 1 – 13 

1. Limbaga aima salah sada cara ni Tuhan Jesus laho mangajar dengan tujuan ase urah iarusi na mambogei. Ambilan on aima pangajaran pasal Harajaon ni Naibata na ipausih (ilimbagahon) hubani anak boru na mangalo-alo siparunjuk. Bani pesta parunjukon ijia, acara iawali pengantin dalahi manrohi pengantin naboru janah pengantin naboru bersiap manjalo/menyambut pengantin dalahi, selanjutni iadongkon ma pesta selama 7 ari.

2. Sonin ma ilimbagahon Tuhan Jesus pasal harajaon ni Naibata, adong 10 halak naboru na mangalo-alo siparunjuk. Bani limbaga on ipatugah bahwa ganup do naboru ai marsiboan suluhni tapi 5 halak do na pasirsirhon parbohalan minak na cukup tapi na 5 halak nari lang mamboan minak sobali na adong bani suluh ai. Ternyata dokah do ase roh siparunjuk ai sehingga suluh ni naboru na lang mamboan minak ai mulai ma miloh. Terjadi do parsahapan antara naboru na 10 ai. Naboru na lang mamboan bohal minak mangindo ase ibagi minak bani suluh ni sidea. Tapi ibalosi na lima ai ‘Lang! seng sukkup holi bannami ampa bani nasiam. Dearan ma boli nasiam bani nasiam humbani panjual minak’ (ay.9). Sanggah laho na lima ai mamboli minak, roh janah masuk ma siparunjuk na legan ai hu pesta parunjukon janah itutup ma labah. Roh ma use naboru na lima nari ai mandilo ‘Ham tuan, ham tuan, buha ham ma labah on bannami’. Ibalos ma sidea ‘seng hutandai hanima!’. Janah bani panutup ipatugah Tuhan Jesus ma rimpun atau makna pengajaran bani limbaga on: ‘Halani ai jaga ma hanima, ai seng ibotoh hanima arini pakon panorangni’ (ay13). 

3. Domu bani limbaga on boi ma dapot hita piga-piga pesan atau refleksi:

a. Siparunjuk aima Tuhan Jesus na sihol roh padua-halihon hu dunia on janah jolma in igambarhon hubani naboru na 10 ai. Panorang goluh i dunia on aima kesempatan bersiap paima-imahon parroh ni Tuhan padua-halihon. Bersiap mararti totap idompakkon hita uhur ampa goluhta hubani Tuhan. Lang homa torus ibere banta kesempatan manggoluh i dunia on janah lang ibotoh hita sadihari parroh ni Tuhan ai. Halani ai porlu bani ganup panorang bersiap atau berjaga-jaga marhitei na mempersiapkon minak ni haporsayaon ase gara totap haporsayaon ai, janah marbuah marhitei biak-biak na madear na sadalan bani hata ni Tuhan. Na setia das hu ujungni ai do na jumpahan haluahon.

b. Bebas do jolma mamilih sikap hidup i dunia on tapi aha pe pilihani domma ipatugah konsekwensini. Ningon humbani kesadaranta sandiri do mangihutkon Tuhan. Na pasti domma ipadas banta hata ni Tuhan na patugahkon pesta parunjukon aima haluahon ai. Sonari  tergantung hubanta ra atau lang porsaya janah mangkagoluhkon hata ai. Hatahonon, lang tarpaksahon halak na legan bujur janah porsaya. Tugasta paingatkon atau marsipaingatan do ase lambin sirsir haganup marjaga-jaga marhitei na manggoluh bani hata ni Tuhan. Ulang ma namin pitah sanggah i dunia on hita riap pakon hasomanta, keluarganta hape bani parroh ni Tuhan ai gabe marsirang. Masing-masing do hita martanggungjawab i lobei ni Tuhan, lang boi marsiboncengan, lang boi mangajamhon minak atau habujuron ni hasomanta.  

c. Pori pe sama-sama mamboan suluh naboru na 10 ai tapi lang haganup pasirsirhon minak. Sihol mangajarhon bahwa hakristenon lang cukup pitah simbol tapi meliputi hauhuron ampa goluh do. Ulang ma hakristenon na miloh halani berbagai na masa, tapi hakristenon na marsinondang janah na marbuah ma. Memang anggo sepintas idahon boi do songon na sarupa parjahat pakon parpintor, sama-sama mamboan suluh (sama-sama tartawa, modom, mardalani, marminggu, pnl) : Tapi perbedaan on boi takkas taridah misalni sanggah mandompakkon sitaronon. Parpintor pori pe mandompakkon sitaronon totap do marhasabaron, lang mungut-ungut, lang mandolei tapi totap marpangarapan bani Tuhan, tapi anggo parjahat urah do madabuh hubagas dosa. Boi do homa ai age bani na marayak sura-sura. Parpintor totap do mamparayak sura-sura ibagas rosuh ni Tuhan tapi parjahat lobih mangutamahon hisap ni daging ampa dunia on. 

d. Anggo sadokah i dunia on boi do seolah-olah sarupa ulih ni parjahat ampa parpintor. Tapi bani parroh ni Tuhan ai marbeda do ulih sijaloon ni sidea. Hatahonon orientasi hidup ni parpintor lang pitah dunia on tapi lobih hunjai aima hagoluhan na manongtong ai do. Halani ai hargahon hita ma panorang goluh i dunia on lang pitah patumpuhon arta na i dunia on tapi dihut ma patumpuhon arta i nagori atas marhitei na marbiak nagori atas goluhta age sanggah i dunia on. Seleksi bani parroh ni Tuhan ai sedo ise sigijangan i dunia on tapi ise na totap setia mangkagoluhkon hata-Ni do. Totap ma jaga lambin marurat ma goluhta bani hata ni Tuhan.

e. Haleluya 184 : 1 – 3 

Read 289 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top