NA UBAH MA PARLAHOU ULANG SONGON SAPARI (Epistel 14 April 2019 Sakaria 12 : 10 – 14)

NA UBAH MA PARLAHOU ULANG SONGON SAPARI

Epistel 14 April 2019

Sakaria 12 : 10 – 14 

1. Nabi Sakaria marhorja dob habuangan Babel janah isi ni buku Sakaria buei marisi pangidahan (nubuat) na iungkaphon marhitei bahasa sastra na paingatkon pasal holong ni Naibata bani bangsa-Ni. Dob habuangan Babel iojur do bangsa ai ase semakin menyadari dosa-dosa ni sidea na manuju hubani hamubahon ni uhur, ulang songon ompung ni sidea na padaohkon diri humbani Naibata mambahen sompat tarbuang hu Babel. Iarapkon do ase masa lalu ni bangsa ai boi gabe ‘sekolah iman’, belajar dari sejarah atau pengalaman sehingga lang madabuh hubani keadaan na sarupa. Sekaligus sihol membangun tekad na baru ase lambin sintong manggoluh sebagai bangsa ni Naibata. Anggo sadokah on sidea gati mambahen terluka hati Tuhan gabe berobah menjadi na menyukakan hati Tuhan.

2. Bani bindu 12 ipatugah do sonaha Naibata sihol membangun kembali huta Jerusalem na dob maseda paska habuangan Babel. Sidea na dob tarbador hinan ipaubah use gabe jumpahan malas ni uhur. Tapi perobahan fisik huta Jerusalem maningon do iikuti oleh hamubahon ni uhur. Halani ai isobut ‘useohonon-Ku ma bani ginompar ni si Daud ampa bani pangisi ni Jerusalem tonduy paridop ni uhuran ampa partonggoan’ (10). Tonduy paridop ni uhuran martujuan ase lambin ihaporsayai sidea holong ni Naibata na paaluahkon sidea, Tonduy partonggoan ase lambin terbangun relasi ni sideaa na dear pakon Naibata marhitei kesetiaan mambaalosi-Si. Tonduy ai ma mambobahon sidea hubani panolsolion dosa masa lalu janah na mambobahon sidea use margoluh na baru na marhabiaran bani Naibata. Na sadokah on sidea manulak bahkan mamunuh utusan ni Naibata na padaskon hata-Ni, nuan isolsoli sidea ma ai. 

3. Panolsolion ni dosa ai ma mambahen sidea gabe tangis (ay.11-14). Tangis patugahkon panolsolion na bagas tumang, lang berpura-pura. Na itangisi aima haganup dosa masa lalu sehingga tubuh ma panolsolion bani dosa ai. Marhitei na sonai ma sidea boi memasuki babak baru marhitei na ibangun use relasi na dear hubani Naibata. Bahkan partangison ni sidea ipausih do songon partangison pasal Hadad Rimon i habuangan Megiddo (ay.11).  Hadad Rimon aima ianan parsombahon ni dewa-dewi Kanaan na i habungan Megiddo. Bani ianan ai ma raja Israel, Josia, na ikenal sebagai tokoh reformasi parugamaon ni Israel matei sanggah marporang pakon halak Masir. Panorang ai gok partangison do halak Israel halani parmatei ni raja Josia. Halani ai partangison pasal parmatei ni Josia sangat somal do idalankon bangsa ai (2 Kronika 35:25). Marhitei na ipausih hubani partangison Hadad Rimon, sihol mangkatahon panolsolion na bagas bani haganup dosa-dosa ni sidea. Tangis sekaligus mambere pemahaman bahwa sasintongni marhitei dosa ai sadokah on sidea domma berperan mamantom atau melukai uhur ni Naibata. Allah jadi terluka halani hajahaton ampa dosa ni bangsa ai. 

4. Sekaligus do homa ambilan on nubuatan atau bagah-bagah pasal kehadiran ni Mesias na ipantom halani dosa-dosa ni jolma. Haganup jolma na mangidah Mesias na tarpantom ai maningon do tangis mardingat dosa-dosa ni sidea, bahwa halani dosa ni jolma do ase tarpantom janah ibunuh Ia. Ase sobali manangisi sitaronon ni Mesias, na paling porlu bani jolma aima manangisi dosa-dosani do. Haganupan on bertujuan ase tubuh hamubahon ni uhur. Halani ai ambilan on ipahami halak Israel do homa sebagai teks mesianik pori pe secara fakta das bani sonari lape tarjalo sidea bahwa Tuhan Jesus do sasintongni Mesias ai. 

5. Tangis do sidea pulig mar sasaompung (ay.12-14). On sihol mangkatahon bahwa panolsolion marhitei partangison ai ningon fokus mangidah diri atau dosani bei janah tubuh panolsolion pribadi na bagas. Sekaligus mangkatahon bahwa perobahan na banggal iawali humbani perobahan diri sandiri, kelompok mar sasaompung, pakon satorusni. Sekaligus mangajarhon bahwa masing-masing ningon menyadari dosa ni bei, lang pitah mangidah dosa ni halak tapi na parlobei ningon mangidah dosani janah manolsoli ai. Hatahonon, haganup ikut ambil bagian bani partangison  panolsolion dosa ai halani haganup jolma domma madabuh hubani dosa.

6. Refleksi

a. Na ija do gatinan sikapta: manangisi/manolsli dosa atau domma gabe hampung uhurta mangkorjahon dosa? Lang gendo pangarusionta pasal na sintong pe lang be iukur humbani rosuh ni Naibata sehinnga na sintong gati isalahkon hita janah na salah ianggap hita use ai na sintong? Sirsir manolsoli dosa menjadi awal perobahan sehingga goluhta lambin bayu i lobei ni Naibata.

b. Domma ipaondos Naibata banta Tonduy-Ni laho mangajari hita mananda pakon manimbili dosa. Marguru ma hita totap bani Tonduy ai ase bani berbagai perobahan ampa keadaan na berubah-ubah totap hita gabe harosuh i lobei ni Naibata.

c. Domma tarpantom janah tarbunuh Tuhan Jesus halani dosanta. Talup ma hita merenungkon banggal ni holong ni Tuhan na sirsir manasap dosanta. Ulang ma pitah isobut hita goran ni Tuhan hape goluhta totap ope irajai dosa.

d. Haleluya No. 238 : 1 – 6   

Read 409 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top