TUHAN DO PAMONANGKON HITA (Sibasaon 21 April 2019 Psalmen 21 : 1 – 7)

TUHAN DO PAMONANGKON HITA

Sibasaon 21 April 2019

Psalmen 21 : 1 – 7 

 

1. Raja bani halak Israel memiliki peran penting sebagai pemimpin agama ampa pemerintahan. Raja na marhabiaran bani Naibata mambahen bangsa ai pe gabe sipambalosi bani Naibata na berdampak hubani kesejahteraan rakyat. Hadearon ampa hasedaon ni bangsa ai sangat bergantung hubani relasi na dear atau lang hubani Naibata halani pitah Naibata do sumber ni keamanan ampa kesejahteraan.

2. Ambilan on aima hasaksian ni Daud sebagai raja pasal holong ni Naibata. Marhitei holong ni Naibata do boi italuhon Daud si Goliat, boi ia terluput humbani rencana jahat ni Saul bahkan boi ia mamimpin sada bangsa na banggal, Israel. Anggo humbani perhitungan ni jolma na talup ma namin matei ia manlawan si Goliat ampa rencana jahat Saul, tapi halani holong ni Naibata ipaluah janah ipamonang do ia. Daud sadar bahwa haganupan ai sedo halani gogohni tapi pitah halani idop ni uhur ni Naibata do. Halani ai na ipabanggal sedo goranni sebagai raja tapi goran ni Naibata do. Panandaion ampa haporsayaonni bertumbuh seiring hubani holong ni Naibata. Iakuhon janah isaksihon bahwa Raja na marhamonangan do Naibata janah gok Bani do sagala kuasa.

3. Kuasa ni Naibata meliputi haganup lini hidup bahkan lobih humbani na boi ipingkiri Daud ; Pasu-pasu, hatunggungon ampa hahormaton, umur na ganjang ampa hagoluhan na sadokah ni dokahni (ay.3-6). Itanda janah isaksihon Daud, Naibata aima Siparkuasa ampa Siparholong na sari hubani jolma na roh hu-Bani. Daud memiliki prinsip: mangajamhon holong ni Naibata margogoh do ia mandompakkon haganup na masa. Lang sihabiaran musuh age na masa anggo domma marhatengeran bani Naibata. Naibata do na pamonangkon ampa na pasirsirhon malas ni uhur bani.

4. Halani ai na terungkap humbani Daud aima ucapan syukur laho pasangapkon Naibata. Daud lang ra mencuri hasangapon ni Naibata. Tapi iondoskon do goluhni ampa bangsa ai ase totap ibagas pangkasomanion ni Naibata. Ia lang ongga marhatengeran hubani aha na adong bani halani isadari bahwa Naibata do sumber ni haganupan ai. Lang lingot uhurni bani Naibata halani sibere-bere ni Naibata. Ihargahon janah ipakei do haganup sibere-bere ni Naibata laho pasangapkon goran ni Naibata. Daud lang pitah sirsir menikmati pasu-pasu ni Naibata tapi sirsir do homa martarimakasih ampa pasangapkon Naibata. 

5. Isadari Daud do homa bahwa pangkasomanion ampa pasu-pasu na ibere Naibata memiliki makna ase boi homa ia gabe parhiteian ni pasu-pasu ni Naibata bani na legan, bangsa Israel (ay.7). Nyata do on halani sadokah pamarentahan ni Daud itandai sebagai zaman kemakmuran janah bangsa ai marhabiaran bani Naibata. Raja atau pemimpin na marhabiaran bani Naibata mamboan hadearon ampa pasu-pasu tapi raja na lang marhabiaran bani Naibata mamboan hasedaon bani na ipimpinni. Kesadaran bani tanggung jawab na sonin ma Daud marusaha manjaga dirini ase sintong i lobei ni Naibata.

6. Dalam rangka pesta pardingatan parpuhoon ni Tuhan Jesus, ambilan on paingatkon hita bahwa Raja na marjumbalang do Naibata na igoki marhitei Tuhan Jesus na marhamonangan manaluhon hamateian ampa dosa. Haganupan in ibahen Naibata halani holong-Ni bani jolma. Marhitei Tuhan Jesus na setia sipambalosi bani Bapa-Ni gabe dihut hita dapotan ulih aima haluahon halani domma italuhon musuh na sihol mangagou hita aima sibolis, dosa ampa hamateian. Domu hujin ma ipindo ase goluhta totap pasangapkon Naibata marhitei na totap sipambalosi bai hata-Ni. Lang tarpangajamhon hita age aha pe anggo humbani dirinta, pitah mangajamhon holong ni Naibata do ase maluah hita. Marhitei na sonin ma kehadiranta boi homa songon Daud mamboan pasu-pasu bani dunia on marhitei na manaksihon haluahon ai marhitei hata age pambahenanta. Mangajamhon kuasa hamonangan na humbani Tuhan in tartaluhon hita do sagala pangagou na sihol parsedahon uhur age goluhta.

 

7. Refleksi

a. Antara mambalosi dunia on pakon mambalosi Tuhan gabe persimpangan atau pilihan na sangat manontuhon bani hadearon ampa hasedaon banta. Mamilih mambalosi Tuhan, ijai ma jumpah hita pasu-pasu ampa haluahon. Sipaoto-oto do haganup sora ni dunia on. 

b. Jolma na dob manjalo pasu-pasu ampa haluahon humbani Tuhan, goluhni ningon ma pasangapkon goran ni Tuhan in. Ulang ma pitah hatanta mamuji tapi goluhta pahirihon goran ni Naibata.

c. Halani domma gabe jolma na harga janah marguna hita ibaen Naibata, sihol ma homa goluhta gabe na marguna bani dunia on marhitei na setia pataridahkon horja holong ampa paridop ni uhuran. Marhitei na sonin ma hita domma dihut manaksihon haluahon ai. Ulang ma kehadiranta mamboan hageoron i kuria, keluarga age masyarakat.

d. Haleluya No. 71 : 1, 3 

Read 174 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top