2. Bani ay.1-3, isaksihon do bahwa Naibata aima na markuasa paluahkonsi humbani munsuh. Halani ai sikapni ketika terancam: ‘Hu-Bamu  do Jahowa, hudompakkon tonduyhu’ (ay.1), ‘hu-Bamu do ahu martenger ni uhur’ (ay.2). Ia lang mangajamhon gogohni atau mangindo pangurupion bani na legan, tapi marondos pitah hubani Naibata. Sikap on tubuh halani ihaporsayai seng anjai tarbador sagala na marnalom ni uhur hubani Naibata (ay.3). Hatahonon, panandaion ampa pangkaporsayaion na sintong bani Naibata menjadi kekuatan na tangguh bani par-psalmen ketika mandompakkon hamaholon. Haporsayaonni ai mambahen ia lang holsohan atau putus asa pori pe aha na masa.

3. Bani ay.4-5, ipatugah do homa sihol ni uhurni marlajar janah mardalan bani hata atau pangajarion ni Naibata. Ternyata ia lang pitah sirsir iurupi tapi sirsir do homa marlajar janah mardalan bani hata ni Naibata. Mase? Halani ihaporsayai bahwa gogoh ampa haluahon ai boi jumpahsi pitah bani dalan na ipatuduhkon Naibata do. Artini, hata ni Naibata aima sebagai pedoman hidup na ibere Naibata ase boi margogoh janah maluah humbani hasosakanni. Di dalam Firman ada kuasa dan solusi bani ganup situasi. Hatahonon, ia lang pitah mangondoskon masalahni hubani Naibata tapi dihut do homa mangondoskon goluhni ase Naibata na mambobai langkahni. Ihaporsayai bahwa semakin bertumbuh janah berotoritas hatani Naibata ibagas dirini, maka lambin margogoh janah monang do ia mandompakkon haganup masalah ni goluhni.

4. Bani ay.6-7, isaksihon do bahwa paridop ni uhur do Naibata manasap haganup dosani. Artini, isadari par-psalmen do hagalekonni i lobei ni Naibata, janah sasintongni anggo humbani hadirionni lang talup ia roh hubani Naibata. Itanda do dirini sebagai na galek janah gok hahurangan, tapi ihaporsayai do anggo roh ia mansopotkon dosani ibagas bulus ampa toruh ni uhur, sirsir do Naibata manasap dosani. Isadari par-psalmen do bahwa ihagigihon Naibata do dosa halani na pansing do Ia, tapi idop do uhur-Ni bani jolma pardosa na sirsir manolsoli dosani. Halani ai ketika ia roh hu lobei ni Naibata, roh do ia ibagas toruh ni uhur ampa panandaion diri. Bahkan isobut ‘layak anjaha bonar do Jahowa, halani ai ipatuduh do dalan na pintor bani pardosa’ (ay.8). Maksudni, paridop ni uhur do Naibata bani jolma na ra manolsoli dosani janah na sirsir mardalan bani dalan na ipatuduhkon Naibata. Isadari par-psalmen do bahwa dosa aima na manirang hubungan antara Naibata pakon jolma, tapi hubungan ai boi ipulihkon halani idop ni uhur ni Naibata na sirsir manasap dosa. Hatahonon, ketika par-psalmen roh hu lobei ni Naibata mangindo pangurupion, ijai do homa ia lambin sirsir ipabayu Naibata ase ulang be dosa na manrajai goluhni. Artini, iarusi do bahwa lang talup roh hu lobei ni Naibata anggo lang sirsir ia paubah uhurni.

5. Refleksi

a. Mangindo pakon marondos aima dua sikap na lang boi ipisahkon ketika hita roh hu lobei ni Naibata. Anggo roh hita mangindo pangurupion hubani Naibata ningon do homa sirsir hita mangondoskon goluhta ibobai Naibata, ase lambin mardalan hita bani dalan atau hata-Ni. Lang talup pitah mangindo pangurupion  hape goluh pakon hauhuronta lalap daoh humbani Naibata. Mardalan bani hata ni Naibata mararti paturutkon rosuh ampa rencana ni Naibata na saud bani goluhta. Ulang ma tarolat atap halani aha pe gabe itundahon hita use hata ni Naibata.

b. Bani bagei ni situasi ampa perobahan na ialami hita, ambilan on mangajarhon bahwa haporsayaon bani Naibata merupakan kekuatan dahsyat na lang terbatas. Ketika gogohta terbatas, tapi Naibata ibagas kuasa-Ni lang terbatas mangurupi hita. On ma na pahotkon uhurta mandalani goluh on.

c. Iidopi Naibata do hita age pe jolma na galek janah pardosa. Naibata lang menuntut hita gabe jolma na sempurna, na lang ongga madabuh hubagas dosa. Na ipangindo Naibata hubanta aima uhur na sirsir manolsoli dosa janah lambin sirsir mardalan bani hata-Ni do. Halani ai, goluh ni na porsaya lambin dokahni pasti do lambin bayu marhitei na sirsir manadingkon biak-biak ni dosa ai.

d. Haleluya No. 472 : 1 – 2