HAOTOON DO HAPE HORJA HAJAHATON (Ambilan 25 November 2018 Daniel 7 : 9 – 14)

HAOTOON DO HAPE HORJA HAJAHATON

Ambilan 25 November 2018

Daniel 7 : 9 – 14

1. Buku Daniel terbagi bani 2 bagian banggal aima bindu 1 – 6 na marisi kesetiaan ni Daniel pakon hasomanni bani haporsayaon ampa agamani sanggah buei ancaman humbani raja Babel, Nebukadnesar janah na paduahon bindu 7 – 12 marisi pangidahan ni Daniel na humbani Naibata (wahyu) pasal haluahon ni bangsa ni Naibata humbani sitaronon. Ambilanta on termasuk sada humbani pangidahan ai.

2. Iidah si Daniel do sada na hundul aima Na Adong Hun Bani Sapari, pakeian-Ni lopak songon salju, anjaha jambulan bani ulu-Ni putih do songon ambulu ni biri-biri mambahen paruhuman anjaha ibuka ma sagala buku (ay.9-10). On sihol patugahkon ari paruhuman ni Tuhan hubani dunia on. Ungkapan ‘ibuka ma sagala buku’, mararti: lang adong na lingot i lobei ni Naibata hauhuron ampa parlahou ni jolma janah haganup jolma maningon mempertanggung- jawabkon horjani bei i lobei ni Naibata. Anggo i lobei ni jolma boi berpura-pura, tapi anggo bani Naibata talar do haganup termasuk isi ni uhur ni jolma. Sekaligus paingatkon bahwa lang adong age sahalak pe na boi terluput humbani paruhuman ai. Selanjutni binatang ijon martuduh-tuduh hubani halak parjahat, na mangenjeng janah na lang marhabiaran hubani Naibata. Sadokah goluh ni sidea, mangenjeng do bahkan iarsik janah ibunuh sidea do halak na mapansing na marhabiaran bani Naibata. Tapi secara tegas ipatugah bahwa bani panorang ai sidea iondoskon ma ase itutung bani apuy (ay.11, anjaha iparontihon ma haganup kuasani (ay.12). Hatahonon, lang manongtong hape kuasa ni parjahat, pori pe idahon songon na mardohar parjahat, tongkin do ai, bani ujungni hamateian do ulih ni sidea. Haotoon do goluh na rosuh mangkorjahon hajahaton.

3. Iidah si Daniel do homa bahwa roh do sada na songon anak ni jolma, das do ia hubani Na Adong Hun Bani Sapari; Ibere ma hubani kuasa, hasangapon ampa harajaon, sisadokah ni dokahni do kuasani, seng ra salpu ai, anjaha harajaonni, na so ra seda do ai (ay.13-14). On martuduh-tuduh hubani Tuhan Jesus, bahwa pitah Ia do hansa na boi roh atau das hubani Naibata, aima Na Adong Hun Bani Sapari. Ia do hansa na talup i lobei ni Naibata, sehingga jolma na dob ipapansing marhitei daroh-Ni do hansa na boi maluah humbani paruhuman ai. Na manjalo janah porsaya bani Tuhan Jesus lang tarbador bani ari paruhuman ai. On sihol mambere pangajaran bahwa arta siharganan bani jolma aima poltik manjolom haporsayaon bani Tuhan. Pori pe buei hamarsikon ampa sitaronon halani na mangirikkon Tuhan Jesus, hatuahon do ai sedo harugian. Paradigma na sonon boi imiliki anggo domma sintong porsaya. 

4. Refleksi

a. Panorang ni goluhta i dunia on aima panorang mamilih tujuan hidup, hu habadoron do atap hu haluahon. Bebas do jolma manontuhon pilihan tapi domma ipatugah konsekwensi ni pilihan ai. Memang anggo sanggah i dunia on boi do konswkwensi ni pilihan ni na manadingkon Tuhan sepertinya lebih baik dan nikmat janah sebalikni jolma na mamilih mangirikkon Tuhan sepertinya mengalami ancaman janah gati ianggap kebodohan. Tapi bani situasi na sonai ulang ma hita salah pilih, totap ma setia mambaalosi Tuhan. Ulang plin-plan manontuhon pilihan. Ulang terlena, keterlenaan umumni terjadi halani berbagai kenikmatan dunia gabe itundalhon Naibata, janah halani mabiar menanggung resiko gabe itadingkon haporsayaonni.

b. Harga do bani Naibata goluh ni parpintor. Pori pe parpintor pakon parjahat sama-sama manggoluh i dunia on bahkan parjahat idahon lebih sukses tapi haganup memiliki batas, lang manongtong hadoharon ni parjahat. Upah na ijalohon sidea justru hadorsaon na sadokah ni dokahni. Sebalikni, sonaha pe borit ni pangahapan ni halak naporsaya lang setimpal ai atau sapardihani pe lang ai anggo ibandingkon hubani hasangapon na sihol iondoskon Naibata. Marhitei pangarapan na sonin ma halak na porsaya selalu mampu bertahan mangirikkon Tuhan bani ganup situasi hidup.

c. Halak siparuhur aima na mambotoh tujuan ni goluh na sasintongni. Sidea lang ra terlena hubani rayuan dunia na boi parsedahon haporsayaonni. Bani sidea kesetiaan mangirikkon Tuhan gabe skala prioritas. Pori pe goluhni gati songon na golap dalam arti terhina, iarsik, manaron, halani mangirikkon Tuhan tapi malas do tong uhurni mangirikkon Tuhan.

d. Haleluya 116 : 1-2     

Read 459 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top