LANG SISOYA-SOYA ULIH NI PARPINTOR (Sibasaon 25 November 2018 Pangukabon 7 : 9 – 17)

LANG SISOYA-SOYA ULIH NI PARPINTOR

Epistel 25 November 2018

Pangukabon 7 : 9 – 17  

1. Buku Pangukabon marisihon aha na iidah si Johanes sanggah tarbuang i Pulau Patmos, aima pasal na masa sonari age na sihol masa na isuratkon hubani na pitu kuria panorang ijia (Efesus, Smirna, Pergamus, Tiatira, Sardis, Filadelfia dan Laodikia). Ipatugah do bani pangukabon ai pasal hamonangan ni Tuhan Jesus manaluhon haganup kuasa na i dunia on janah harajaon-Ni meliputi nagori atas (1:11).

2. Aha na masa panorang ai? Halak naporsaya buei mandompakkon sitaronon halani pamarentah Romawi mambahen aturan ase ganup jolma na i toruh kuasa Romawi maningon manombah sisombahon ni sidea pakon Kaisar. Halak na porsaya secara otomatis manulak parentah on halani domma ihaporsayai sidea pitah Tuhan do sisombahon. Akibatni sidea ianggab sebagai pemberontak gabe buei ma sidea iparburu janah marsitaronon. Domu hujin isi ni buku Pangukabon bertujuan mambere panotap ampa apoh-apoh hubani kuria ase totap setia mangirikkon Tuhan Jesus marhitei na ipatugah ulih hamonangan na sihol sijaloon ni na porsaya. Na setia das bai ujungni jumpahan hagoluhan janah sapardihani pe lang sitaronon na i dunia on anggo ibandingkon hubani hasangapon na dob ipasirsir Tuhan hubani sidea. Marhitei na ulang gabe tubuh sikap pesimisme atau pandoleian, tapi mendorong ase bersemangat walau pun sering didera oleh dunia karena mengikut Tuhan. Goluh ni na porsaya domma berorientasi sorgawi sehingga selalu memiliki prioritas lebih setia mematuhi hata ni Naibata bani na mandompakkon haganup na masa.  

3. Iidah si Johanes do humpulan banggal humbani ganup bangsa, suku, marga ampa hata jongjong i lobei ni paratas ai ampa i lobei ni Anak ni biri-biri ai, marhiou putih anjaha manjolom bulung ni palem marsora na maling mandilohon ‘Bani Naibatanta, na hundul bani paratas in do haluahon, ampa bani Anak ni biri-biri in’ (ay.9-10). On patugahkon suasana na gok malas ni uhur. Panorang ai talar ma bahwa haotoon do ulih ni parjahat tapi hatuahon do ulih ni parpintor. Roh humbani ganup bangsa, suku, marga ampa hata sihol mangajarhon bahwa idilo Naibata do haganup jolma ase sipardihut bani malas ni uhur banggal ai.

4. Ipatugah bahwa panorang ai lang adong be lohei, lang be horahan, lang be hona milas ni ari atap aha na milas pe, ai parmahanon ni Anak ni biri-biri ai do sidea anjaha apusan-Ni ma sagala iluh humbani mata ni sidea (ay.16-17). Maksudni,  lang adong kuasa-kuasa na legan be ijai na boi mengganggu malas ni uhur ni halak na porsaya in. Na memiliki otoritas ijai pitah Naibata ampa Anak ni biribiri in. Anggo sadokah i dunia on marpala-pala do jolma mansari na porlu bani goluhni, tapi ijai lang loja janah ngayotan be halani domma sirsir haganup. Lang adong be ijai naborit songon na gati iarou angkula sanggah i dunia on.  Hal on dihut mangajari kuria ase menyadari bahwa statusta bersifat sementara do sebagai warga i dunia on, tapi kewargaan na kekal aima warga nagori atas do. 

5. Refleksi

a. Sasintongni aha do tujuan utama banta bani goluh on ? Halani tujuan selalu menentukan sikap. Dunia hanya sebagai rute tapi tujuan utama aima ianan na dop ipasirsir Tuhan. Anggo isadari hita rute do dunia on, maka prioritas utama banta aima mardalan bani rambu-rambu dalan na dob ipasirsir Tuhan Jesus aima hata-Ni. Ase ukuranni na porsaya aima anggo malas ni uhurta lang be sekedar iukur humbani perkara-perkara dunia (pori pe ai sibere-bere ni Naibata do), tapi lobih hunjai aima anggo mardalan hita bani rosuh ni Tuhan do. 

b. Realita, buei do jolma bayak tapi ternyata miskin halani lang memiliki na paling utama na boi menjamin goluhni aima haporsayaon bani Tuhan. Buei do jolma na pentar bani ilmu, pentar marhali-halihon duit tapi ternyata bodoh halani hurang memperhitungkon ujung ni goluhni. Halak na sonon selalu sibuk bani “ruti” tapi hurang mambere panorang bani Tuhan. Ulang ma hita sonai.

c. Domma iungkap/ipatugah banta pasal malas ni uhur banggal ai, ulang hita tading i lobei atap manosal bani ujungni. (bd. pangajaran ni Tuhan Jesus pasal halak na bayak pakon si Lazarus, manosal bani ujungni, sihol do namin paubah uhur tapi lang adong be kesempatan).

d. Pori pe sipata ngayotan janah loja do hita halani horja na madear atap horja mangirikkon Tuhan (korban perasaan, korban harga diri, korban waktu, korban materi, korban gogoh, pnl.), malas ma uhurta. Memang secara hajolmaon mahol do manjalo pakon manontuhon sikap ase lobih iutamahon hita mangirikkon Tuhan bani goluh on. Halani ai ibutuhkon indra na legan aima indra rohani / haporsayaon. Haporsayaon ai boi bertumbuh anggo ibuka hita uhurta bani Tonduy na humbani Bapa. Tanpa sonai, urah do jolma in marsidalian. Halak na sonon ma na gati mungut-ungut bahkan mamilih manadingkon Tuhan halani ragam ni na masa.

e. Haleluya No. 184 : 1, 4 

Read 332 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top