SINTONG DO HATA NI NAIBATA JANAH MARISI PASU-PASU (Sibasaon 18 November 2018 1 Musa 15 : 12 – 18)

SINTONG DO HATA NI NAIBATA JANAH MARISI PASU-PASU

Sibasaon 18 November 2018

1 Musa 15 : 12 – 18 

1. Dob ipadankon Naibata bani si Abraham bahwa gabe bangsa na banggal do ginomparni, lang mintor siluk terealisasi ai. Melaalui proses na berliku-liku janah bagei kondisi sulit do idalani Abraham paima saud haganupan ai termasuk partubuh ni si Isak na maningon dokah ipaima. Bani proses ai ma homa Naibata gati manjumpahkon Abraham patoguhkon padan-Ni ase ulang sangsi Abraham bani padan pakon hata ni Naibata. Sada nilai plus na adong bani Abraham, sabar do ia paimahon janah lang sangsi ia bani haganup hata ni Naibata pori pe melalui proses na sulit bahkan keadaan anggo secara pingkiran ni jolma lang be sesuai bani hata ni Naibata.

2. Bani ambilan on, dob igalangkon si Abraham sada lombu na marumur tolu tahun hubani Naibata, sinok do ia tarpodom janah sanggah sonai ma ipadas Naibata padanni hubani ‘’Ulang lang ibotoh ho manginsolat do magira ginomparmu bani na so tanohni; parjabolonon anjaha arsikon ni halak ma sidea opat ratus tahun dokahni. Tapi bangsa na marjabolon sidea pe uhumon-Ku do, dob ai kaluar ma sidea mararta na mabuei’ (ay.13-14). Sanggah sinok do modom si Abraham ipadas hata ai, artini: hata ai lang hasil pingkiranni tapi murni hata ni Naibata. Hata ai sedo konsep ni Abraham tapi murni rencana ni Naibata. Haganup na sihol masa murni sebagai prakarsa ni Naibata, sedo hasil usaha ni Abraham. Abraham pitah sebagai alamat ampa haondosan ni hata ai. Na ipadas aima: ginompar ni Abraham hona arsik i tanoh ni halak opat ratus tahun dokahni. Sesuatu na sulit icerna secara logika halani panorang ai Abraham pakon si Sarai parinangonni domma matua tapi lape jumpahan tuah, sementara Naibata berbicara tentang ginomparni na iarsik halak na legan. Anggo ipingkiri secara hajolmaon sasintongni boi do tubuh uhur ni Abraham, dearan ma lang pala jumpahan ginompar anggo na laho iarsik-arsik halak do. Tapi Abraham lang complain tapi torus do mangamenhon hata ni Naibata. Padan ni Naibata bahwa ipaluah do use sidea janah mararta na buei patubuhkon pangarusion bahwa proses manuju pasu-pasu boi do lang urah tapi mamorluhon kesabaran, kesetiaan atau haporsayaon na toguh. Pergumulan janah sitaronon na borat maningon ipahami sebagai jembatan emas laho manjumpahkon hadearon ampa pasu-pasu. Prinsip na sonon ma na selalu membara bani Abraham sehingga idalani do haganup proses ai ibagas haporsayaon.

3. Ipatugah Naibata do homa bahwa na laho  sayur matua ma si Abraham (ay.15). Ternyata janji ni Naibata na ipadas bani Abraham lang haganup jumpahsi sanggah goluhni, tapi janji ai igoki atau berlangsung do torus age das hubani ginomparni. Hunjon boi jumpah hita parlajaran ternyata marhidorat botul do habujuron ampa haporsayaon ni sasada halak age bani niombah atau ginomparni. Harga do bani Naibata haporsayaon ni sasada halak bahkan berdampak baik do ai age hubani ginomparni. Sekaligus patugahkon bahwa masa depan ni ginompar ni Abraham lang bergantung bani gogohni tapi pitah hubani Naibata do. Pori pe marsirang Abraham pakon ginomparni tapi Naibata lang ongga manadingkon ginomparni. Haganup padan ni Naibata maningon do saud janah lang boi ibatasi waktu age na masa.

4. Dob sundut mata ni ari anjaha golap, adong ma sada pamurunan na martimus ampa sada sipu-sipu na gara montas i holang-kolang ni gulei na tinoktokan ai (ay.17). On aima sada tanda bahwa na ijalo Naibata do galangan ni Abraham janah haganup janji ni Naibata pasti do saud. Bahkan ipadaankon Naibata do use ‘Hubani ginomparmu ddo bereon-Ku tanoh on, singgan ni bah Masir das ronsi bah bolon ai, aima bah Eprat’ (ay.18). Panginsolat ope Abraham panorang ai tapi domma ipatugah Naibata bahwa ginomparni lang be panginsolat. Bani Abraham domma ibere kepastian pasal aha na sihol terjadi bani ginomparni bahkan domma ipatugah tanoh na sihol siberehononni Naibata bani ginomparni.

5. Refleksi

a. Orangtua na porsaya bani hata ni Naibata mamparbuahkon pasu-pasu do ai age hubani ginomparni.

b. Hata ni Naibata sedo untuk dikritisi atau lang porlu iuji secara pingkiran ni jolma halani lang mampu pingkiran ni jolma manguji kebenaran hata ni Naibata. Hata ai ningon ijalo janah ihaporsayai bahwa lobih humbani na boi ipingkiri hita do cara pakon kuasa ni Naibata mambere na madear banta age hubani ginomparta.

c. Proses na silut na ialami hita sebagai kuria ni Tuhan ulang ma gabe kesempatan ai bani sibolis pagalekkon haporsayaonta tapi gabe sada kesempatan ma ai banta patoguhkon pangarapan ampa haporsayaonta. Gok bani kuasa ni Naibata do goluhta janah Ia do na markuasa bani ganup na masa janah kuasani lang ibatasi panorang. Ningon ihaporsayai hita bahwa keadaan na paling sulit pe gabe jembatan emas do ai mamboan hita hubani hadearon ampa pasu-pasu.

d. Haleluya No. 340 : 1,3,5.

Read 243 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top