2. Ipindo do hubani Timoteus ase totap paratah-ratahkon sibere-bere ni Naibata (ay.6), aima tonduy hagogohon, holong ampa panrajaion diri (ay.7). Timoteus ningon memiliki pribadi na kuat marhitei na ihaporsayai bahwa ipasirsir Naibata do gogoh ; Memiliki pribadi siparholong ase ringgas manaksihon holong ni Naibata bani jolma aima Ambilan Na Madear ; Memiliki pribadi na dewasa ibagas sikap (panrajaion diri) ase ulang partolsuan ia bani na legan. Isadari Paulus bahwa mangambilankon Ambilan Na Madear sedo horja na urah; halani ai Timoteus ningon memiliki topangan humbani Naibata. Haporsayaon na sonin ma porlu torus iparatah-ratah ase totap gara semangat bani horja parambilanon. Marhitei na sonai do homa boi tubuh pangarusion na baru bahwa manaksihon Ambilan Na madear sedo siholsohkonon pori pe borat, tapi sebalikni idop ni uhur ni Naibata do ai anggo sirsir mamakei dirini gabe saksi-Ni (ay.9). Halani ai Timoteus lang porlu maila manaksihon Ambilan Na Madear (ay.8) tapi sebalikni siap manaron bahkan pori pe agouan hosah. Ningon ihaporsayai bahwa marhitei Tuhan Jesus domma iparontihon hamateian janah iulgaphon (ipatalar) haluahon bani jolma na porsaya (ay.10). Artini, sedo na soya halojaon bani horja ni Tuhan halani domma ipasirsir upah hagoluhan bani na porsaya.

3. Sobali tantangan humbani kaisar, panorang ai domma homa buei pangajar na kahou na sihol pakahouhon marhitei na menawarhon rosuh-rosuh ni daging. Bani sidea ukuran hasintongan lang be hata ni Tuhan tapi aha na pasonangkon pingkiran do. Bani keadaan ni jolma na cenderung mambahen ukuran na sintong aima rosuhni daging, maka rosuh ni Tuhan ianggap sidea do sebagai haotoon. Halani ai Timoteus mutlak memiliki pribadi ampa haporsayaon na tangguh. Ningon isadari bahwa marhitei gogoh na ibere Naibata lang markuasa parjahat mangolati atau membatalhon horja ni Tuhan. Kata kunci aima: ulang terpenjara haporsayaon ni Timoteus poripe buei tantangaan ampa hambatan. Ambilan Na Madear lang pitah ijalo tapi maningon do isaksihon. Siparambilan lang mencari kondisi aman tapi siap berbeda bahkan siap dicela oleh parjahat na pitah mencari kenikmatan daging.

4. Bani na mendorong Timoteus ase totap setia bani horja parambilanon, Paulus mambahen dirini gabe usihan. Iakuhon do bahwa Naibata do na mamilih ia gabe siparambilan, apostel ampa guru (ay.11) janah halani ai do homa ia gabe manaron (ay.12). Tapi pori pe manaron, Paulus mampu bertahan bani horja pamilihon ni Naibata halani itanda do Naibata na mangondoskon horja ai. Ihaporsayai do bahwa marhagogohon do Naibata manramotkonsi laho mandalankon haganup horja na iondoskon Naibata das hubani ari simagira. Isadari bahwa arta na maharga do horja na iondoskon Naibata hubani janah halani ai maningon totap ihargahon janah ihaporluhon mandalankon horja ai. Arta siharganan bani Paulus sedo kenikmatan daging tapi anggo marsangap janah tarambilan goran ni Tuhan marhitei goluhni do. Hasangapon do bani Paulus anggo ibere Naibata ope kesempatan bani mangkorjahon horja parambilanon. Halanai ai malas do uhurni age pe loja janah manaron halani horja ai.

5. Refleksi

a. I tongah-tongah ni zaman na cenderung mangkorjahon hajahaton, hita idilo do menyuarahon hata ni Tuhan. Tugasta do patalarhon na lihar i tongah-tongaah ni dunia na golap on. Hita lang pitah alamat ni haluahon tapi idilo gabe siparugas mambaritahon haluahon ai. Lang marlaku istilah, na penting ahu lang dihut mangkorjahon na jahat, tapi siparutang do hita padaskon hata ni Tuhan bani dunia on.

b. Memang sedo horja na urah mambaritahon Ambilan Na Madear i tongah-tongah ni dunia na gok hajahaton on. Halani ai iporluhon haporsayaonta totap bertumbuh ase mampu bertahan bahkan marmalas ni uhur pori pe manaron halani ai. Habadoron sedo anggo manaron hita halani horja ni Tuhan tapi habadoron aima anggo gabe galek haporsayaonta halani sitaronon do. Malas ni uhur tang sibanggalan aima anggo tarambilan goran ni Tuhan marhitei goluhta.  

c. Haleluya No. 503 : 1, 4