MEMAKAI INDRA ROHANI MENILAI SEGALA SESUATU (Ambilan 21 Oktober 2018 Rom 12 : 1 – 3)

MEMAKAI INDRA ROHANI MENILAI SEGALA SESUATU

Ambilan 21 Oktober 2018

Rom 12 : 1 – 3 

1. Kuria aima na dob idilo, ipilih Naibata hun dunia on gabe bangsa-Ni, idilo humbani na golap hubani na lihar, humbani kuasa ni dosa gabe bangsa na pansing (ekklesia). Halani ai pori pe i dunia on ope na porsaya marianan tapi goluh ni sidea lang be sarupa pakon dunia on tapi domma memiliki biak na baru aima na margoluh hapansingon. Holong ni Naibata do na mangubah sidea marhitei Tuhan Jesus sehingga isobut do homa na porsaya in bangsa ni Naibata. Sebagai bangsa ni Naibata, lang be dunia on na manrajai goluh ni sidea tapi domma Naibata.

2. Domu hujin itegaskon Paulus, ‘ondoskon nasiam ma angkula nasiam gabe galangan na manggoluh, na susi anjaha na hinarosuhkon ni Naibata, in ma parsombahon nasiam na maruhur’ (ay.1). Mangondoskon angkula gabe galangan na manggoluh mararti goluh atau parlahou ni na porsaya ningon gabe galangan. Gabe galangan mararti goluh ni na porsaya ningon pasangapkon Naibata. Ase Galangan sedo pitah mangondoskon aha na adong banta tapi goluhta ampa pangabakta pe ningon dihut gabe galangan. Bani Naibata, sikap hidup atau goluh na marhapansingon jauh lebih bernilai ibandingkon hubani na legan na adong banta. Marparlahou hapansingon mararti sirsir manadingkon sagala biak habutakon atau dosa halani domma ibebaskon atau imerdekahon Naibata hita hunjai. 

3. Halani ai isobut use ‘anjaha ulang ma sarupa nasiam pakon dunia on’ (ay.2). Lang sarupa pakon dunia on mararti na porsaya domma memiliki cara pandang ampa cara hidup na baru na berbeda humbani dunia on. Sidea domma memiliki indra rohani aima haporsayaon sehingga mampu mambedahon na madear ampa na masambor, mampu membedahon harosuh ni Naibata ampa hagigi ni Naibata. Indra rohani ai do memampuhon kuria selalu menilai segala sesuatu dari sisi harosuh ni Naibata. Atau, na porsaya lang be mamakei ukuran kenikmatan daging manontuhon pilihan hidup tapi domma mamakei ukuran hata ni Naibata. Rosuh ni uhurni lang be aha na pasonangkon daging atau angkula tapi aha na pamalaskon uhur ni Naibata do. Anggo dunia on lebih mengutamakan kenikmatan daging tapi na porsaya domma lobih mengutamakan sikap hidup na pansing. Hapansingon selalu mewarnai atau menghiasi cara berfikir pakon cara hidup ni kuria. Marhitei na sonin ipastihon cara hidup ni kuria domma berbeda humbani dunia on. Bahkan pori pe dunia on gati menganggap sidea halak na oto, tapi lang ragu sidea untuk bertahan ibagas hapansingon atau pangabak na madear halani domma imiliki sidea cara pandang na baru marhitei haporsayaon. On ma na sinobut halak na maruhur atau na bijaksana ; Artini, lang ra be tergoda hubani rosuh-rosuh ni dunia on.

4. Selanjutni isobut ‘Ulang ma gijang hira nasiam diri nasiam lobih humbani na patut, tapi pandei ma nasiam maruhur, ganup ma domu hubani banggal ni haporsayaon, na binagihon ni Naibata bani’ (ay.3). Maksudni bahwa ketika na porsaya in boi pataridahkon goluh na marhapansingon ulang ma ai mambahen gijang ni uhur tapi ai domma merupakan hal na wajar halani domma ipabayu Naibata hauhuron ni sidea gabe jolma na porsaya. Buah ni haporsayaon do goluh na marhapansingon ai. Hata na legan, haganup biak na madear atau na marhapansingon boi idalankon sedo halani gogoh ni kuria in tapi halani idop ni uhur ni Naibata do. Ase marparlahouhon hapansingon ai lang laho pabanggal diri tapi bahen hasangapon ni Naibata do. Halani idop ni uhur ni Naibata do na memampuhon kuria boi manggoluh ibagas hapansingon, lang boi be homa marasidalian atap halani aha pe gabe lang margoluh hapansingon. Anggo adong kuria na rosuh ope mangkorjahon habutakon janah buei mambahen sidalian gabe lang pataridahkon goluh hapansingon, na mararti do ai lape sirsir ia mambuka hauhuronni bani idop ni uhur ni Naibata sehingga totap ope ia ibagas hagolapan. Anggo borat ope uhur ampa langkah mangkorjahon na sintong aima tandani jolma na lape porsaya pori pe ia domma halak Kristen. 

5. Refleksi

a. Marhitei goluhta do ibotoh janah itanda dunia on ise do Tuhan na ihaporsayai hita. Humbani abak ni kuria maningon taridah identitas sebagai halak na porsaya. Ulang ma ipahiri hita goran ni Tuhan marhitei goluh ampa parlahounta na lang suman.

b. Gabe galangan na manggoluh ma angkulanta marhitei na lang isuhun-suhuni hita dirinta bani horja habutakon. Pangabak na madear / na marhapansingon do galangan na tang iharosuhkon Naibata.

c. Totap ma pakei hita indra rohani/haporsayaon laho menilai segala sesuatu apakah domma dear atap lang. Indra rohani porlu tetap ipertajam marhitei hata ni Tuhan halani marhitei na manangar ambilan do roh ni haporsayaon.

d. Haleluya No. 341 : 2,3

Read 197 times

Leave a comment

Make sure you enter all the required information, indicated by an asterisk (*). HTML code is not allowed.

Go to top