PITAH NAIBATA DO SISOMBAHON ! (Sibasaon 21 Oktober 2018 Josua 24 : 14 – 24)

PITAH NAIBATA DO SISOMBAHON !

Sibasaon 21 Oktober 2018

Josua 24 : 14 – 24 

1. Dob das halak Israel i tanoh Kanaan, Josua sebagai pemimpin selalu berusaha ase bangsa ai terdidik ibagas hata ni Naibata janah setia mambalosi Naibata. Panorang hatuaonni Josua dob marumur 110 tahun (24:29), ihasiholhon do patoguhkon uhur ni bangsa ai ase marhabiaran bani Jahowa. Nini: ‘On pe sai habiari nasiam ma Jahowa, anjaha totap ma uhur nasiam mambalosi-Si ibagas putih ni uhur ampa hasintongan’ (ay.14). Sadar do Josua bahwa masa depan ni bangsa ai lang bergantung hubani tanoh Kanaan na ikenal sebagai habaoran ni dadih tapi pitah bergantung hubani Naibata do. Tanoh Kanaan lang itontuhon ianan ampa keadaan tapi anggo totap sipambalosi bani Jahowa do. Halani ai mutlak do sipambalosi sidea hubani Naibata anggo sihol do totap jumpahan pasu-pasu janah boi sonang marianan i tanoh Kanaan. Domu hujin idilo Josua do ganup pangintua ni bangsa ai hu Sikem (ianan parjumpahan ni Naibata pakon Abraham na manjanjihon tanoh Kanaan berehonon-Ni bani bangsa Israel) laho patoguhkon uhurni sidea ase ulang mubah haporsayaon ni sidea bani Naibata. 

2. Sebelum marbalos bangsa ai, Josua parlobei do mambahen komitmen/pangakuan i lobei-lobei ni sidea ‘Tapi anggo ahu pakon hasomanku sarumah, Jahowa do sibalosannami’ (15b). Haporsayaon ni Josua lang bergantung hubani balos ni bangsa ai tapi parlobei do ia mangakuhon haporsayaonni i lobei-lobei ni bangsa ai. Josua lang pitah mangojur bangsa ai ase marhabiaran bani Naibata tapi parlobei do ia porsaya janah marhabiaran bani Naibata. Josua lang pitah pemimpin na padaskon hata ni Naibata tapi na parlobei mangaku mangkagoluhkon hata ai do. Josua memiliki tipe pemimpin na layak itiru pasal pangakuan ampa sikap. Pernyataan on idasari hubani pengalaman bahwa mamungkah kaluar sidea hun Masir nyata do bahwa pitah halani holong ampa kuasa ni Jahowa do boi sidea marhamonangan manaluhon musuh i pardalanaan age dob das i tanoh Kanaan. Jahowa do na mangondoskon tanoh Kanaan bani sidea.

3. Isadari Josua bahwa masa depan ni bangsa ai semata-mata bergantung pitah hubani Jahowa. Halani ai nini: ‘Anggo itadingkon nasiam Jahowa anjaha ibalosi nasiam naibata na legan, gabe jadi marbalik ma Ia mamapai nasiam, siap tumang nasiam ibahen, romban hubani na madear na binahen-Ni bani nasiam’ (ay.20). Haganup na madear na dob ijalo bangsa ai ningon mendorong kesetiaan mambalosi Jahowa. Ulang lingot panonggor bani Jahowa dob ijalo na madear. Ningon ibilang-bilangi pambahenan ni Jahowa ase tubuh tekad mambalosi Jahowa. Ase masa depan ni bangsa ai sangat bergantung hubani sikap iman ni sidea. Anggo itadingkon sidea Jahowa hona papa ma, anggo setia bani Jahowa gabe jumpahan na madear. Hadearon lang bergantung hubani keadaan ampa gogoh ni sidea tapi pitah bergantung hubani hauhuron na porsaya bani Naibata do. Jahowa aima na pansing. Halani ai Ia lang marosuh anggo marhabutakon bangsa ai marhitei na mambalosi naibata na legan. Naibata parsimburu do Ia, lang ra ia ‘diduakan’, lang iharosuhkon anggo ‘berselingkuh’ bangsa ai hubani naibata na legan.

4. Selanjutni tubuh do hatotapan ni uhur ni bangsa ai, nini ‘daoh ma ai humbennami, anggo mintor tadingkonon nami Jahowa laho mambalosi naibata na legan’ (ay.15). Pala do tolu hali iungkaphon sidea komitmen untuk totap porsaya bani Jahowa (ay.16,21,24). Sidea sandiri do gabe saksi ibahen Naibata bani pangakuan ai. Haporsayaon ni sidea tubuh humbani kesadaran, sedo halani na ipaksa. Maksudni pengakuan ai secara langsung mengikat sidea, lang boi iengkar, lang boi pitah hata. Anggo hona papa sidea sedo halani na lepak Naibata tapi halani na ilupahon sidea do janji atau pengakuan ai. Tugas ni bangsa ai aima: setia mardalan mambalosi hata ni Jahowa, janah Naibata pasirsirhon hagoluhan bani sidea. Lang porlu iraguhon sidea masa depan, lang porlu ihabiari sidea sagala musuh asal ma totap marsijoloman janah sipambalosi bani Jahowa.

5. Refleksi

a. Porlu hita pakkei halani age bani zaman on buei tumang gana-gana (naibata na legan) na selalu menggoda hita, misalni: arta, hapentaron / pingkiranta, hisap ni daging, pnl. Ulang iparnaibata hita atap aha pe na adong i dunia on tapi totap ma sipambalosi pitah hubani Naibata.

b. Buei do jolma sirsir mangaku sipambalosi hubani Naibata tapi lang haganup sirsir sipambalosi bani Naibata. Pengakuan lang cukup marhitei hata tapi ningon idasari haporsayaon. Hataridahanni aima: setia mambalosi Naibata bani ganup keadaan janah lang ipindahi pangurupion humbani na legan sobali humbani Naibata. Tenger uhurta botohan do Naibata mambere na porlu /  na madear banta.

c. Lang ongga lepak Naibata hubanta tapi hita do na gati lepak i lobei ni Naibata. Anggo domma marosuh Naibata mangidah goluhta, lang pahara na mahol Bani mansarihon/mambere na porlu banta. Ase na utama porlu ibangun hita aima: uhur na sirsir porsaya janah sipambalosi bani Naibata do.

d. Haleluya No. 339 : 2, 5.

 

Read 297 times

Last modified on Tuesday, 09/10/2018

Leave a comment

Make sure you enter all the required information, indicated by an asterisk (*). HTML code is not allowed.

Go to top