IDOP NI UHUR PABAYUHON UHUR AMPA GOLUH (Sibasaon 19 Agustus 2018 Galatia 4 : 22 – 28)

IDOP NI UHUR PABAYUHON UHUR AMPA GOLUH

Sibasaon 19 Agustus 2018

Galatia 4 : 22 – 28

1. I kuria Galatia jumpah do pergumulan pasal ajaran tentang haluahon. Na marasal humbani Jahudi beranggapan bahwa haluahon aima marhitei na mangkorjahon titah sehingga side ape mangkatahon halak na lang Jahudi pe ningon do tunduk bani titah ase boi maluah. Domu hujin ma Paulus mambere pangajarion marhitei na mengangkat dua tokoh naboru aima Hagar na mamparanakkon Ismael pakon Sarah na mamparanakkon Isak. 

2. Isobut do si Hagar Dolog Sinai (ay. 24-25), na manggambarhon tradisi Sinai sanggah ijalo halak Israael titah. Gambaran on sasintongni berlatar-belakang humbani keraguan ni Abraham pakon Sarah panorang ijia bani janji ni Naibata gabe bangsa na banggal, sehingga sidea dengan usaha ni sidea sandiri berupaya ase boi jumpahan anak marhitei na mangondoskon Hagar (jabolon ni Sarah) hubani si Abraham gabe tubuh ma si Ismael. Artini, kehadiran ni Ismael aima hasil usaha/prakarsa ni jolma (Abraham pakon Sarah), sedo halani bagah-bagah ni Naibata. Sonin ma ipausih jolma na marusaha maluah marhitei na mandalankon titah, na menganggap haluahon boi jumpah marhitei usaha ni jolma in. Halani ai isobut do sidea anak ni si Hagar sebagai Dolog Sinai, artini na totap memiliki pemahaman lama bahwa haluahon aima halani usaha ni jolma. Halani ai status ni sidea totap ope jabolon songon si Hagar, pori pe jumpahan anak tapi totap do ia pakon ginomparni keturunan ni jabolon.

3. Selanjutni si Sarah isobut do boru merdeka, anjaha ai do inang banta (ay.26).  Secara fakta, partubuh ni Isak humbani Sarah, murni hasil idop ni uhur ni Naibata, sedo hasil karya atau usaha ni Abraham pakon Sarah, halani panorang partubuh ni si Isak, sidea domma matua (Abraham marumur 100 tahun janah Sarah 90 tahun), na anggo humbani kuasa ni jolma lang mungkin be jumpahan tuah. Hujon ma ipausih halak na porsaya, bahwa haluahon ai sedo halani hasil usaha ni jolma tapi pitah halani idop ni uhur ni Naibata do. Halani ai halak na porsaya isobut do na mamparinangkon si Sarah (secara rohani), artini: na jumpahan haluahon pitah halani holong ni Naibata. Halani ai isobut do homa sidea Jerusalem na i atas ai (ay.26),  maksudni: panean bani Jerusalem na baru aima hagoluhan na sadokah ni dokahni. Haluahon ai jumpah sedo halani horja ni jolma songon partubuh ni si Ismael, tapi murni halani sibere-bere ni Naibata songon partubuh ni si Isak. Marhitei na sonin ma kuria in isobut anak bagah-bagah mangihutkon si Isak (ay.28), maksudni: jolma na ipaluah marhitei sibere-bere ni Naibata tumang.

4. Anggo sonai aha do gunani titah bani halak na porsaya? Titah ai pe marharohan humbani Naibata do tapi ibere Naibata titah ai sedo gabe syarat bani jolma ase boi maluah tapi sebagai dalan bani jolma laho mananda rosuh ni Naibata do. Secara fakta sejarah, bangsa Israael, dob ipaluah do sidea hun parjabolonan Masir baru pe ase ibere bani sidea titah. Artini, haluahon ai do na parlobei ijalo sidea sedo titah. Secara pasti, lang adong age sada jolma na boi maluah anggo humbani na mangkorjahon titah. Ibotoh Naibata do ai sehingga Ia lang mambahen titah gabe ukuran haluahon. Keselamatan adalah anugerah. Marhitei na sonin ma kuria boi marmalas ni uhur mamuji Naibata halani haluahon na dob ibere bani sidea. Malas ni uhur bani idop ni uhur ai do na mendorong kuria marosuh mangkorjahon rosuh ni Naibata. Biak ni sidea domma iubah gabe biak na baru na marmalas ni uhur mambalosi Tuhan halani haluahon na dob ipasirsir Naibata. Na porsaya lang be iparjabolon titah halani tuntutan ni titah ai domma ibayar lunas oleh Naibata marhitei Tuhan Jesus. Halani aima ase isobut sidea bangsa na dob merdeka, na dob imerdekahon humbani uhuman ni dosa atau tuntutan titah marhitei idop ni uhur ni Naibata.

5. Refleksi

a. Haluahonta lang iukur humbani gogohta tapi halani holong ni Naibata do. Halani ai ulang ma etek uhurta bani keberadaanta bei janah ulang ma homa ihagijangkon hita na adong banta tapi bani ganup keberadaanta sihol ma totap ibagas na menyatahon tarimakasih ampa mamuji Naibata.

b. Galek janah terbatas do hita sebagai jolma tapi domma imiliki hita Naibata na lang terbatas. Naibata na lang terbatas ai totap do manjaga ampa manramotkon hita ibagas holong-Ni bani ganup keadaan. Ase sihabiaranta lang be aha na masa tapi anggo lang marhatengeran hubani Naibata do.

c. Igoki do haluahonta ibagas Tuhan Jesus na dob matei manlunaskon utang ni dosanta janah puho do Ia gabe bukti hamonangan-Ni manaluhon kuasa ni dosa ampa sibolis. Halani ai ulang be hita mulak gabe ijajah sibolis ampa dosa halani domma imerdekahon Tuhan Jesus hita hunjai. Lambin bayu ma uhurta marhitei na mangisi diri bani hata ni Tuhan, ase lambin iamenhon hita ma holong ni Tuhan.

d. Haleluya No. 401 : 1, 4,5.

Read 634 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top