ULANG MARAKAL-AKAL, PARAYAK MA NA SINTONG ! (Ambilan 22 Juli 2018 1 Raja-raja 21 : 1 – 1)

ULANG MARAKAL-AKAL, PARAYAK MA NA SINTONG !

Ambilan 22 Juli 2018

1 Raja-raja 21 : 1 – 16

1. Ahab aima raja ni Israel (Utara) bani tahun 874-853. Ihorjahon do sogam ni uhur ni Jahowa (16:30) janah parinangonni si Isebel, boru ni halak Sidon, mambahen Ahab dihut mambalosi naibata baal, naibata ni halak Sidon (16:31). Ahab aima pemimpin na lang marhabiaran bani Naibata.

2. Bani ambilan on ipatugah do na isurahan si Ahab mambangkuhon pohon anggur ni si Nabot. Ipangindo do pohon anggur ai, tapi ibalosi si Nabot do domu hubani aturan na ipadas Naibata bani bangsa ai bahwa lang boi jualon tading-tadingan ni bapani (3 Musa 25:23-28, 4 Musa 36:7-9, Hes. 46:18). Ibotoh si Ahab do namin aturan ai tapi koras do uhurni mambangkuhon Pohon Anggur ai pala pusok uhurni janah seng ra ia mangan (ay.4). Ahab lobih mamakshaon kemauanni pori pe lang sadalan bani aturan ni Naibata. Sebagai raja, tentu Ahab domma memiliki arta na buei tapi bani keadaan na sonai ai pe isurahon do homa mambuat arta ni si Nabot. Keserakahan tanpa holong merupakan tipe ni raja Ahab. 

3. Bani keadaan na sonin ma tampil Isebel, sahalak parinangon na lang marhabiaran bani Naibata, dengan akal licik mamakei kuasa na adong bani Ahab mambahen parentah mamunuh si Nabot marhitei na menghadirhon dua halak saksi paruhur na jahat laho menuduh bahwa Nabot domma mangapasi Naibata pakon raja (ay.10-13). Kuasa ampa jabatan isalah gunahon demi kepentingan pribadi sehingga mengorbanhon halak na legan. Memang ase boi mandabuh uhum bani sasada halak maningon do adong saksi dua halak siotikan. Ijon Isebel berdalih seolah-olah domma memenuhi standart hukum na berlaku tapi haganupan ai merupakan rekayasa jahat. Ia mengelabui aturan dengan niat jahat laho mambuat pohon anggur ai dengan cara sadis. Tipe Isebel, kepentingan pribadi pakon kebun anggur jauh lebih berharga ibandingkon hubani hosah ni si Nabot. Ia lang segan mamunuh asal ma das na ibagas uhurni. Isebel sebagai istri raja tentu sekaligus do homa orang terdekat (penasehat langsung) ni raja na memanfaatkon statusni ai dengan semena-mena. Ia menjadi otak pembunuhan dengan cara marsuruh halak na legan mamunuh si Nabot. Kemunafikanni nyata marhitei na seolah-olah ia bersih atau lang bersalah hape ia do na merekayasa haganupan ai terjadi.   

4. Selanjutni ipatugah ma bani si Ahab na dob matei si Nabot janah siluk do mintor ibuat pohon anggur ai. Lang pala isungkun si Ahab sonaha parmatei ni si Nabot, na penting bani jumpahsi sura-surani. Aturan main atau proses apakah sintong atau lang, hal ai lang porlu bani Ahab asal ma dapotsi sura-surani. Ia lebih porsaya janah balosan hubani Isebel parinangon ni ai dari pada hubani Naibata. 

5. Ahab pakon Isebel parinangon ni ai berkolaborasi mangkorjahon hajahaton. Sebagai suami istri sidea lang saling mengingatkan bani kesalahan tapi justru bekerjasama mangkorjahon hajahaton. Hata ampa aturan ni Naibata lang ifungsihon bani keluarga ni sidea. Bahkan aturan ni Naibata domma ianggab sebagai penghalang mansuhuni sura-sura sehingga kebenaran hata ni Naibata domma diputar-balikkan. Akibatni, anggo iidah hita selanjutni sonaha parmatei ni si Ahab sangat tragis pala darohni pe idilati baliang (22:38).

6. Refleksi

a. Talup janah dear do hita marsura-sura bani goluh on. Tapi bani na mamparayak sura-sura totap ma hita maronjolan bani hata ni Naibata. Ulang halani mamparayak sura-sura gabe itundalhon hita hasintongan pakon aturan ni Naibata. Ulang ma homa gabe ikorbanhon hita halak na legan bani ganup siparayakon ampa sura-suranta.      b. Keserakahan aima uhur na lang ra puas bani aha na adong. Keserakahan (bani arta, kuasa, pnl.), merupakan urat ni dosa halani sangat berpotensi untuk melegalkan segala cara, tanpa peduli bani hasintongan demi kepuasan ampa kepentingan pribadi. Tarimakasihkon hita ma aha na adong banta bei. Lang pala iuhur-uhuri hita arta ni hasoman halani anggo porsaya do hita bani Naibata, buei do cara ni Naibata laho mamasu-masu hita tanpa porlu mengorbanhon halak na legan.

c. Status na ibere Naibata hubanta bei ulang ma imanfaatkon hita ai laho parsedahon hasomanta tapi sebalikni pakei hita ma ai gabe kesempatan mangkaholongi hasomanta.

d. Totap ma bangun hita hasadaon, parhuan-huaonon, keluarga na saling mengkoreksi bani hata ni Tuhan. Hasadaon na sintong aima anggo riap hita sipambalosi bani hata ni Tuhan do. Hasadaon na lang ibagas hata ni Tuhan hasedaon do ujungni.

e. Haleluya No. 384 : 1 – 2

Read 130 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top