2. Domu hujin ibahen do pebandingan pasal fakta hidup nini: ‘Hisap-hisap ni jolma pindah-pindah bani paruntungan; tapi dearan do masombuh humbani na gabe siparladung’ (ay.22). On sihol patugahkon bahwa orientasi ni parjahat pitah hubani paruntungan do hansa tanpa peduli bani horja atap cara mandapotkon paruntungan. Hisap ni angkula do na manrajai uhur ni sidea. Sidea selalu sihol mandapot hauntungan pori pe lang tiba dalanni. Rayohan do sidea marhorja halani ai iusahahon do mambuat paruntungan walau dengan cara tipu daya. Domu hujin isobut bani ay.24, ‘Domma ipohul sipparayoh indahanni, tapi rayohan do ia mannahkon ai hu pamanganni’. Maksudni, aha pe na jumpah sidea marhitei hajahaton sasintongni seng marguna ai bani sidea halani usih do ai hubani indahan na dob ipohul tapi lang saud ipangan. Sidea lang menyadari na banggalan do ulih sitaronon na ijalo sidea marimbang paruntungan na dapot marhitei horja ladung ai. Sebalikni, halak parpintor lobih iutamahon do cara hidup na sintong dari pada paruntungan atap hisap ni angkula. Domu hujin itegashon ‘dearan do masombuh humbani na gabe siparladung’. On sihol mangajarhon bahwa banggalan do ulih ampa malas ni uhur na ibere Naibata hubani parpintor marimbang hauntungan ni halak parjahat.

3. Secara tradisi sumber atau na padaskon podah bani anak aima orangtua. Tapi nini bani ay.26, parjahat lang segan mangarsik bapani ampa mangusir-usir inangni. Ayat on sihol menegashon hasamboron ni parjahat na mangkagigihon podah ni orangtua. Sekaligus do ayat on patugahkon biak ni parjahat, bahwa demi mambangkuhon arta ni orangtuani ampa mansuhuni hisap ni angkula, lang segan-segan sidea mangarsik atap mangusir orangtuani. Lang adong be uhur na marpanimbangion bani sidea. Harganan do bani sidea arta ni orangtua marimbang orangtuani. Halani ai secara tandas isobut bahwa ulih sijaloon ni sidea sedo na madear tapi uhum ampa lonsing-lonsing do (ay.29). 

4. Refleksi

a. Na utama ipindo Naibata banta aima goluh na sintong atau cara hidup na domu hubani rosuh-Ni do. Anggo domma marosuh Naibata bani hauhuron ampa parlahounta, lang parkara na mahol bani Naibata mansarihon goluhta. Haringgaskon ma manangihon podah ai pasu-pasu ampa hadearon do isi ni podah atap sipaingat.

b. Aha pe na iranggihon ampa isurahon hita, maningon isadari hita bahwa pitah rosuh ni Jahowa do na saud. Halani ai bani ganup ranggian ni goluhta totap ma ibagas atur atau pambobai ni Jahowa halani lang markuasa hita mambere balos pasal goluhta anggo humbani gogoh ampa pingkiranta.

c. Soya do paruntungan anggo lang tiba dalanni tapi tarpasu-pasu do jolma na mardalan bani dalan ni Jahowa. Halani ai ulang ma hita irajai hisap ni angkula tapi irajai hata ampa harosuh ni Naibata ma.

d. Gabe arta siharganan ma banta mandalankon harosuh ni Naibata lobih humbani arta na legan halani marhitei na sonai lang be mangonai banta uhuman ampa lonsing-lonsing tapi sebalikni na madear do. Halani ai hagigihon hita ma na masambor janah malas ni uhur ma banta mangkorjahon na madear. 

e. Haleluya No. 248 : 1, 2, 6.