2. Piga-piga buah atau pasu-pasu na ijalo halak na porsaya bani hata ni Naibata :

a. Noak. I tongah-tongah ni bangsa parjahat ternyata Noak pakon keluargani totap do sipambalosi hubani Naibata. On aima hataridahaan ni haporsayaon. Selanjutni isuruh Naibata do ia pauli sada parau domu hubani janji ni Naibata na laho paluahkon sidea. Secara logika lang adong hubunganni pauli parau pakon haluahon halani secara alam daoh do hutani humbani laut. Tapi lang manjua si Noak mandalankon hata ni Naibata. Pori pe lang horja na urah pauli parau baik humbani sisi kemampuan, gogoh age panorang tapi ihorjahon si Noak do hata ni Naibata ibagas pongkut ni uhur ampa hasabaron. Hal on idalankon halani porsaya do ia bani hata ni Naibata. Ternyata hata ni Naibata na ihorjahonni berbuah manis, gabe maluah ia pakon keluargani humbani bah na sumbang.

b. Abraham. Isuruh Naibata do Abraham bungkas hun hutani hu ianan na ipatuduhkon Naibata na lape ibotoh Abraham ija ianan ai. Ijanjihon Naibata do homa na pasu-pasuon-Ni do Abraham pakon ginomparni ampa haganup bangsa marhiteihonsi. Secara logika tontu mahol do mangarusi pasu-pasu na sihol ondoskonon ni Naibata bani marpardomuan hubani sururah ni Naibata manadingkon hutani. Ia maningon manadingkon kondisi aman i hutani janah borhat hu sada ianan na lape jelas ope ibotoh ija janah sonaha keadaan ni tanoh ai. Tapi Abraham lang mencerna hata ni Naibata marhitei kemampuan logika perpikirni tapi ipatunduk do logikani marhitei haporsayaonni bani Naibata. Bani prosesni pe, ialami Abraham do homa berbagai pergumulan janah secara waktu pe lang mintor siluk jumpahsi bagah-bagah ai halani sompat do ia marianaan ibagas tenda pakon si Isak ampa si Jakob hasomanni panean bani bagah-bagah ai. Tapi pori pe malalui proses na borat janah panorang na dokah Abrahaam setia do mandalankon hata ni Naibata halani ihaporsayaai lang adong ladung hata ni Naibata. Ujungni jumpahsi do buah na madear marhitei na ipasaud Naibata bagah-bagahni jumpahan do Abraham bani tanoh bagah-bagah ai.

c. Sara. Sara na secara fisik tergolong mandul tapi ibagahkon Naibata do tubuhan anak ia. Secara logika pe tontu lang masuk akal ai. Tapi Sara pe porsaya do bani hata ni Naibata na marissi janji malas ni uhur ai. Lang homa mintor siluk ipasud Naaibata bagah-bagah ai, baru pe dob matua ia bahkan isobut do na dob matei tahatahon (ay.12), artini: lang mungkin be ninuhur, hape tubuhan anak do ia janah ginomparni gabe bangsa na banggal. 

3. Marhitei na ipatugah malas ni uhur na ipatalar Naibata bani halak na porsaya na sirsir mandalankon hatani, sihol mangojur kuria ase ulang ragu manjalo ampaa mandalankon hata ni Naibata. Lobih do humbani aha na boi ipingkiri jolma buah sijaloon ni halak na porsaya hu-Bani. 

4. Refleksi

a. Bani perjuangan ni goluh on domma ipaondos Naibata banta hata-Ni. Hata ai marisi janji atau padan haluahon ampa malas ni uhur. Na gabe pergumulan, gati ipalobei hita pingkiranta marimbang porsaya bani hata ni Naibata. On ma homa mambahen tarolat hita mandalankon hata ni Naibata sehingga lang sipardihut bani malas ni uhur ai. On ma na gati mambahen tubuh biar, ungut-ungut bahkan pandoleian janah imungkinhon homa gabe marhatengeran hubani naibata-naibata na legan. 

b. Uhur sangsi pakon ungut-ungut aima sada hataridahan ni na lang porsaya bani Naibata. Hal on taridah humbani sikap ni buei jolma na lebih meyakini pingkiranni sandiri mengatasi problema marimbang tangi bani cara ni Naibata laho pamonangkonsi bani problema ai. Untuk merobah ungut-ungut gabe semangat hidup pitah sada do aima: porsaya janah mardalan bani hata ni Naibata.

c. Solusi hidup pitah jumpah bani Naibata. Sada kepastian marhitei ambilan on, mangajamhon janaah porsaya bani Tuhan bani perjuangan ni goluh lang paroh habadoron tapi malas ni uhur do. Marhaporsayaon bani Naibata mararti do ai pasirsirhon dirinta, keluarganta, kurianta gabe appeian ni tangan ni Naibata laho mamasu-masu hita.

d. Haleluya No. 453 : 1 – 3