2. Domu hubani biak na baru aima na porsaya sirsir mamunuh atap mangambukkon biak ni daging/dosa aima parriah-riahon, habutakon, hisap-hisap, sura-sura jahat, uhur haut, ringis, panrisaon, hata sumsam  (ay.5,8). Na porsaya lang be marguru hubani daging tapi hubani Tonduy do. Marhitei Tonduy ai ma na porsaya margogoh manaluhon biak ni dosa ai. Bani situasi ampa keadaan na marubah-ubah, sifat atau bangkou ni na porsaya lang boi mubah. Lang homa mangidah-idah keadaan tapi bani ganup keadaan ningon ipataridahkon goluh na marhapansingon. Ilobei ni ganup halak pe ningon talar do goluh hapansingon ai. Margoluh hapansingon atau mangkorjahon na madear domma merupakan biak na melekat bani na porsaya sebagai buah ni pangkopkopon ni Tuhan.  

3. Ase idop ni uhur atau haluahon ai lang hape pitah ijalo tapi ningon do homa merubah hauhuron ampa goluh. Haporsayaon ai sedo sekedar perubahan goran tapi perubahan hidup. Haporsayaon lang pasif tapi aktif untuk berjuang pamateihon biak ni dosa. Ase marhitei pargoluhon do tarbukti halak na porsaya, atau haporsayaon maningon talar humbani biak atau parlahou. Halani ai sagala hisap ni daging ampa dosa domma gabe hagigi bani na porsaya bahkan iidah do ai sebagai musuh na boi parsedahon sehingga maningon ipadaoh humbani dirini. Halani musuh do ai, lang ra be ia paromban dirini hubani habutakon. 

4. Lang maluah jolma marhitei aha na adong i dunia on tapi haluahon ai pitah halani idop ni uhur ni Naibata do. Halani ai, arta siharganan bani na porsaya lang be dunia on pakon isini tapi pangkopkopon ni Kristus do. Sebagai arta siharganan, maka na paling utama iparayak na porsaya bani goluhni lang be dunia on tapi mangkorjahon rosuh ni Tuhan i dunia on do. Mangkorjahon rosuh ni Tuhan domma iidah sebagai arta siharganan marimbang atap aha pe na harga na adong i dunia on. Marhitei na sonai sidea totap do ibagas pangkoromion atau lang ra terpancing mangkorjahon dosa atau mulak use hubani cara hidup na lama bani na mamparayak sura-sura i dunia on. 

5. Haganup jolma boi maluah pitah halani idop ni uhur ni Naibata do. Lang adong na boi maluah humbani diri atap gogohni sandiri. Halani ai pori pe ihorjahon horja hapansingon atap na madear sedo laho pagijang-gijang diri atau paetek-etekkon hasoman tapi sebagai ungkapan tarimakasih bani holong ni Naibata do. Ase lang adong be halak Jahudi atau bangsa na legan, jabolon atap halak na bebas (ay.11), maksudni: ulang ihagijangkon pori pe adong perbedaan latar belakang pakon status na legan halani haganup boi maluah pitah halani idop ni uhur do. Ulang epes uhur mangidah halak na etek halani sidea pe dihut do na ihaholongi Naibata. Perbedaan-perbedaan latar belakang, talenta, pnl., lang boi ai alasan pabanggal-banggal diri tapi maningon ipakei laho pataridahkon goluh na marhapansingon aima horja na madear. 

6. Refleksi

a. Ulang marbaju dua lapis, idarat idahon borsih hape ibagas lang borsih. Gabe halak Kristen na sintong-sintong margoluh na pansing ma. Ulang pitah hata (pardarat) dear tapi hauhuron ampa goluh totap ope ibagas habutakon.

b. Lang na urah mangkorjahon goluh na baru, goluh na marhapansingon ai. Maningon ijalo hita do totap gogoh humbani Tuhan laho manaluhon hisap ni dunia on. Halani ai bere hita ma tongtong uhurta gabe ianan ni Tuhan in.

c. Ulang ma soya pangkopkopon ni Tuhan ai banta halani itulak hita haluahon ai marhitei na rosuhan tong uhurta bani hisap ni dunia on marimbang goluh na baru atap horja na madear.

d. Horjahon hita ma na madear halani domma parlobei Tuhan mangkorjahon naa madear banta. Lang soya goluhta halak na porsaya pori pe sipata maruntol bani horja na madear halani domma parrupei hita bani haluahon na lobih humbani haganup arta na adong i dunia on.

e. Haporsayaon na lang marpambahenan doskon na matei do ai. Tuhan lang marosuh hubani halak na munafik. Iidah Naibata do haganup isi ni uhur ampa horja ni kuria-Ni. I lobei ni jolma boi berpura-pura tapi i lobei ni Naibata talar do haganup. 

f. Haleluya No. 83 : 1, 2, 3.