2. Sauhur do homa sidea laho marponop halani ibotoh sidea na talanjang do sidea. Tapi ketika das hubani na mempertanggungjawabkon horja ni sidea i lobei ni Naibata, gabe mubah ma halani domma saling menuding pori pe sasintongni riap do sidea mardosa. Sanggah mangkorjahon na lepak sauhur tapi ketika manjalo konsekwensi ni dosa saling melempar kesalahan. Sonin ma homa gati biak ni jolma manutupi hahuranganni marhitei na manobut: lang au, ia do na salah ; halani ia do ase huhorjahon na sonai ai ; ia do mangarahkon au mangkorjahon ai, pnl. marhitei na mencari kambing hitam. Ulang ma marusaha manutupi hahuranganta dengan cara mansalahkon halak na legan. Anggo sonon ope biakta, lang adong ubahni hita humbani jolma na parlobei ai.
3. Hita pe idilo Naibata do ase sauhur mangkorjahon na madear bani rumahtangga, kuria, age masyarakat janah sapingkiran mangkorjahon na madear. Memang marragam jolma, marragam do homa pingkiran, pandapot ampa selerani. Tapi ase boi tubuh hasadaon ulang ma adong na mamaksahon rosuh ampa pingkiranni sandiri tapi maningon do riap mandalankon rosuh ni Tuhan. Ulang ma mintor manrampus anggo lang sosok bani pingkiranta, ulang ma homa mintor itorihi hita dalan laho parsedahon halak na lang sapandapot pakon hita. Sidearan aima saling marsipaingatan ampa marsiajaran laho mandalankon rosuh ni Tuhan. Ulang ma homa adong sikap kesewenang-wenangan, pemaksaan kehendak bani keluarga age kuria tapi ningon do haganup marpambahenan pasaudkon rosuh ni Tuhan.
4. Age bani parrumahtanggaon ulang gabe partolsuan na sada bani na legan tapi sebalikni ningon haganup hadir manjaga hapansingon ni keluarga marhitei na marsipaingatan bani hata ni Tuhan. Ulang ma selerani sandiri ibahen gabe ukuran na sintong tapi hata ni Tuhan ma. Maningon do homa haganup sirsir mamareksa dirini bei janah ra mangakui hahuranganni. Marhitei na sonin ma keluarga ai semakin toguh janah sada. Anggo lang sonai boi do age domma suami-istri tapi songon api do use iidah parinangon atap paramangonni. Saling marsipaingatan ibagas holong ampa mandalankon hata ni Tuhan merupakan kekuatan na luar biasa membangun rumahtangga. Sebalikni anggo gati ope saling membela diri janah saling menyalahkan, lambin daohni ma pasu-pasu ampa malas ni uhur bani keluarga ai.
5. Refleksi
a. Lang adong na lingot horja age pingkiranta i lobei ni Naibata. Anggo i lobei ni jolma boi hita membela diri ampa mamonopkon hahuranganta tapi anggo i lobei ni Naibata talar do haganup. Halani ai ibagas biar janah pambalosion bani Naibata ma tongtong hita marpambahenan.
b. Mangakui dosa ampa hahuranganta janah sirsir mansopotkon dosa ai i lobei ni Naibata merupakan sikap terbaik dari pada mamonop-monpkon hahurangan. Marhitei na sonin do tubuh habayuon ni uhur ampa parlahou sehingga kehadiranta lang be gabe partolsuan tapi na mamboan hadearon ma bani keluarga, kuria age masyarakat.
c. Ulang ma pitah rosuh mangidah hahurangan ni bapa atap inang tapi sirsir ma homa mangidah janah menyadari hahuranganta bei. Sifat saling menyalahkan tanpa menyadari hahurangan masing-masing mambahen keluarga jadi rapuh. Porlu ibangun komunikasi na dear janah marsipaingatan ibagas holong ase totap tubuh uhur na sada mandalankon hata ni Tuhan sehingga keluarga semakin kuat janah boi immun humbani sagala husip ni sibolis ampa dunia on.
d. Haleluya No. 353 : 1 – 4