2. Sebelum marbalos bangsa ai, Josua parlobei do mambahen komitmen/pangakuan i lobei-lobei ni sidea ‘Tapi anggo ahu pakon hasomanku sarumah, Jahowa do sibalosannami’ (15b). Haporsayaon ni Josua lang bergantung hubani balos ni bangsa ai tapi parlobei do ia mangakuhon haporsayaonni i lobei-lobei ni bangsa ai. Josua lang pitah mangojur bangsa ai ase marhabiaran bani Naibata tapi parlobei do ia porsaya janah marhabiaran bani Naibata. Josua lang pitah pemimpin na padaskon hata ni Naibata tapi na parlobei mangaku mangkagoluhkon hata ai do. Josua memiliki tipe pemimpin na layak itiru pasal pangakuan ampa sikap. Pernyataan on idasari hubani pengalaman bahwa mamungkah kaluar sidea hun Masir nyata do bahwa pitah halani holong ampa kuasa ni Jahowa do boi sidea marhamonangan manaluhon musuh i pardalanan age dob das i tanoh Kanaan. Jahowa do na mangondoskon tanoh Kanaan bani sidea. Halani ai Josua merasa terpanggil mangajar ampa paingatkon bangsa ai.
3. Isadari Josua bahwa masa depan ni bangsa ai semata-mata bergantung pitah hubani Jahowa. Halani ai nini: ‘Anggo itadingkon nasiam Jahowa anjaha ibalosi nasiam naibata na legan, gabe jadi marbalik ma Ia mamapai nasiam, siap tumang nasiam ibahen, romban hubani na madear na binahen-Ni bani nasiam’ (ay.20). Haganup na madear na dob ijalo bangsa ai ningon mendorong kesetiaan mambalosi Jahowa. Ulang lingot panonggor bani Jahowa dob ijalo na madear. Ningon ibilang-bilangi pambahenan ni Jahowa ase tubuh tekad mambalosi Jahowa. Ase masa depan ni bangsa ai sangat bergantung hubani sikap iman ni sidea do. Anggo itadingkon sidea Jahowa hona papa ma, anggo setia bani Jahowa gabe jumpahan na madear. Artini, hadearon lang bergantung hubani keadaan ampa gogoh ni sidea tapi pitah bergantung hubani hauhuron na porsaya bani Naibata do. Jahowa aima na pansing. Halani ai Ia lang marosuh anggo marhabutakon bangsa ai marhitei na mambalosi naibata na legan. Naibata parsimburu do Ia, lang ra ia ‘diduakan’, lang iharosuhkon anggo ‘berselingkuh’ bangsa ai hubani naibata na legan. Peristiwa masa lalu sanggah i pardalanan hun Masir na ongga sidea manombah gana-gana mambahen buei sidea matei janah rasei, ningon gabe pembelajaran na harga ase ulang itadingkon sidea be Naibata.
4. Selanjutni tubuh do hatotapan ni uhur ni bangsa ai, nini ‘daoh ma ai humbennami, anggo mintor tadingkonon nami Jahowa laho mambalosi naibata na legan’ (ay.15). Pala do tolu hali iungkaphon sidea komitmen untuk totap porsaya bani Jahowa (ay.16,21,24). Josua lang mendikte bangsa ai laho mambere balos tapi na ibahen Josua aima patugahkon aha do akibatni na manundalhon Naibata. Bangsa ai do na mambahen keputusan pasal pengakuan ni sidea. Sidea sandiri do homa gabe saksi ibahen Naibata bani pangakuan ai. Hatahonon, balos ni sidea tubuh humbani kesadaran, sedo halani na ipaksa. Marhitei na sonai pengakuan ai secara langsung domma mengikat janji antara Naibata pakon sidea sehingga lang boi iengkar, lang boi pitah hata. Anggo hona papa sidea sedo halani na lepak Naibata tapi halani na ilupahon sidea do janji atau pengakuan ai. Tugas ni bangsa ai aima: setia mardalan mambalosi Jahowa, janah Jahowa Naibata pasirsirhon hagoluhan bani sidea. Lang porlu iraguhon sidea masa depan, lang porlu ihabiari sidea sagala musuh asal ma totap marsijoloman janah sipambalosi bani Jahowa.
5. Refleksi
a. Porlu hita pakkei halani age bani zaman on buei tumang gana-gana (naibata na legan) na selalu menggoda hita, misalni: arta, hapentaron / pingkiranta, hisap ni daging, pardatuon/hasaparion, pnl. Ulang iparnaibata hita atap aha pe na adong i dunia on tapi totap ma sipambalosi pitah hubani Naibata.
b. Porlu do totap ievaluasi hita kwalitas ni pangakuan atau haporsayaonta hubani Naibata. Sukkun-sukkun na sederhana, anggo gabe halak Kristen hita domma halani sintong hita porsaya janah mangaku bahwa pitah Naibata do Sipaluah? Lang gendo hata mangaku tapi uhur ampa goluhta daoh ope humbani rosuh ni Naibata?
Pengakuan lang cukup marhitei hata tapi ningon marhataridahan. Hataridahanni aima: setia mambalosi Naibata bani ganup keadaan janah lang ipindahi pangurupion humbani na legan sobali humbani Naibata.
c. Lang ongga lepak Naibata hubanta. Halani ai dirinta do na porlu ikoreksi hita apakah domma mardalan janah sipambalosi hita hubani Naibata. Anggo domma marosuh Naibata mangidah goluhta, lang pahara na mahol Bani mansarihon/mambere na porlu banta. Tenger ma uhurta botohan do Naibata mambere na madear banta. Ase na utama porlu ibangun hita aima: uhur na sirsir porsaya janah sipambalosi hubani hata ni Naibata do.
d. Domma ibuktihon Naibata kesetian-Ni banta merhitei Tuhan Jesus na roh paluahkon hita. Marhitei Tuhan Jesus domma ijamin haluahonta sonari das bani hagoluhan na sadokah ni dokahni.
e. Haleluya No. 339 : 2, 5.