2. Bani ambilan on ipatugah do bahwa habayakon pe seng marguna. Mase? Balosni oleh parambilan aima:

a. Loja do marpingkiri jolma na marsinta-sintahon pirak anjaha na gok uhurni pitah bani habayakon (ay.9). Maksudni, halak na pitah gap uhurni bani habayakon loja do ia marpingkir ase dapot janah martambah artani. Ase ulih ni na gap mamingkiri arta ternyata sedo hasonangan tapi halojaon do use. Pori pe jumpah habayakon tapi lang jaminan ai pasonangkon goluh halani tambah habayakon, sura-sura pe tambah do homa sehingga lalap ma merasa hurangan janah loja mamingkiri ase tambah arta. Domu hujin, ternyata halojaon do use ulih ni jolma na marsinta-sintahon pirak sedo hasonangan.

b. Pori pe ipatumpu habayakon ternyata pitah mangidah-idah do hansa simadasi. Mase? Halani sasintongni kebutuhan utama bani jolma pitah na mangan ampa minum do hansa. Lobih hunjai pitah mangidah-idah mando ia bani artani. 

c. Halak na buei arta boi do gabe lang sinok modom halani gap manjaga ampa mamingkir-mingkiri artani sementara siparhorja (na lang adong artani) sinok do modom halani lang loja pingkiranni manjaga arta. Bani pahara on, na lang boi ipungkiri, ternyata sonangan do hape use jolma na lang mararta humbani jolma na sipararta na buei. Domu hujin ma isobut bahwa sisoya-soya do age arta. 

d. Arta ai lang boi homa terjamin boi torus adong. Boi do buei artani sonari tapi ari patar gabe magou halani na masa (misalni: hona tangko, akibat bencana alam, pnl.). Bahkan boi do use arta ai gabe ancaman bani simadasi halani iuhurhon halak use hosahni. Humbani pahara on pe ternyata arta ai boi gabe manunsahi simadasi janah halani ai ma ase isobut parambilan bahwa sisoya-soya do age arta.

e. Selanjutni ipatugah bahwa songon na talanjang ai ia mandarat hun boltok ni inangni, sonai do parmulakni use (ay.14). Maksudni, aha pe lang adong na boi iboan jolma dob marujung goluhni. Halojaon do hansa ulih ni na loja mansarihon arta halani dob matei ia seng tarboansi hape artani ai.

f. Sonin parrohni, sonai do parmisirni (ay.15). Maksudni: Pori pe buei arta tapi sai na adong do homa halahoan ni arta ai na lang terduga. Boi do ai marhitei na lari adang-adang humbani sibar-sibar, iarapkon hauntungan hape gabe harugian, sehingga tubuh ma use ringis (ay.16), boi do homa ai halani na borit gabe bois artani mamboli obat pakon peristiwa-peristiwa na legan na lang terprediksi.

3. Anggo sonai, aha do tujuan ni ambilan on? (Refleksi)

a. Mangajarhon ase ulang gap jolma in pitah manlojai dirini bani arta tapi memiliki sikap mampu bersyukur atau mensyukuri aha pe na adong bani. Anggo jumpahan ia bani arta ihamalaskon ma ai ibagas na martarimakasih bani Tuhan, tapi pori pe lang jumpahsi arta na buei ulang halani ai gabe etek uhurni atau mandolei tapi totap ma martarimakasih hubani Tuhan.

b. Ase totap ma holongan uhur hubani Tuhan dari pada hubani arta. Ulang halani mamparayak arta gabe itundalhon use Tuhan bani goluh on. Ningon porsaya bahwa ibotoh Tuhan do na porlu bani sehingga lang maseda uhur ampa pingkiranni halani arta.

c. Anggo ipasu-pasu Tuhan horjani janah ibere arta ipakeihon ma ai ibagas na dear laho mamuji ampa pasangapkon Tuhan. Ulang halani arta gabe roh daohni ia humbani Tuhan. Ulang halani arta gabe tubuh gijang ni uhur atau isuhuni use hisap-hisap ni dagingni gabe madabuh ia hubagas dosa.

d. Ase berhikmat ma mamakei arta marhitei na manimpan artanta i nagori atas. Carani, pakeihon hita ma arta na adong bani laho mangkaholongi hasomanta tarlobih halak na musil halani aha na ibahen hita hubani hasomanta lang na magou ulihta ijai halani doskon na marpambahenan bani Tuhan in do hita ai. Topik mingguan: Pasangapkon Naibata marhitei sinadongan. Halani ai anggo ibere Tuhan banta arta, pakei hita ma ai bani na madear janaah laho patorsahon ampa menopang horja ni Tuhan i dunia on.

e. Doding Haleluya No. 404 : 1 – 2