4. Domu hubani pangadu-aduan ni parpsalmen on, bani ay.6-8 ipatugah do sonaha malas ni uhurni marianan i rumah ni Naibata halani ternyata jumpahsi do ijai balos pasal parkarani ai. Halongangan do balos ai bani parpsalmen halani hasintongan ni panguhumion ni Jahowa (ay.7). Halongangan ni Naibata aima: Naibata pasti do bertindak manguhum halak parjahat tapi mambere malas ni uhur hubani halak parpintor. Artini, lambin isadari parpsalmen do bahwa sisoya-soya do goluh ni parjahat age pe songon na jagar idahon, tapi harga do bani Naibata halak parpintor in. Halani ai lambin malas do uhurni age ihagigihon parjahat ia halani ihaporsayai na gogohan do tangan ni Naibata paluahkonsi. Bahkan bani ay.8 isaksihon do na lambin marbanggal do holong ampa pambalosionni hubani Naibata.
5. Halani ai ipuji parpsalmen do Naibata na sirsir mambere balos bani perkarani ai. Lang pitah ai, sirsir do homa ia pabotohkon halongangan ni panguhumion ni Naibata hubani halak na legan termasuk hubani halak parjahat (ay.7). Ijon ipataridahkon do hasirsironni ipakei Naibata manaksihon hasintongan ni Naibata bani dunia on ase mulak use parjahat in hubani Naibata. Ia sirsir mamakei goluhni gabe alat ni Naibata laho patalarhon holong-Ni bani dunia on. Ia merasa terbeban anggo lang mambaritahon atau manaksihon halongangan ni panguhumion ni Naibata halani marhitei ai do boi marhamubahon age parjahat in.
6. Refleksi
a. Kira-kira hunja do nuan boi taridah atau tarbukti hakristenonta? Domma talar ai marhitei goluhta na totap marhapansingon janah na selalu mangkagigihon sagala horja hajahaton? Atau, tangkas ope taridah bedani cara hidupta humbani cara hidup ni dunia on?
b. Ibotoh janah iidah Naibata do das hubagas tang parbagas ni uhurta sonai age goluh / parlahounta ari-ari. Halani ai ibagas biar janah gok ibagas pambalosion bani Naibata ma hita tongtong marparlahou.
c. Porlu totap hita mambohali diri bani hata ni Naibata ase lambin margogoh hita mamparlahohon sagala na madear janah manimbili sagala hajahaton. Ulang ma pitah boltok jasmaninta bosur tapi terlupa mangisi bohal partonduyonta.
d. Ningon isadari hita bahwa sisoya-soya do ulih ni parjahat tapi malas ni uhur ampa haluahon do ulih ni na sirsir mardalan ibagas hasintongan. Halani ai gabe malas ni uhur ma banta mangkorjahon hasintongan halani sekaligus do homa ai sebagai hasaksianta bani dunia on ase andohar itundalhon parjahat in hajahatonni. Tapi pori pe ihagigihon parjahat in hita ulang ma gabe galek hita.
e. Haleluya 459 : 1 – 3