2. Hunjon boi iidah hita bahwa jolma selalu ipengaruhi dua sumber bonih aima bonih na humbani Tuhan aima hata-Ni ampa bonih ni sibolis na mambobai jolma in hubani hajahaton. Jolma in bebas do mamilih bonih sijaloonni tapi aha pe pilihani domma ipatugah konsekwensi masing-masing. Ipatugah konsekwensini ibagas tujuan ase waspada jolma in manjalo atau mamilih bonih na madear.
3. Anggo sadokah i dunia on boi do sipata idahon gijangan atau hebatan partubuh ni simaromei-omei humbani omei, artini: seolah-olah mardoharan halak parjahat humbani halak parpintor. Tapi bani situasi na sonin pe ningon takkas isadari bahwa lang totap hadoharon ni parjahat. Sebalikni, pori pe songon na tarpisat halak parpintor ibahen halak parjahat, maningon do totap setia hubani hata ni Tuhan halani banggal do use upah sijaloon ni sidea. Hatahonon orientasi hidup ni halak parpintor lang pitah hadoharon na i dunia on tapi lobih hunjai aima hagoluhan na manongtong ai do. Na itekanhon ijon sedo masalah ise sidoharan na paling hormat janah Berjaya i dunia on tapi lobih menekanhon hubani kesetiaan ampa cara hidup na totap pataridahkon bonih na madear atau hata ni Naibata do atap lang. Seleksi bani panorang paruhuman ai sedo ise sigijangan, ise na paling mardohaar sanggah i dunia on tapi ise na totap setia mangkagoluhkon hata ni Naibata do.
4. Domu hujin lang pala heran hita anggo gereja atau halak na porsaya in gati ipisat, ibenci bahkan iparburu dunia on. Bahkan lang jarang isobut sidea halak na oto. Mase? Halani bani prinsipni goluh atau cara hidupni sidea lang be sarupa pakon dunia on, tujuan, rosuh ampa sura-sura ni sidea lang be sarupa pakon dunia on. Dunia on atau halak parjahat lobih mengutamahon kenikmatan dunia tanpa peduli bani sikap tapi halak na porsaya lobih mangutamahon sikap na sadalan bani hata ni Naibata do.
5. Perbedaan ni omei pakon simaromei-omei takkas do homa nyata bahwa omei pasti menghasilkan buah tapi simaromei-omei lang ongga marbuah. Memang anggo sepintas mangidah songon na lang adong bedani tapi anggo tulimaat itonggo taridah do bedani. Sonin ma homa parjahat in boi do idahon songon na sarupa pakon halak parpintor. Sama-sama tartawa, mardalani, marminggu ampa martonggo do sidea tapi anggo tulimat ipardiateihon marbeda do. Umumni perbedaan on boi takkas ididah sanggah sama-sama mandompakkon sitaronon. Parpintor pori pe mandompakkon sitaronon totap do taridah janah marbanggal bani dirini bonih hasabaron, lang mungut-ungut janah lang mandolei tapi anggo parjahat (simaromei-omei) urah do madabuh hubagas dosa.
6. Borngin-borngin do roh musuh manaburhon simaromei-omei ai sanggah modom simada juma ai. Sonin ma sibolis in sangat lihai janah menggunahon kesempataan na gati lang isadari jolma in. Halani ai anggo lang pakkei boi do lang isadari jolma in hape goluhni domma irajai dosa ampa sibolis, bahkan justru membenarkan dirini ibagas na lepak. Mase boi terjadi na sonin? Halani lang marurat hata ni Naibata atau bonih na madear ai ibagas dirini. Sebalikni, anggo domma marurat hata ni Naibata ibagas uhurni, pori pe adong na manaburhon bonih na lang madear totap do ia bertahan janah bertumbuh ibagas sagala na madear.
7. Refleksi
a. Pori pe riap manggoluh ope hita pakon parjahat i dunia on ulang ma gabe dihut hita hubani bilangan ni parjahat.
b. Totap ma jaga ase ulang lang dihut hita bani haluahon na dob ipasirsir Tuhan ai. Lambin marurat ma goluhta bani hata ni Tuhan.
c. Haleluya No. 202 : 5 – 6