2. Domu hujin isobut Tuhan Jesus; ponop do rusia in humbani halak na maruhur ampa na pentar, tapi ipatalar do in hubani dakdanak (ay.25). Halak Jahudi igolongkon hubani na maruhur ampa na pentar. Maksudni: sidea domma merasa benar janah layak ilobei ni Naibata marhitei hapentaron ni sidea sehingga lang sirsir paubah uhur. Sebalikni dakdanak na imaksud ijon aima halak na sirsir menyadari hahurangan ampa dosani janah sadar lang mampu paluahkon dirini anggo humbani gogohni sehingga sirsir manjalo Tuhan Jesus ibagas toruh ni uhur.
3. Mambalosi anggapan ni halak Jahudi bahwa sidea domma merasa talup ilobei ni Naibata, ijai ma ipatandahon Tuhan Jesus diri-Ni, nini: ‘seng adong na mananda Bapa in sobali Anak in, ampa na pinodahan ni Anak in (ay.27). Artini, lang adong age ise pe na talup ilobei ni Bapa, atau lang adong na boi das hubani Bapa anggo humbani hapentaranni sandiri. Na talup ilobei ni Bapa aima na sirsir manjalo Anak in do. Sementara halak Jahudi na memiliki aturan-aturan titah (613) janah manurut sidea maningon idalankon do haganupan ai ase boi maluah, on mambuktihon bahwa anggapan ni sidea ai lepak botul halani lang mungkin age sada pe jolma in mampu mangkorjahon titah ai secara sempurna termasuk sidea sandiri.
4. Halani ai ipadas Tuhan Jesus do ontangan bani jolma pasal haluahon ai ‘roh ma nasiam hu-Bangku nasiam na loja anjaha na boratan, ase Hupasonang nasiam’ (ay.28). Artini, na boi sonang atau maluah aima na sirsir roh hu-Bani. Syarat ase boi roh hu-Bani pe sedo perasaan hebat tapi sidea na loja janah na boratan do. Maksudni: na menyadari keterbatasan ampa dosa ni sidea na borat, na sadar bahwa lang mampu sidea mamorsan dosa ni sidea anggo humbani gogohni. Halani ai sidea roh ibagas panandaion diri sebagai halak pardosa na borat.
5. Selanjutni ipatugah Tuhan Jesus ‘Ai lamlam do pasangan-Ku, anjaha hampung do na Hupaporsankon’ (ay.30). Maksudni: Ibotoh Tuhan Jesus do keterbatasan ni jolma in na lang mampu paluahkon dirini, halani ai Ia sandiri do na mamorsan dosa ni jolma na borat ai. Marhitei na sonin ma boi use gabe hampung siporsanon janah marmalas ni uhur ampa jumpahan haluahon jolma in.
6. Refleksi
a. Panandaion diri sebagai jolma na galek janah pardosa, ai do na ipindo Tuhan hubanta. Halani ai ningon isadari hita do na gok dosa ampa hahurangan do hita janah sirsir roh hubani Tuhan Jesus ibagas toruh ni uhur.
b. Ibagas ketidak-mampuanta mambayar utang ni dosanta, ijai ma Tuhan Jesus sirsir mambayar lunas utangta ai bani hayu silang in. Domu hujin ma gabe hampung use pangahapta janah boi hita marmalas ni uhur halani domma gabe parsimada hita bani haluahon ai. Malas ni uhur na sonin ma mendorong hita lambin sirsir pasangapkon Tuhan in. Gabe halak Kristen sipartarimakasih ma hubani Tuhan. Haganup horja na madear na boi ibahen hita ulang ma gabe gijang ni uhur atau ihorjahon hita ai ibagas na tarpaksa tapi gabe hataridahan ni malas ni uhurta pasangapkon Tuhan in ma.
c. Arta ge sangap na adong i tanoh on na laho salpu do in ganup janah lang mampu ai paluahkon dirinta, tapi haluahon na domma iondoskon Tuhan Jesus hubanta marhitei silang-Ni totap do in. Halani ai hargahon hita ma haluahon ai, ulang ipaluah hita use halani bagei ni na masa gabe soya use goluhta. Jalo janah pakei hita ma totap gogoh na domma ibere Tuhan banta aima Tonduy-Ni manramotkon haluahonta ai janah ase ibagas pambobai ni Tonduy ai hita totap mardalan.
d. Haleluya No. 372 : 1 + 3
pdt.jeddy s