Igambarhon do pargoluhon bangsa Israel songon pohon anggur na domma manjalo perawatan na dear, manjadihon bangsa ai ase bangsa na sintong ampa madear. Ipungkah ma ai humbani pemilihan tanoh, isangkuli, batu-batu ni ipadarat, dob borsih isuan ma janah iramotkon ibagas na dear, ipajongjong do homa manara panjagaan. On patuduhkon sonaha pambahenan ampa holong ni Naibata. Tapi lang ihargahon sidea haganupan in. Gagal do sidea gabe bangsa na iharusuhkonni Naibata halani maseda do pargoluhan ni sidea, sonai age haporsayaonni. Hal on parohkon hutuk ni Naibata bani bangsa ai, sarupa pakon parjuma na manramotkon jumani hape lang marbuahkon buah na madear na sinuanni. 

Hatoranganni

Jesaya 5:1-7 ai ma sada doding ni nabi Jesaya laho padaskon sonaha do ahap ni Naibata magidah pargoluhan bangsa Israel ai. Ipatugah nabi Jesaya do marhitei dodingni, bahasa hubungan bangsa Israel pakon Naibata dohor tumang. Isobut do sidea ai haholongan-Ku, pohon anggur bani dolok-dolok na lambutan. Pohon anggur pakon dolok-dolok na lambutan gabe hataridahan holong ni Naibata dompak bangsa ai. Marhitei manangkuli tanoh, mamuliti batu-batu, dob ai isuan ma pohon anggur pilihan. Janah lang soh ijai, ipajongjong do manara panjagaan, sonai homa ipauli sada panggilingan. Artini simada pohon anggur ai pasirsirhon sidearan ase pohon anggurni bani panorangni boi marbuahkon buah na jenges janah ramos. Tapi lang sonai, marbuahkon si marbuah-buah do pohon anggurni. Tontu patut do kecewa janah marah  simada pohon anggur ai. Pahara on ma iharapkon Naibata bani bangsa ai ase pataridahkon na madear atap pataridahkon hajongjonganni sidea selaku bangsa pinilih ni Naibata marhitei manggoluh ibagas hasintongan ampa holong. Tapi sebalakni; sidea manggoluh bani hagolapan, manlawan dompak Naibata. Sidea on ma si marbuah-buah  ai (migar/lang madear). 

Agepe domma ganup pahara ibahen Naibata laho manramotkon bangsa ai na gabe kobun anggur-Ni (ay 4), tapi kobun anggur ai marbuahkon "buah anggur liar." Kegagalan kobun anggur ai mamparbuahkon buah na madear, mambahen simadasi lang be mampardiateihonsi (ay 5-6). Ipaturut simada kobun anggur ai do suansuananni ai iparseda, idokdok, iambukkon, ipaturut, usih songon bangsa Israel na iambukkon hu Babel.

Tindakan Naibata hubani pohon anggur na lang marbuahkon buah na madear, Naibata mansurahon laho mandokdok (mencabut) pagar ni pohon anggur ai, ase bois hona gagatan, iparseda tembokni ase hona lotlotan, ipaturut halong, ranggason, tubuhan duri-duri ampa poyon-poyo. Lang sibar ijai, iparentahkon do hombun ase ulang roh udan ase matei ganup pohon anggur ai. Taridah sonaha majanginni gila/marahni Tuhan ai hubani bangsa na lang marbuah atap lang mambahen na madear. 

Bani ayat 7 ipatugah do bahasa pohon anggur ni Tuhan ai ma bangsa Israel na lang mambahen na  madear, mambahen marah Naibata. Jumpah hita do sonaha pangidah ni Naibata bani halak Israel. Bani hata Heber, isobut bahasa Naibata mandarami “mishpat” (hasintongan/keadilan), tapi na jumpah “mispach” (daroh maruseian/kelaliman). Ia mangarapkon “zedekah” (hapintoron/kebenaran), tapi na itangar-Ni pitah “zaakah” (na so uhum/keonaran). Halak Israel mangahapkon bahasa pargoluhan ni sidea domma dear ilobei-lobei ni Naibata, hape lang. Daoh do pargoluhan ni sidea humbani na niarapkon Naibata/jauh dari sasaran. Sidea mangkorjahon na lang niarapkon Naibata.

Hahonaonni 

1. Usih songon parjuma na parborsihkon batu bani jumani, sonai do Naibata marhitei Jesus paborsihkon hita humbani dousanta, ase jumpahan hagoluhan hita. 

2. Dingat hita ma goluhta saguru bani Naibata, ulang lalap bani horja na lang madear ai, ase ulang mangou hita. Sasintong ni Naibata lang marosuh bangsa-Ni mangou, tapi ase mulak hubani dalan na iharosuhkon Naibata. Halani ai sirsir ma hita marhamubahon ni uhur ase ulang dong na magou.

3. Naibata domma pataridahkon holong-Ni banta ibagas Jesus. ase ihagoluhkon hita ma holong ai, marhitei mamparbuahkon buah na madear ibagas goluhta siganup ari.

4. Tuhan telah menciptakan iman di dalam hati kita supaya kita menghasilkan buah, yaitu melakukan hal-hal yang mendatangkan sukacita bagi Tuhan. Apakah yang mendatangkan sukacita bagi Tuhan? Rasul Paulus memberi tahu kita bahwa buah Roh adalah “kasih, sukacita, damai sejahtera, kesabaran, kemurahan, kebaikan, kesetiaan, kelemahlembutan, penguasaan diri” (Gal 5:22b, 23a). Ketika Tuhan melihat kita melakukan hal-hal ini, Ia pun bersukacita.

5. Pernahkah kita menipu diri sendiri dengan berpikir bahwa kita melakukan apa yang Tuhan inginkan, padahal sebenarnya kita melakukan yang sebaliknya?