Sonai homa bani ambilan on, iojur do ase uhurni halak na porsaya mangkawah dompak Jesus na dob paluahkon jolma humbani gomgoman ni dousa. Halak na dob mambahen Jesus na gabe sentral goluhni, lang mangkawah be bani goluh hasaparionni (manggoluh ibagas titah), tapi gabe manggoluh ibagas idop ni uhur ni Tuhan. Halani ai, hamubahon ni uhur (pertobatan, repent, metanoia) gabe sada pahara na porlu bani jolma (bnd. Pod. 2:23; Luk. 21:34; Mat. 15:18).

 Hatoranganni

Ayat 1: Bani  panorang ai adong do patugahkon bani Jesus pasal halak Galilea na madurus darohni ibahen Latus sanggah padaskon galangan i rumah panumbahan, mambahen gabe taragu pakon daroh ni galanganni sidea. Sanggah padaskon galangan ai, tentara ni Latus manangkap janah mamunuh sidea (manduruskon daroh). Aha do motif ni Latus mamunuh halak na padaskon galangan i rumah panumbahan tongon lang tangkas ipatugah. Tapi manurut tradisi Romawi, bahasa porlu do secara berkala raja patuduhkon hubani rakyatni bahasa lang adong toleransi bani halak na sihol mambarontak/manlawan Romawi. Ase laho patuduhkon eksistensini  Romawi, boi do halak itangkap janah ibunuh age pe lang adong salahni. 

Manurut pangidah ni na mabuei, on sada horja na lang patut, ija rumah panumbahan sasintongni gabe sada ianan na aman, nir kekerasan sonai age mambahen maragu daroh ni galangan pakon daroh ni jolma. Tongon lang tangkas ipatugah ise do na roh manlapor hubani Jesus pasal na masa ai, janah aha do tujuanni sidea. Humbani balosni Jesus, adong kesan sidea sihol mangkatahon bahasa sidea lang songon halak Galilea na ibunuh ai, seng marsalah atap mardousa sidea. Sungkun-sungkun ni sidea na sasintongni aima; dousa aha do na dob binahen ni halak Galilea ai, ase sompat sidea manaron na sonai ai. Manurut haporsayaon na populer bani abad parlobei, paharaon ai ma uhuman ni Naibata hubani halak na mangkorjahon dousa-dousa tertentu. Jadi fokus ni sidea aima; Aha do dousa na binahen ni halak Galilea. Usih ma pangarusion ni sidea on songon si Elipas hasoman ni Job bani Job bindu 4. 

Jesus sihol mambobai sidea humbani masalah sosial politik na masa bani panorang ai hubani refleksi diri secara spiritual. Jesus lang sihol mangidah dimensi politik humbani kasus pembunuhan on, tapi Jesus marsangaja menghindari mansahapkon pasal ai, halani bani Jesus na tang siporlunan marhitei na masa on ai ma pelajaran rohani aha do na boi sibuaton ni sidea.

Ayat 2-5: Tapi balos ni Jesus, “na iagan hanima do namardousanan halak Galilea ai marimbang haganup halak Galilea, halani sonai mangonai bani sidea?” Jesus patangkashon bani sidea lang murni halani dousani mambahen roh paruntolon hubani sada-sada jolma. Janah lang talup jolma manguhumi jolma na legan, sobali Naibata sandiri. Janah bani ayat tolu (3) ihatahon Jesus, lang halani banggal ni dousa atape lang halani banggalan dousani marimbang na lang manaron songon halak na ibunuh Latus ai. Tapi nini Jesus maningon do “paubahon uhur” ase ulang masa songon na roh bani halak Galilea mambahen magou use hita. Hamubahon ni uhur ai ma dalan ase maluah hunbani hamagouan/kebinasaan. 

Laho lambin patangkashon pangarusion ni sidea, ibahen Jesus do contoh peristiwa na legan (lang halani peristiwa politik-state crime of murder) ai ma mareongni manara Siloam, mambahen matei 18 halak (halani kesalahan teknis-mechanical failure). Siloam ai ma goran ni sada waduk dohor persimpangan tembok selatan pakon timur huta Jerusalem. Manara Siloam ai, mungkahni bagian humbani benteng kota. Lape piga dokah Latus mambangun saluran ni bah na lopus humbani ianan ai, jadi sanggah mangkorjahon saluran ai, konstruksi menara Siloam na dob matua ai targanggu, mambahen mareong mandondoni tukang na mangkorja, lanjar matei.

Jesus padaskon dua pahara na lang dos secara bersamaan, seolah-olah keduanya sama saja. Tapi na sihol sobuton ni Jesus ai ma pasal dousa, hamubahon ni uhur/pertobatan, pakon uhuman. Halani ai, Jesus sihol sidea mengoreksi diri, bahasa sidea pe jolma pardousa do. Bani Rom 3:23 ihatahon, “Ai seng dong ubahni, sabonar haganup do sidea mardousa, anjaha seng dong sipujion ilobei ni Naibata.” Tapi lang dousa namanontuhon sonaha parujung goluhni sada-sada jolma. 

Poin utama na sihol sobuton ni Jesus aima: Halak na matei irumah panumbahan atap na matei halani idondoni manara Siloam na mareong, atap marsitaronon halani atap aha pe ai, sidea “lang mardousanan halak na legan marimbang hita, halani upah ni dousa ai ma hamateian” songon na sinobut bani Rom 6:23, “Ai upah halani dousa, ai ma hamateian, tapi silayak-layak ni Naibata do hagoluhan na sadokah ni dokahni marhitei Kristus Jesus Tuhanta in.” 

Haganup do hita mandompakhon hamateian ai! Dong na tar hunlobei, dong na tar hunpudi (lebih awal atau beberapa lebih lambat dari yang lain), tapi bani ujungni, mangirik do pangkorhon ni dousanta banta anggo lang marhamubahon hita. Halani ai, hamubahon on do na mangkorhon haluahon marhitei na manghaporsayai Kristus na manobus hita humbani dousa-dousanta.

Hahonaonni

1. Bani Lahoan ni Apostel 3:19 ihatahon, “Ase paubah nasiam ma uhurnasiam, anjaha mulak ma nasiam, ase tarsasap dousanasiam,...” Jadi buah paubahkon uhur ai ma isasap Jesus dousanta. 

2. Jesus pasingatkon hita ase paubahkon uhur, halani ganup do hita pardousa. Bani 1 Johannes 1:8-9 ihatahon, “Anggo ihatahon hita, seng dong dousanta, ipaoto-oto hita do dirinta, anjaha seng ibagas hita hasintongan in. Anggo isopothon hita dousanta, hatengeran ni uhur anjaha bonar do Ia manasap dousanta ampa paborsih hita humbani haganup hagedukon.”

3. Hamateian halak na legan atap marhitei halani aha pe ai, maningon do gabe singant-singat na marguna banta (Memento Mori). Ase lang persoalan sonaha atap halani aha hita matei, tapi na tang siporlunan ai ma sonaha do hita sanggah manggoluh. Cara hidup akan menjadi dasar penghakiman ilahi, bukan cara kematian. Karena lamanya hidup tidak dapat diprediksi, yang terbaik adalah melakukan reformasi/pertobatan sekarang sebelum terlambat.

4. Santo Agustinus mengatakan, “Tuhan telah menjanjikan pengampunan atas pertobatan kita, tetapi Dia tidak menjanjikan hari esok untuk penundaan pertobatan kita.” Waktu bagi orang percaya harus dipahami sebagai waktu untuk bertobat/paubahkon uhur, ase ulang magou hita.