Adong hasomalan ijai anggo mangontang sahalak siparambilan/tokoh ianggap ma ai mambere hauntungan bani simada rumah, janah aima na ihorjahon si Simon. Tongon Simon mangontang Jesus hurumahni, tapi lupa do Simon pasal aturan-aturan na somal anggo adong tamu agung roh hurumah, maningon do pasirsirhon bah na laho mamburihi nahei, manummah tamu ai. Tapi lang isummah si Simon Jesus sanggah masuk hurumahni. Halani aha na ibahen Simon ibagas na mangontang Jesus ai ma secara formalitas hasomalan tumang. Ase sanggah ididah si Simon, roh sada naboru mamburihi nahei Jesus marhiteihon minak na misbou, janah mansumah naheini Jesus, maila do namin pangahap ni Simon, janah ibagas uhurni, ai lang ibotoh Jesus on ise naboru on, mase ma ipaturutni naboru ai mambahen hal na sonai. Ibotoh Jesus do aha na ipingkirhon si Simon, ai do na gabe hitei ni Jesus laho paubahkon pandanganni si Simon marhitei pangajarion-Ni.

Hatoranganni

Ambilanta on ipungkah Jesus marhitei sada limbaga na isungkun ni bani si Simon. Jesus anturihon pasal adong 2 halak na marutang, 500 dinar (500 x 53.000= 26.500.000) pakon 50 dinar (50 x 53.000 = 2.650.000). Hape lang sanggup be sidea manggalar utangni sidea ai, janah saud ni ibalihon ma utang ni sidua halak ai (diputihkan). Isungkun Jesus ma si Simon, “halani doh ibalihon utangni sidea ai, ise do humbani sidea siholongan uhurni bani?” Janah ibalosi si Simon ma, “ninuhurhu, parutang sibueinan na ibalihon aima”, dob ai nini Jesus, “Sintong do timbanganmu ai”. Dob itangar Simon pasal limbaga ai, Simon mangahapkon, pasal dirini do na imaksud Jesus humbani limbaga ai 

Simon mangahap sintong sangah membandingkon dirini hubani naboru na pardousa ai. Humbani sisi naboru ai, ia memang mangahapkon bahasani ia pardousa na banggal, tapi domma itangar ni pasal ajaranni Jesus hunjai ma ia mananda Jesus, ibagas panandaionni ai ma megah uhurni na laho mambere hadiah na tang sidearan sebagai tanda tarima kasihni halani ia porsaya haganupan dousani domma isasap Tuhan in.

 Ijin naboru ai mangidah Jesus, secara emosional lang be terkendalihonni megah uhurni, mintor manrogop do ia bani naheini Jesus, janah ibagas na tariluh do ia, lang adong na boi ibahen ni na laho paborsihkon iluhni ai (ai do ase ibahenni jambulanni, hape na masa bani panorang ai, lang boi sembarangan sada naboru mambuka ikatan jambulanni ilobeini buei halak), dob ai iminaki naboru ai ma naheini Jesus marhitei minak na misbou ai, janah isumahni ma naheni Jesus. 

Pangidah ni Simon, hal na ihorjahon naboru ai, aima sada hal na pailahon/pabadorhon, halani mamboli minak ai pe ia marhitei duit na ijalo ni ibagas na mangkorjahon dousa (melacur, bnd 5 Musa 23:18). Adong pendapat “Pemberian dari orang yang tidak bermoral dianggap kotor dan tidak dapat diterima oleh orang yang terhormat”. Ai do ase heran si Simon, mase ma ipaturut Jesus, naboru ai mambahen sonai ai hubani, janah mase ma Jesus lang manggila manjalo na sonai ai humbani naboru ai. 

Jesus sihol paubahkon pola pandangni si Simon, tongon naboru ai sahalak pardousa banggal, tapi Jesus laho mamboan Simon mangidah naboru ai ulang lalap humbani dousani, tapi idahma ma naboru ai sebagai sada halak na domma mananda Jesus janah sahalak na domma isasap dousani. Hal na sonon ma na gati homma marlaku banta, merasa paling sidearan, paling benar, mambahen hasoman na legan sipardousa banggal. Lupa hita bahasa ganup halak parsimada hak laho mananda Jesus janah ibagas panandaion na sintong ai mamboan hadearan pakon haluhaon ibagas goluhni. Jelas ibotoh Jesus do ise naboru ai, sonaha dousa ni, tapi na lobih humbani haganupan ai, naididah Jesus humbani naboru ai aima; parrohni ibagas panolsolion diri pakon marmalas ni uhur halani ganup dousani domma isasap Jesus. Ai do ase bani ayat selanjutni Jesus sihol mempertegas aha na iakuhon naboru ai ibagas uhurni, “Domma sasap ganup dousamu ai” ambah ni ai, ihatahon Jesus homa, “Haporsayaonmu do na paluahkon ham. Mardamei ma ham mulak”. 

Hahonaonni

1. Goran minggunta aima Judika, artini “Luluhon Ahu Ham Naibata (Berilah Keadilan Bagiku, Ya Allah)”. Tangkas do sonaha Kristus mambere keadilan bani sahalak naboru ai. Halani dousani, ianggap rendah do naboru ai, ianggap tidak terhormat age pe domma sonai dearni nabinahenni bani Jesus. Marhitei na ijalo Jesus aha na ibahen naboru ai, mararti do pengampunan dosa ai berlaku bani haganup halak na ra porsaya. 

2. Halak na otik hona sasap dousani, otik do holong ni uhurni. Simon mangahap sintongan marimbangkon naboru ai, mambahen ia memandang rendah hasoman na legan. Ulang adong hita na merasa lebih benar ibandingkon hasoman, hape pardousa na banggal bei do hita on haganupan, janah na manjalo hasasapan dousa pakon haluahon do hita humbani Tuhan in, ase boi ma hita mangusihi naboru ai, na laho pataridahkon holong na banggal hubani Kristus ai halani domma ijalo hita hasasapan ni dousa.

3. Haporsayaonmu do na paluahkon ham, mardamei ma ham mulak. Sedo pitah halani horja na dear na ibahen hita ase hita maluah, tapi sonaha hita mangkaporsayai Jesus na gabe sipaluah banta. Lang boi pitah porsaya, hape lang taridah ai humbani pambahenanni, aido ase Jesus mangkatahon, haporsayaonmu na paluahkon, mardamei ma ham mulak. Artini halak na domma porsaya manjalo haluahon, janah halak na manjalo haluahon janah porsaya, kehadiranni ai ma gabe siboan damei.