Sibasaon 06 Agustus 2017, Jesaya 55 : 1 – 5

TANGIHON ONTANGAN HALUAHON NA HUMBANI NAIBATA !

Jesaya 55 : 1 – 5

55:1 Ale hanima, sagala na horahan, roh ma bani bah on! Anjaha hanima na so marduit, roh ma, boli anjaha pangan ma! Roh ma hanima, boli ma anggur ampa dadih, lang pala marduit atap marpamboli! (Joh. 7:37; Pangk. 22:17.)

55:2 Mase ma mambere duit hanima bani na so sipanganon, atap gogoh bani na so boi pabosurhon, tangihon, tangihon hanima ma Ahu, jadi panganonnima ma na mantin, anjaha bosur ma hanima bani na mataboh!

55:3 Pateleng pinggolnima, anjaha roh ma hanima hubangku! Tangihon ma, ase manggoluh tonduynima! Bahenonku do bannima padan sisadokah ni dokahni, ai ma idop ni uhur na bani si Daud, na manongtong in.(Ps. 89:3-5; Jer. 31:31-34; Lah. 13:34.)

55:4 Tonggor ma, hubahen do ia gabe hasaksian bani bangsa-bangsa, gabe raja pakon panggomgom bani bangsa-bangsa. (Pangk. 1:5.)

 

55:5 Tonggor ma, bangsa na so tinandamu maningon do homa diloonmu, anjaha bangsa parbegu, na so manandai ho, roh do marayak ho, halani Jahowa Naibatamu pakon halani Na pansing ni Israel, ai Ia do na pasangap ho. (Mat. 4:16; Rom 10:20.)

1. Ambilan on termasuk deutro Jesaya tikki tarbuang halak Israel i Babel. Habuangan berdampak krisis secara jasmani dan rohani. Ipausih do sidea hubani na horahan, artini: lang berdaya be. Bani situasi na sonin ma ipadas hata ni Naibata na marisi ontangan haluahon na gok malas ni uhur. Haluahon ai iondoskon tanpa syarat, ‘lang pala marduit atap marpamboli’ (ay.1), maksudni: haluahon ai sedo halani prakarsa atau halani gogoh ni sidea tapi murni sibere-bere ni Naibata. Bani proses haluahon ai Naibata lang manungkun sadiha sisa kekuatan na imiliki bangsa ai halani lang berdasarhon gogoh ni sidea haluahon ai terjadi tapi halani holong ni Naibata do. Na porlu aima sejauh ja do sidea sirsir manangihon sora ni Naibata. Naibata sihol paluahkon sidea sonaha sidea adong, tanpa syarat. Na ipangindo Naibata hubani sidea aima ‘tangihon hanima ma Ahu’ (ay.2), maksudni: memfokushon uhur pitah hubani pangurupion ni Naibata.

2. Halani ai ase isobut use, ‘mase ma mambere duit hanima bani na so sipanganon, atap gogoh bani na so boi pabosurhon’ (ay.2). Maksudni, ulang ma laho pingkiran ni sidea mangindo pangurupion hubani na legan na so boi paluahkon. Sisoya-soya do pangurupion humbani na legan, i luar ni Naibata lang adong na boi pabosurhon atau paluahkon. Bahkan bani ay.3 isobut ‘pateleng pinggolnima, anjaha roh ma hanima hu Bangku!’. Manangihon sora janah roh hubani Naibata merupakan satu-satunya solusi humbani hasosakan ai. Domu hujin, na parlobei ipersiapkon laho manjalo haluahon ai aima uhur na sirsir tangi janah porsaya bani hata ni Naibata do. Sitaronon lang boi ipakei gabe alasan lambin padaohkon diri humbani Naibata tapi sebalikni ningon gabe sada kesempatan lambin mambuka diri manangar sora ni Naibata do. Sitaronon lang homa boi gabe alasan gabe mamindahi pangurupion atau marpangunsandean hubani siparkuasa na legan halani pitah Naibata do Sipaluah. Lang boi uhur sihol maluah hape goluh lambin daoh humbani Naibata.

3. Ipatoguh do homa uhur ni bangsa ai marhitei na ipatugah sonaha Naibata hadir marmuduhon ompung ni sidea si Daud janah na dob marpadan do Naibata patoguhkon harajaonni marsundut-sundut. Ibobai do uhur ni sidea bani fakta sejarah na ongga ialami sidea pasal kuasa ampa holong ni Naibata. Artini, hata ni Naibata lang sekedar teori tapi fakta na sintong markuasa janah domma terbukti dan teruji. Bahkan lang adong na mampu membatalhon hata ampa horja ni Naibata termasuk kuasa ampa hagogohon ni bangsa na legan. Bahkan isobut bahwa haganup bangsa-bangsa termasuk na so tinanda ni sidea pe roh do use marayak sidea halani hadoharon ni sidea (ay.5). Anggo sadokah on sidea terpuruk i tongah-tongah ni bangsa asing, tapi marhitei kuasa ni Naibata gabe bangsa na legan ma use roh marayak sidea halani hadoharon ampa hasangapon na iondoskon Naibata usih songon panorang ni si Daud ompung ni sidea.

4. Refleksi

a. Buei do jolma ragu pasal masa depan halani keterbatasan ni gogoh ampa borat ni goluh. Ambilan on paingatkon bahwa masa depanta sedo itontuhon sadiha gogohta tapi bergantung hubani hasirsironta roh hubani Naibata do. Roh hubani Naibata mararti sirsir manangihon ampa ibobai hata ni Naibata. Na ipindo hubanta ase tangi bani Naibata, urusan selanjutni tentang haluahon age haporluanta domma menjadi urusan ni Naibata. Ulang ma uhur sihol maluah hape goluhta lambin daoh humbani sumber haluahon ai aima Naibata.

b. Haluahon na ibere Naibata banta lang pala marpamboli atau gratis. Artini, haluahonta sedo itontuhon sadiha gogohta tapi sejauh ja hita sirsir manangar janah porsaya bani Naibata do. Halani ai ulang ma mangunsagah bani gogohta tapi bani Naibata ma. Ulang homa iholsohkon hita keterbatasanta halani haluahonta sedo marhitei aha na adong banta tapi anggo ibere hita uhurta gabe ianan ni Naibata do.

c. Bani bueini sipingkirhonon, buei do homa sora atau tawaran hun dunia on bahkan sepintas sabas tangaron laho menggoda hita ase tutup panangarta bani sora ni Naibata. Porlu jaga ; Anggo sihol maluah ulang tanginan bani sora ni dunia on tapi totap ma tanginan bani Naibata.

d. Sirsir ibobai hata ni Naibata merupakan fundasi hidup ase monang mandompakkon haganup masalah. Gogohan do Naibata marimbang sagala bangsa, gogohan do Ia marimbang haganup musuh ampa tantangan na roh banta. Hasirsiron manangihon sora ni Naibata pasti do mamboan perobahan humbani pusok ni uhur hubani malas ni uhur ; humbani na lang berdaya gabe margogoh ; humbani khawatir gabe bersemangat ; humbani uhuman gabe maluah. Mase? Halani markuasa do hata ni Naibata janah seng ongga marladung Naibata banta kuria-Ni. 

Haleluya No. 237 : 1,  4